السلام عليكم ورحمه الله وبركاته شخباركم اخواني عساكم بخير
اولا : الحمد لله على كل على ، اللهم لك الحمد حتى ترضى ولك الحمد اذا رضيت ولك الحمد بعد الرضا … ولك الحمد على كل حال…
اخواني ، اليوم هو موعد تسليم النتائج … ( الشهايد ) …
رحت و أخذت الشهادة … من المدرسة والمصيبة الكبيره !!!!!!!
( 75.94 % )
والسبب وش يا عبدالله ؟؟؟؟
المـــــــــــــــــــــــــــــــواظبـــــة ( 21.00 )
المدير بنفسه قالي ماقدر اساعدك ، غيابك كثير جداً … والمفروض نسبتك ماتقل على الاقل 85% والله على لسانه …
بعطيكم مخططي الحالي … وأتمنى قول الصراحة فيه لاني بجد تحطمت كلياً …
القـــــــــدراات :
الإختبار السابق لم اختبر ، لكن لدي فكرة شاملة عنه … وبقي الآن للإختبار التالي حوالي 3 شهـور …
وأتوقع ، اذا كان الإختبار يعتمد على الرياضيات بشكل كبير ، ( خصوصاً دروس الجبر ، والإحصاء وغيرها ) مـا تقل نسبتي عن 80%
عشـان كذا لـ نفرض نسبتي
نسبة القــدرات : 82%
التــحصــيلي :
باقي وقت طـويل جداً على التحصيلي ، وفي هذه الفتـرة راح أدرس ( إنجليزي ) في معهد تدريبي إلى أن يحين وقت الإختبار ـ، وانا واثق من نفسي لاني حاليا جيد مرتفع بالإنجليزي ، لكنني أجهل بعض القواعد … فيه لذلك ماعتقد نسبتي بتقل عن 80 ايضاً …
عشـان كذا لـ نفرض نسبتي
نسبة التحصيلي: 80%
هلا فيك ، لا والله لاهو تحطيم ولا شيء ، اذا مادخلت البترول ببتعث بالخارج على حسابي إن شاءالله
لكن العلوم في القبول هو ( النسبة المركبة ) وليس درجات الثـانويه …
واذا كان على درجات الثانيه لازم اني اشد حيلي و ماتقل نسبتي عن 98% … وهذا شي ممكن ايضاً ، لذلك اتمنى من الاخوه التأكيد او النفي على كلام الاخ سعودي بلا هويه
هل صحيح ذلك؟
وما دامك ناوي تشد حيلك ويعجبني هذا فيك قدامك الترم الثاني ودرجة القدرات والتحصيلي ابدا
دراسة من الحين وما عليك من اخوياك لو ما يشجعونك ابدأ من الحين لوكل يوم دراسة نص ساعة وتدريب
بتمر الكم شهر و انت مرتاح نفسيا , وبالنسبة للأهلية فأنصحك فيها كلها اربع سهور ادخل فيها وشد حيلك
وبتجيب نسبة حلوة ومصموونة وترا التنافس موجود في الاهلية مين قال لأ !!
ياهلا فيك فياض … والحمد لله متفاءل … مع قليل من التحطيم ( قبل كتابتي للموضوع ) ومع ارتفاع كثير جداً في الثقة و التفاءل بالنفس بعد رؤية ردودكم < يصلح موظف نشرة جوّيه :d )
بالنسبة للمدرسة الأهلية قصتي معها قصة طويله … بإذن الله لو هنـاك متسّع من الوقت ( سدحتها - داخل هوشة ) لكم … …
شكراً ، فيّاض
الله يسلمك يالغالي مزاجي وهذا اللي افكر فيه والله ، بحيث ان 20% بسيطة ، ومثل مانت شايف في بداية الموضوع ذكرت النسب في الثانوية ،’ وكذلك في الـتحصيلي و القـدرات
تسلم
واخوكم بالله من اليوم بدأ يذاكر ، ويراجع ( للقدرات - القادمـه ) … يعني ثلاث شهور … تتوقعون يمدي أفهم كامل القسم الكمي ؟ واللفظي في خلال هذه الفتــرة .؟ خصوصاً اني من جنبها بالرياضيات ،ـ لكني اتصلت بأستاذ رياضيات ، حجزته الفصل الدراسي الثـاني كامل ، بمعّدل ساعه الى ساعتين يومياً ، يشرح لي من بداية الأول متوسط، إلى ثـاني ثانوي … الاساسيات ، ويتعمق بشكل بسيط …
التـاريخ اليوم هو : 1431/2/27 هـجري …
بإذن الله راح اذكركم في هذا التاريخ وقت قبولي و التحاقي في الجامعــة … وكلمـتي وحده … خلاص …بطلنا لعب وبدأ الجد
هلا والله عبدالله انا في نفس مرحلتك ونفس حالتك ما احب الاهلية احس اني اضيع وقتي عالفاضي و10 آلاف عالفاضي ,
بس انا في الفصل الاول هذا اخذت 90% يعني ممتاز بس عالحركرك فحبيت اسئل الاخوان هل هذي النسبة جيدة ولا لا …~
وعلى حالتك اعتقد انوو في المدرسة امرها ينحل والله بس يبغالك تشد حيلك في القدرات والتحصيلي …~
والله يوفقك
شكرآ…~
شخباركم اخواني عساكم بخير
