اسلام عليكم ورحمة الله وبركاته
اخوااااني
لو ادخل مدرسة خاااصة
واجيب نسبة فوق90
هل الجامعة
تقبلني؟؟؟
وسؤال ثاني
ماهو الاختبار التحصيلي
====
انا طالب بالصف الثاني ثانوي
جبت بالفصل الاول نسبة 72%
تشرون علي اعيد السنة ودخل خاص ولا لا اكمل
شوري عليك عيد السنه
وعن القبول عااااادي ما في فرق
وين انت ساكن عشان نقولك المدارس الاهليه الممتازه
مشكور لك
انا من المدينة المنورة
يارجال لا تعيد ولا شي
كمل على اللي انت عليه وشد حيلك اكثر
النسبه المركبه منها 20% على الثنويه … مهيب شي كثيير
شد حيلك في التحصيلي
بالتوفييق
هلا فيك
اذا كنت تبغى البترول وتحلم تدخلها وتدرس فيها … " عيد السنة "
بس لازم تكون متأكد انك رح تجيب احسن من اول
بالنسبة " للتحصيلي "
هذا اختبار مقرر على الطلاب المتخرجين من الثانوي من مركز * قيآآآس *
نفس اختبار القدرات … اغلب الجامعات تطلب هالاختبار بدرجات مختلفة
يتم فيه اختبار الطالب في المواد الرياضيات و الفيزياء و الكيمياء والأحياء والانجليزي ]
اختيارات طبعا
من مناهج أول ثانوي الى ثالث ثانوي
البترول تعمد في النسبة المركبة على التحصيلي بنسبة 50%
بالتوفـــــــــــــــــــــــــــــــيق
لا تعيد بس ذاكر صح تعدل وضعك وتطلع من الثانوية فوق الـ 85
يبغالك تذاكر أكثر للتحصيلي يعني الحين امسك كل شي لا يطير من مخك شي
لو فرضنا إنك سويت كذة و ما تهاونت تجيب التحصيلي فوق الـ 90 والله سهلة
بس الناس ما يذاكرون في ملهيات كثيرة حاول إنك تحرم نفسك منها
هذا لو أنت ناوي صح !
نسبة الثانوية مو مهمة بس العادة اللي يجيب تحت الـ 95 بالعادة ما يجيب درجات
حلوة بالتحصيلي لأنه هاذا معناه إنه ما ذاكر صح
ممكن أنت تكسر القاعدة لو غيرت ستايل حياتك وأولوياتك
اسمع اتصل على المركز وقول لهم انا لو عدت سنه اقدر اعيد اختبار القدرات والتحصيلي مره ثانيه وله
خيو
بتكلم جد وباسلوب خشن
يا خيي وش لكـ بالبترول وهوايلها
ترى عندنا جامعات وااااجد
بس ادا انت مصر شوف درجتكـ في القياس ادا تحت 70 فالله يعوض عليكـ وحاول تشوفلكـ شي يناسبكـ ويناسب مستواكـ
أنا ما ادعي اني عبقري او ما شابهه بس شي ما اقدر عليه ما راح افكر فيه <<مثل ابتعاث سابكـ
عندكـ جامعة الأمير سلطان الأهلية
قريبة من مستوى البترول
وايضا جامعة الملك سعود
والملكـ خالد
غير الجامعات الجديدة …ماشاء الله عندنا الان حوالي 33 جامعة غير الكليات حاول تشوف اللي يناسبكـ من الآن
مثلاً أنا
عندي اولويات <<احسها مي مناسبة
اولاً
سي بي سي ابتعاث داخلي<<املي فيها ضعيف بس نحاول
البترول<< يعتمد ع اختباري التحصيلي وشكلي ببدع فيه
ابتعاث<< كندا(هالفكس, تورنتو , أوتاوا) اليابان (كويوتو , طوكيو) نيوزلندا (أي جامعه عريقة)<<طبعا هدول اسامي جامعات وقبولي في الابتعاث شبه مضمون 80%-لاسباب الخاصة
كلية الجبيل <<<قبولي فيها مضمون 100%
الاي تي سي<<هدي حق اللي يبي يشتغل وياخد حقه وزيادة
حاول تسوي لكـ قائمة مثل دي بعدها راح ترتاح لانكـ كده راح تضمن انكـ تكون مهندس محترم
نصيحه ادا قياس تحت ال70 انسى البترول
أضيف أيضا على كلام الأخ hashim
البترول تسكر عليك فرصة تغيير التخصص
السلام عليكم
والله لو تبي نصيحتي … شيل فكرة إعادة السنة من راسك , هذي سنة من حياتك تضيعها على شيء مو مضمون , أنا ما أبي أحطمك , لكن حتى لو إفترضنا إنك عدت سنة , نفسيتك بتكون متضايقة , ماهي نفس نفسيتك لما تكون مع خويانك , وأنا أعرف ناس تخرجوا من ثاني بنسبة 70 % , وثالث راحوا لأهلية وبالفصل الأول جابوا 95% 
يعني شد حيلك بالفصل الثاني , وثالث رح لأهلية , وركز على القدرات و التحصيلي …
والله يوفقك , ويحقق لك أحلامك , ويخليك لعين ترجيك 
شوف يالغالي انا من المدينة المنورة
ادرس ثالث ثانوي قبل سنتين عدت السنة عشان معدلي كان 76%
بس الحمد لله عوضتها رحت مدرسة اهليه وتخرجت من ثاني 93%
واللحين الحمد لله الفصل الأول 96%
واعرف ناس عادوا السنة وما جابو اعلى من الاولى
بصرررااحه راجع نفسك شوف لو عدت السنة راح تجيب نسبة عالية والا لا
اذا كنت بتجيب عيد سنة وما وراك شي
واما اذا ما راح تجيب لا تعيد
قال عز وجل (( لا يكلف الله نفس الا وسعها ))
انت تعرف قدراتك اكثر من اي واحد ثاني
واي استفسار انا جاهز 
نصيحتي لا تعيد لأنك لو حسبتها بالمعدل
شهادة الثانوي 20% فقط
يعني ثاني ثانوي الفصل الأول 5%
يعني تقريبا حصلت فوق 3%
وباقي لك 15% في الفصل الثاني وثالث ثانوي
شد حيلك وباذن الله تجيب نسبه تفرح فيها وانت ما عدت السنة
لالالا تــــعــــيـــــد
واذا انت منت راعي دراسه ولا انك صعب تفهم نصيحه
((مد ايدك على قد لحافك))
السلام عليكم
لو سمحت بسأل اذا عرفت جامعة البترول تقبل شهادة ثانويه اهليه ؟