user6635
February 9, 2010, 9:34am
1
…
السلام عليكم ورحمة الله وبركاته …
يا أخوان قدر الله علي وجاني دسمس الترم القادم …
وأنا الآن والله مغبون ومهموم بشكل ما تتخيلونه …
أقول لأهلي أو لأ … !!
توني راجع للخرج …
واسولف مع الوالد أمس
وسبحان الله ما أدري وش اللي خلاه تمسك معاه ويسولف معي عن الجامعة والحياة الدراسية …
وأنا ودي أصرخ بصوت عالي من القهر وأقول تر اخذت دسمس …
والمشكلة إني الولد الكبير …
والأهل معلقين آمالهم علي بكل شيء …
واللي يخليني ما قلت لهم عن الدسمس أو عن وضعي الدراسي بشكل عام إني كنت متوقع أضبط وضعي الترم هذا لكن والله العظيم إني ما قدرت …
والحين ما أدري وش اسوي …
…
user6200
February 9, 2010, 9:45am
2
الله يعينك اخووووي
بصراحة انا لو مكانك اقولهم عشان ماترتكب هذي الغلطه مره ثانية
حط نفسك مكان ابوك ترضى ولدك يدسمس ويجلس وانت تفكر انه ماشي ويبي يتخرج وفجاه يصدمك لا لو انا مكانك اقولهم والاهل دايم يتفهمون الوضع و اوعدهم تشد حيلك ويقفون معك عشان تتحمس وترضيهم بعدين مهما كانوا هم اهلك
بالتوفيق لك اخووي
Fuzzy
February 9, 2010, 9:45am
3
الله يكون في عونك
لكن من واقع تجربة
في قضايا زي كذا الاهل يكونون اكثر هدوء، بس انت اختار الوقت المناسب وحسسهم انك من جد حاس بالذنب
وزيادة على كذا لازم تتحمل شوي زعلهم فترة
أو خلي واحد من قرايبك سواءً خالك أو عمك يكون موجود او يوصل له الخبر ( لأن في العادة الاباء يناقشون ويتفهمون من كل الناس الا اولادهم)
الله يسهل لك امورك ويحفظك
user4307
February 9, 2010, 9:52am
4
الله يعينك اخوي،،
وان شاء الله ترجع للجامعة ،،
بس لازم تخير اهلك ،،
ولو بطريقة غير مباشرة ،،
صدقني ،، طوال الاجازة دحين حتحس بهمين ،، الديميس والاهل ،،
فخليها هم واحد بس ،،
ربنا يعينك ،، ويوفقك ،، وماهي نهاية الدنيا ،،
_1118
February 9, 2010, 10:10am
5
كان الله بعونك
انا اقول زي اخوي fuzzy شف لك احد يقرب لك وتعرف انه يمون على والديك كثير وانت تمون عليه … وتقوله اللي صار معك … بس اهم شي تذكر الاسباب اللي وصلتك لكذا . وان شاء الله اهلك بيتفهمون .
user3160
February 9, 2010, 10:29am
6
علم أبوك أحسن بس لاتعلم أقاربك
اذا خذت دسمس مو يعني انك فصلت تقدر تقدم إعادة قبول ويمكن اذا علمت أبوك يساعدك ويشرح الظروف للتوجيه والأرشاد لانهم بعض المرات يطلبون مقابلة
imported54
February 9, 2010, 10:52am
7
والله أنصحك تكلم الوالدة أول وهي تقول لأبوك لأنها غالبا تعرف توصل المعلومه المطلوبه بالشكل المطلوب والله يعينك ويوفقك…
قدم إعادة قبول وفرصة إنك ترجع للجامعة كبيرة بس انت خلي إيمانك بالله كبير
توكل على ربك يا اخي وقولهم وفهمهم إنك بترجع إن شاء الله
ما أزيد على كلام الشبآآب
بس ما أقول إلا الله يكون بعونك ويسهل أمرك وخل أملك بالله قوي وبإذن الله تتيسر أمورك وتهون وترى الدنيآآ ما تسوى
user5650
February 9, 2010, 11:29am
11
الله يكون بعونك اخوي … وواجعم بالامر الواقع علشان لا تعيش بحياة مليئة يالكوابيس
الافضل انك تقول لأهلك وش اللي يصير معآآك …
صدقني الاهل اكثثثثر شئ يتفهم مشآآكلك … ورآح يحرجونك بوقفتهم معآآك …
مشاكل من الجامعه … او خارج الجامعه …
جرب وبالتوفيق لك …
user4459
February 9, 2010, 11:32am
13
أنا أقول انك تخبر ابوك فقط
والله يعينك
ISE-27
February 9, 2010, 11:49am
14
الله يعينك ويوفقك وانا اخوووك
user4656
February 9, 2010, 12:06pm
15
الله يعينك
الوالد و الوالدة مايتمنون أحد أحسن منهم غيرك
والخبر بيكون صدمه عليهم
لكن مهو من أول ماتشوفهم تصقعهم بالخبر
كلم الوالدة أول وقلها فيه طلاب كثير مدسمسين كذا بتخفف عليها وإن شاء الله إنك ماكذبت
وخذ رايها في مواجهة الوالد من عدمه
والله يسهلك
user4673
February 9, 2010, 12:09pm
16
الله يعينك وييسر لك امورك . وان شاء الله ترجع وتعدل امورك .
user6035
February 9, 2010, 12:14pm
17
اسمع مني
user2536
February 9, 2010, 1:16pm
18
لا تعالج المشكلة بغلطة !
user1279
February 9, 2010, 1:55pm
19
الله يكون في عونك ويسهل أمرك ويعوضك خير
شف لك وقت مناسب وعلمهم
وترى في طلاب بعد ماتنزل قائمة الموقوفين يقدمون على إعادة قبول على طول وتتم للترم اللي بعده ماتدرى قدم واتكل على الله وعليك بالدعاء آخر الليل وعلّك تكون منهم
ISE-ISE
February 9, 2010, 2:52pm
20
اخوي الله يسهل لك
المشكله مو انك تقول لاهلك او ما تقول او وش تقول
الشي اللي لازم توجه تفكيرك وتبداء تفكر بكل جديه هو ايش اللي وصلك للدسمس
الدراسة هي مستقبلك و حلمك هو التخرج وش اللي وقف بطريقك هذا حلمك تتنازل بكل سهوله عنه
لازم تكون حازم مع نفسك وعاتبها وابدا اصلح امورك واللي حواليك اذا كان احد في الجامعه مشغلك عن الدراسة
اعرف الاسباب وراح توصل للحل وهو تفوقك باذن الله بعدين
بالوقت الجاي طور مهارتك اللغه احيانا تكون سبب لنزول المستوى
اهلك راح تقول لهم وراح يتفهمون لانك خلاص امام امر واقع
ابد حياة جديدة وابدا طور مهاراتك وسوى خطة لدراستك
ووقتك بالجامعه نظمة بين الدراسة وبين هوايتك
والله يوفقك وقلبي معك
