يا شباب بالنسبة للي ما أخذوا الاستكر الجديد ، سمعت إنه من الاسبوع القادم سيأخذ مخالفة لما يوقف سيارته ،، وايش السالفة ؟؟
انا سمعت انه بيمنع من دخول الجامعه حتى يركب الاستكر !!
يا اخوان ركبوووه وافتكو من شرهم،،،
وبعدين ليه ماسكة معاكم ما تركبووووه؟؟؟
نظاما … يجوز الشيء هذا بما انهم اعطونا الوقت الكافي لتغييره … لهم الحق الان بمعاقبة اللي ما غيره
عندي الاستيكر القديم حق السكن داخل الجامعة مطلعه من ثلاث سنين اظن
تغيـّر هو ؟
يعني لازم اروح اطلع جديد ولا وش السالفة ؟!
^^^^^
ايه
^^
ايه الحين صار صغير و لونه اخضر للي ساكنين جوّا
^
طيب مداومين هم اليوم ؟
يمديني الحق عليهم قبل 4 لو مداومين 
^^^
ماظن بس جرب اتصل عليهم
في الايميل اللي جاني…
“علماً بأن إدارة الأمن ستمنع دخول أي سيارة لا تحمل أي تصريح” …
ما ذكروا شي عن المخالفات…
وما أتوقع يعطون…
بس يمكن يطفشونك بحيث كل ما جيت تدخل من البوابة يقولك رجل الأمن … ليش ماغيرتها…
لين تطفش وتغيرها…
والله أعلم…
ياجماعة والله غيروه وترتاحون,
وترا راس مالها ولا 5 دقايق عند مكتبهم وتفك أزمة و قلق عن نفسك,
أنا بس عشاني حاط الستكر الجديد دخلت الجامعة وقت الإجازة ومعي عيال عمي وقعدنا فيها ودرنا وسوينا اللي نبي ولا واحد قالنا شي,
يعني والله بترتاااااح وبتشيل هم
أنا قلت بس بعطيكم مثال عن كيف هالستكر يفك أزمة الواحد مايدري عنها…
وعطاري,
ترا دخلت الجامعة أكثر من مرة في الليل و الصبح وحتى الساعة 1 بالليل ولاواحد قالي شي برضه…
والله أنا ضد التشدد الزايد
يعني لو نفكر فيها وش الفايدة من الاستكر ؟؟
يعني لو مثلاً فيه بوابة على حواري المدرسين أقولك أوكي المدرسين بس لازم يكون عندهم ستكر عشان يدخلون هالمنطقة أما الطلاب ما يحتاجون
ولا بيفهمونا من هالحركة إنهم بيحمون الطلاب من أي اعتداء غاشم 
وبعدين ياخي لقيت سيارة ما عليها ستكر أحلى كلبش وهو الخسران مب أنت
أما الاستقعاد ومحسسني إن الهاستكر ترا شي عظيم في الجامعة ولا يمكن بأي حال من الأحوال أن يشتغني عنه الشخص !!
ياخي كل الطلاب عندهم بطاقة جامعية
لا شكيت في أحد قله أثبتلي إنك طالب لا وراك البطاقة ودخله وبلاش استقعاد
ودي مسؤول من ألمن يجي ويشرح وش فايدة الاستكر
لحد ينبرش تراني مركب استكر لكن مدري وش الفايدة منه
^^^
كلام سليم وخصوصا للي مثلي ،،، ماعندي سيارة ثابته كل شهر سياره
مره اخذ حقت الوالد ولا سيارة من سيارات اخواني او عيال عمي
يعني اركب لكل سيارة استكر …؟؟؟
طيب اقترح عليهم بدل الاستكر بطاقة مثل بطاقة الاحوال او البطاقة الجامعيه كااافيه واكثر امان
الاستكر سهل تزويره مو مثل البطاقة !!
لا شكيت في أحد قله أثبتلي إنك طالب لا وراك البطاقة ودخله وبلاش استقعاد
و تسير زحمة عند البوابة و تأخير
توقف و تطلع البطاقة
بس الستكر اسرع يشوفو رجل الامن قدامو
=============
ولا بيفهمونا من هالحركة إنهم بيحمون الطلاب من أي اعتداء غاشم
ما تدري يمكن الستكر مانع ناس من الدخول للجامعة لاشياء بطالة
صراحة تعبنا من قرارات الامن الاستعباطيه …
الاستكر … طيب ياخوي مافيه مؤتمرات تقام في الجامعة مافيه ناس يراجعون مافيه ناس زوار مافيه صحفيين يدخلون مافيه مافيه مافيه … طيب يعني كل هذولي مسوي بيمنعهم من الدخول !!!! عجيب امرهم صراحه … يقولون كلام ويفعلون كلام … طيب لو انا ماني في هالجامعه وناوي احضر معرض الملك فيصل هل لازم اكون مركب استكر هع … ولا الاستحقاط جا على الطلاب واوقات دوامهم … يعني تتاخر عن الكلاس 10 دقايق ولا اكثر … لعيون الامن البواسل …!!!
الله يصبرنا بس …
^
^
عند الاستقبال يعطو تصاريح للزوار
الاستكر مفيد بحيث تكون سيارتك مسجله بالسستم ويقدرون يكشفونك اسرع لو سويتلك مصيبه
ويسهل عمليه الدخول والخروج
ويسهل تسجيل المخالفات
----
بدون استكر لازم كلبشه عشان لا توقف غلط وتيجي تشق المخالفه
ولا عاد تداوم بالسياره هذي وتروح عليهم الصيده
خخخخ
ما دام الإستكر الأول ما إنتها ليش يجبرونا نغيره
حطوا الإستكر الجديد بدون ما تجبرون أحد
أربع سنين و تتغير كل الإستكرات
أما حركت الإستقعاد ما لها داعي
يعني وش الفرق بينه وبين القديم أبي واحد يفهمني؟
على حد علمي غرامة 500 ريال للي ضيع الاستكر الأول ،،
الله يصبرنا على شطحات الأمن والستكرات حقتهم 