أنا أبغا أعرف ليش الطلاب يكرهون اختبار القدرات ؟؟ + ((موضوع للنقاش))

الطريق إلى جامعة الملك فهد للبترول والمعادن
1

السلام عليكم ورحمة الله وبركاته

أنا أبغا أعرف ليش الطلاب يكرهون اختبار القدرات ؟؟

و مو قصدي اني أحبه :smiling_face_with_three_hearts: ] ,

لكن

بعد التفكير أدركت ان :

هذا الاختبار أولا عادل ] ,

ووضع أساساَ عشان يقيم الطلاب ويقيس مستوى الفهم عندهم , :nerd_face:

و أنا أقبل بالنتيجة اللي راح أحصلها و ما عندي أي اعتراض ,

راح تسألوني وش الفايدة ؟ من التقييم ؟ ,

وردي راح يكون :

بـ رأيي , عشان يحمي الطالب من الدخول في تخصص ماراح ينجح أو يمشي] فيه أو يكون التخصص أعلى من مستواه العقلي , :neutral_face:

يعني نتيجتك بالقدرات راح تبين لك مستوى التخصص المناسب لك , :thumbsup:

--

ليه الشخص يزعل اذا اخذ 60% ؟؟

بالعكس الاختبار أفادك , كيف ؟؟

الاختبار بين لك أن تخصصات الجامعات مثل جامعة الملك فهد مو مناسبة لك ,

دور على جامعة تناسبك , و أهم شي تختار التخصص ,
اللي انت تحبه وتحس انك راح تبدع فيه ,

--

يعني لو مــثــلا جامعة الملك فهد مافيها مطلوب اختبار القدرات

أغلب الطلاب راح يدخلونها وراح يتفاجؤون بمستوى المواد للتخصصات ,

وكثير منهم راح يعيد أكثر من فصل , و السبب ؟؟

التخصص مو مناسب له

و بها الطريقة انت المستفيد
--

وابغا آرائكم في الموضوع

لكم مني أطيب تحية :rose:

2

عليكم السلام والرحمه . .
بالعكس ما نكره القدرات،الإختبار جداً جميل ويبيّن لك قدراتك،لكن من الإختبار الأول إلى الرابع راح تكون قدراتك تتطور من وقت لآخر،بمعنى إن كنت ممّن يستفيدون من الإختبار الأول،راح تجيب في الإختبار الثاني أعلى درجة من الأول،وهكذا

الإختبار مرّه ممتاز،وعادل…

يعطيك العافيه

3

الاختبار** مره عادل اتفق معاك**

وخلي الي يدرس في مدرسه اهليه يتعلم كيف يجيب نسبه بدون فلوس

طبعا بعض المدراس الاهليه شديده محد ينكر بس اكثرهم

جيب مدرس خصوصي وخذ الفل مارك في الماده

ولو تبي بالشرقيه اعدد لك 7 مدارس تعطي نسب انا جاهز

4

والله من ناحيتي انا مأكره اختبار القدرات
عندي الاختبار ذا جداً مهم وقفزة كبيرة جدا في تعليمنا العالي ولايهون التحصيلي بعد لكن التحصيلي اكرهه :laughing:

5

انا اتمنى انهم يسوون درجة معاادلهـ ,يعني الي اختبر اربع مراات يجمعوون درجااته ويقسموونها على اربع …
كذا تكوون عاادلهـ …مو نظاام الهبقاات والحظ :slight_smile: مثل واحد… اول اختبار 65 والثاني 80 والثالث 68 <<كيف …لاتسألوني !

6

ابد لا نكره ولا شي لو كان اختبار واحد او اثنين اقولك نكرهه وفيه ظلم بس عندك 4 اختبارات ولا بعد تقدر تختبر اذا انت باولى ثانوي يعني 6 اختبارات بس حقت الاول الثانوي ماتحسب فقط تجريب لكن بتفيدك وبعدين تحاول هالاختبارات تطلع مهاراتك ونادر تلاقى واحد ممتاز في الدراسه وضعيف في القدرات(الا اذا ماشد ع نفسه) لكن بيشد على نفسه ويراجع ويذاكر راح يصفق بنسبه حلوه,و صدقني (( ان الله لا يضيع اجر من احسن عملا)) انت جد واشتهد وشد ع نفسك الاختبارت الجايه وتشوف ان الله مايضيع جهدك

makel aljaw ولكم تحــــــياتي

7

+1 :rose:

8

أخوي

لوكان بالطريقة اللي انت تقولها

كان انخفست أغلب درجات الطلاب

فــ أفضل للطالب انهم ياخذون أعلى درجة
أعلى درجة : 80
لو بالمعدل : 65+80+68= 71

:rose:

9

كلامك 100% صح

:rose:

10

+1

يعطيك العافية

11

مآ شآء آلله / لــفْته جميْےـلة منّڪ آخ طمۈح ] :slight_smile:

.

