السلام عليكم ورحمة الله وبركاته وبعد:
حبيت استفسر عن هالجامعة لانه اكثر من واحد مدحلي اياها وشهادتها بكالوريوس طبعا من ناحية القبول والنسبة المركبة حقتهم وهل الافضلية للي بالهيئة الملكية مع العلم اني من سكان الخبر >>هالكلية حاطها براسي في حال عدم قبولي في البترول لا سمح الله 
شااااااااااااكر ومقدر لكل اللي بيردوا 
وشهي الكليه الملكيه يا شباب الخير
اي معلومات اضافيه :d ؟؟ .
. ننتظركم _ فضولي شوي< ~
طيب يا شباب ( عن اذنك يا صاحب الموضوع )
الحين لو قدر الله وما قبلت بالجامعه اقر اقم بكلية المجتمع …
لكن اللي اعرفه ان كلية المجتمع ما تعطي مكافاءات …!! فهل هذا صحيح
ولو صحيح وش الحل لو تبي تدخل الجامعه ؟؟
Thx
اي تقدر تقدم واذا جبت معدل زين اول ترم او اول سنة يحولوك البترول وتبدا من السنه الثانيه يعني السنة اللي درستها بالمجتمع ما بتعيدها بالبترول …والمجتمع ما تعطي مكافآت …
اذا ماتبي المجتمع قدم بجامعة ثانية وجيب معدل حلو وحول … كل هالكلام انشالله مااتوقع انك تحتاجه لان قدراتك مرره حلوه ماشالله 
… خل البلان b و c لنا 
^^
سعود … الكلام هذا يقولون انهم كنسلوه الترم هذا
تأكد قبل تسوي خطوه مثل كذا !
^^^
متى وليش كنسلوه د.علوش ؟؟ 
لان هالشي منالاحتمالات اللي يمكن اسويها اذا ماانقبلت
والله هذا اللي سمعناه هالسنه
دق على اداره القبول وتأكد اكثر … لا تسوي خطوه وانت ماتدري وش وراها !
^^^
مشكور ويعطيك العافيه 
كليه الجبيل الصناعيه وكليه ينبع الصناعيه تابعه للهيئه الملكيه للجبيل وينبع يعني مو تبع التعليم العالي مثل جامعه البترول والملك سعود وغيرها ولهم شروط نفس شروط الجامعات بس يطلبون نسب مركبه ماتكون عاليه مره وعندهم فقد 5 تخصصات هندسه بكالوريس اللي هي (كهربائيه ,صناعيه ,كيميائيه,ميكانكيه , والتخصص الاخير نادر جداا ومو موجود الا في جامعه سعود وكليه الجبيل اللي هو هندسه الالات الدقيقه وله مستقبل قوي ) ومن ناحيه الوظائف لا تشيل هم الكليه متخصه في مجالات الهندسه وشهادتها قويه ومطلوبه بارامكو وسابك وعندك المدن الصناعيه الجديده واللي الان قائمه تحتاج مهندسن صناعين بالاف وكهربائيين وميكانكيين,الخ بالاضافه الى تخصات الدبلوم (قوى كهربائيه,الخ).
اتمنى افدتكم makel aljaw
على فكرة تخصص الالات الدقيقة موجود في جامعتنا الحبيبة اللي هوا تخصص النظم
وعلى الجبيل الجامعية
صراحة أغلب الشبااب يمدحوها … لكن أنا ماخشت راسي صراحة … أنا أشوف الملك سعود أفضل بكثيير من الجبيل الجامعية وأيضا أشوف الجبيل الصناعية أفضل … أنا اللي سمعتو إن الجبيل الجامعية توها فاتحة و لسا على مااعتقد ماخرجت أول دفعة … أعتقد بهذا الشيء الكلية ماحتكون معروفة عند الشركات … عكس سعود والبترول و الجبيل وينبع الصناعية
عالعموووم أخووي إن شاء والله وبإذن الواحد الأحد إنك ماتحتاجها … وإنك مقبول في البترول … وخل ثقتك بنفسك عااالية
وإذا لاقدر الله ماجاتك … أستخيييييييييييييييير وقرر
وربنا يكون في العون
يعطيك العافية حبيبي makel aljaw افدتني بقوة يا عزيزي
الله يعطيك العافية على الرد وتو مانور الموضوع يا الغالي 
كلية الجبيل ممتازة و اللي يميزها انه نفس الشركات اللي في الجبيل تاخذ معظم الفنين منها و سمعت من بعض طلاب اللي في الكلية يقولوا انه العرض يجيك لمحلك من اول سنة
و غير كذا اعرف واحد ترك البترول و راح الكلية و هذا هو مستانس
كلية الجبيل الجامعية توها في بدايتها حتى مبناها موقت وقاعدين يجهزون لها مبنى جديد ورح تتحول الي جامعة عمى قريب
اما بالنسبة للتدريس فهيا تتبع خطى البترول تقريبا نفس المناهج ومتشددين في التدريس والاختبارت