انا تخرجت من الثانوية السنة الماضية وقدمت على جامعة الملك فهد وقبلون لكني ماقدمت اوراقي
وقدمت الاوراق على برنامج خادم الحرمين للابتعاث الخارجي واخترت طب ايرلندا واخذنا دورة انجليزي قبل مانسافر لايرلندا والحين ندرس سنة اللغة بايرلندا وناوي اقدم على البترول بعد الترم لأن الابتعاث مافيه الا طب وانا ميولي هندسة وحبيت اسألكم هل بامكاني تقليص عدد سنوات الدراسة من خمس سنوات الى اربع من خلال الدراسة في الاترام الصيفية؟ 
هندسه 4 سنوات !
اتوقع صعبة لدرجة الاستحاله …
مع الصيفي ممكن تخلصها في 5 .
واهلا وسهلا فيك .
ليش مو الهندسة خمس سنوات مع التحضيرية؟ وألف شكر على الرد السريع
الهندسة اربع سنوات ومع التحضيرية يصير خمس سنوات
فأنت اذا كنت تبي تجي راح تسوي برموشن بالانقلش وراح يسقط عنك بس لازم تدرس ماث 001 يعني التحضيرية فيك فيك اما بالنسبة للاترام الصيفية فليس لي بها علم
نعم الهندسة 5 سنوات مع الاوريا ولكن اذاكنت ممتاز في الانجلش والماث بامكانك تختبر برموشن وتدرس في الجبل وتخلص في 4 سنوات تقبل تحياتي والله يوصلك بالسلامة
وخذ هذي اجابه مقلعه ومتجه من الظهران الى ايرلندا
ما يمديك ابدا ابدا ابدا
لانك لو تاخذ في جميع السمسترات 19 ساعة وتاخذ كل الاترام الصيفية بثمان ساعات <<< وهذا صععععععععععب
وحتى لو سويتها راح تكون مخلص 130 وتبقى لك ثلاث ساعات
من غير التحضيريه … لو تبي تخلص ب٤ سنوات يبيلك تكرف … لكنها ممكنه ومقدور انك تسويها
أكيد أخوي تقدر تخلصها بأربع سنين
لو جيت وكانت لغتك تمام راح يختبروك إختبار ويشوفون مستواك إذا تمام يعفوك من دراسة اللغة الإنجليزية بالسنة التحضيرية واللي كل ترم عليها 8 ساعات
فكذا يبغى لك math 001 & 002
و PREPARATORY PHYSICAL SCIENCE ساعاتين وسهالة المادة
و UNIVERSITY STUDY SKILL ما عليها شيء بس نجاح
و PREPARATORY COMPUTER SCIENCE و PREPARATORY ENGINEERING TECH كل مادة ساعة وسهالة
ومادتين رياضة
وبكذا خلصت السنة التحضيرية
فتقدر مثلا تنزل أول ترم لك بالجامعة math 001 مع COMPUTER SCIENCE و ENGINEERING TECH و UNIVERSITY STUDY SKILL و PREPARATORY PHYSICAL SCIENCE ورياضة:
كذا إنت راح يكون عندك أول ترم 4 + 1 + 1 + 2 + 1= 9 ساعات وراح تكون سهالة إذا كان مستواك بالرياضيات تمام ولغتك كويسة
وتقدر تنزل مادة من متطلبات تخصصك مثلا مادة من مواد العربي ولا الإسلامية أو إنجليزي
والترم الثاني يبغى لك مادة وحدة من السنة التحضيرية ورياضة math 002 وتنزل مواد معاها من متطلبات التخرج
ولو أخذت أصياف راح تخلص بأربع سنين وصيف إذا وضعت خطة واضحة ومشيت عليها
ملاحظة: لو يرجع بي الزمن قبل ما أدخل الجامعة كان إخترت أدرس الهندسة برى
مثلا أول ترم بأول سنة راح ينزل من متلطبات التخصص 6 والترم اللي بعده 6 مع الصيف 6 كذا خلص 18
والسنة الثانية مع الصيفي 15 +15 + 6 = 36
والسنة الثالثة مع الصيفي 15 + 15 + 6 = 36
والسنة الرابعة بدون الصيفي لأنه راح يكون تطبيق 15 + 15 = 30
ولأن نظام الجامعة ما يسمح يكون التطبيق أخر شيء راح ترجع تدرس ترم الـ 13 ساعة الباقية
وتنتهي من الـ 133 لتخصص مثل الهندسة الكهربائية
أنا كتبت 15 ساعة كل ترم لأن أنصحك ما تنزل أكثر منها بالبداية على الأقل حتى تحافظ على معدل كويس
يعني تخلص الهندسة بأربع سنين ونصف وما يعتبر لك تأخير السنة هذه اللي راحت لأنها تعتبر تجربة جديدة ومفيدة لك
مع احترامي
صعب جدا جدا تخلصها في اربع سنوات
الناس بالاترام الصيفية تخلصها في خمس سنوات ويالله
طيب وليه أربع سنوات…
خمس سنوات… تأخذ خطة طبيعية 17 أو 18 كل ترم… أو 15 وتشد حيلك في الأترام الصيفية. وتحافظ على معدل معقول!
ما أعتقد في شيء يستدعي كل هالعجلة…!
عزيزي لا تفكر فيها من ناحيه انك تخلص بدري …اهم شي تتخرج وانت فاهم ومرتاح على التخصص والمجال اللي داخله …
خليك في ايرلندا أزين لك صدقني وضع الجامعه مايساعد إنك تخلصها في المدة اللي ذكرتها وإذا تريد مقارنة حقيقية شوف عدد الطلاب اللي يتم قبولهم سنويا وعدد الخريجين في كل عام فهناك فارق كبير في الرقم وهذا يدل على تأخر أكثر الطلاب إذ أن عدد لابأس بع يزيد على الخمس سنين سمستر أو سنة كاملة في بعض الأحيان.
هههههههههههههه
ذكرتني بالمتحمس يقول اخلصها في 3 سنوات ونص خخخخخخ
كنت مثلك والله افكر اخلصها في 4 سنوات الحين اقول زين اذا خلصتها في 5 سنوات زايد ترم اضافي مع جميع الاصياف
بالتوفيق لك