آلقدرآـأت متعة + تحدّي للنفسس + آثبآت آلذّآت ,
ۈآنآ آحبّ آلنّۈع هذآ من آلآختبآرآت خآصصّه آذآ ڪآنت { غير متعلّقه بـ آلمنهـــج ْ … }

.

ۈآللّي يزيدنــي دآفع " آن آغلب آلطلــّأب يدّعون بـ صعۈبته ۈآلظّلم ۈآلحظ ! ! ! ,
فـ هنآ تجي عزيمتي والتحدّي آنّ بـ آمڪآني آخْذ آعْلـى آلنّسسب في هذآ آلــأختبآر آلجميل … ]

.

بـ آلنّهآيه آختبآر آلقدرآت ڪل مآله يسْهل عـ آلطـــلـّأب , لـ آلتۈعيه آلحآصله بـ آلمنتديآت ۈآلمدآرس ۈآلدّۈرآت ,

.

تمنيّآتي آلقلْبية لڪم بـ آعلى آلنّسب فـ آلدّنيآ ۈآلــآخره … :rose:… ]

12

والله انا ما اكرهه بالعكس زي ما قلتوا يبين مستوى الشخص وقدراته بس فيه مشكله وحده (((((الوقت في بعض المرات يكون قصييير فيبدا الطالب حتى لو كان ممتاز بالتأليف))))) يعني لو يزودون الوقت شوي يصير افضل لان اسئلته الكمي سهلة بس يبغالها شوية وقت …كلامي من واقع تجربتي واكثر من واحد من اخوياي … :person_with_crown:

13

بالعكس انا ودي احب رأس اللي اخترع شئ اسمه قدرات لاني بالدراسة نسبتي 92
وترتيبي بالخمسين على المدرسة ولاكن بالقدرات انا اعلى واحد بالمدرسة جبت 90
وهذا يرفع من نسبتي

14

اوووه يابترولي بوي لو تدري امكن عشانك بمدرسة حكومية قلت ان طلاب الاهلية يطلعون

الدرجات بالراحة وبدون تعب <<< انا مالومك كثير من المدارس الاهلية كذا + انه تفكير اغلب الا

طلاب الحكومي ان الاهلية تدف وهي ماتشوف

لكن درست بالرياض في مدرستين اهليتين شديدة قمة في الشدة

الي هي مدارس الرواد الاهلية ومدارس الارقم الاهلية

فايدة انها اهلية شرحها والتنظيم بس حتى ملخصات مافيه يعني من

الجلدة للجلدة والدفتر بس حتى الشهري يقسمونها على عدد الاختبارات مو اعلى اختبار

بتقول ليش قاعد فيها دام انها ماتساعد رح حكومي احسن <<< سؤال ينقال كثييير

بقول لان استغفر الله معظم طلاب الحكومي عندنا بالرياض يعانون من التخلف

<<< (( كلامي لايشمل الجميع )) لكن محد ينكر ان كلها مشاكل وجو المدرسة والطلاب

مايساعد ع التفوق <<< (( الكلام لايشمل الجميع )) <<< خرجوا نوابغ من الحكومي

ومشاكل ثانية انت ادرى فيها …

واتمنى اني ماطولت , :heart:

++++++++++

اعتذر لصاحب الموضوع اني خرجت براا الموضوع

15

السلام عليكم
أنا دخلت ثاني ثنوي ما أعرف أجمع الكسور… والماث في جهة وانا في أخرى!
ولكن بفضل الله ثم وجود القدرات فهمت كثير من أساسيات الرياضيات التي ما كنت لأفهمها في مدرستي الأهلية المتخلفة .
أذكر بأني كنت متحمس للإختبار من أولى ثنوي وكنت أجمع منشورات قياس من ذيك الأيام
والحمد لله حصلت درجات مرضية بالقدرات
الي أقصده إن قدراتك يمكنك تطويرها إذا كانت عندك الرغبة.

يعطيك العافية طموح…

16

نورت الموضوع ,

17

الله يزيدك وو يعطينا من مثل ما أعطاك

تحياتي

18

بالفعل اخوي ,

يعطيك الف عافية ,

19

ما عليك ,
حياك ,

20

اختبار ممتاز جداً، وهو مثل ماتعرف اصلا جاءت فكرته من فكرة اختبار القدرات الدراسية الامريكي sat …
فيعني الفكرة كانت مجربة من قبل ونجحت وتم تجريبها هنا ونجحت …

ولكن البعض ممكن يبغض هالاختبار لأنه كان متعود يسمع من الابتدائي انك لازم تشد حيلك في ثالث بس وتدخل احسن جامعة
ويوم جت الانظمة الجديدة، ماتقبلها البعض، لأن حس ان فرصته قلت ولو درس على النظام القديم كان مستقبله
افضل … هذا التفسير الوحيد من وجهة نظري

شكرا لك