السلام عليكم ورحمة الله وبركاته
أتمنى الإجابة تكون من اللي سبق له ان اختبر |رجاء| 
1/ هل التحصيلي يعتبر (أسهل) من اختبار القدرات او لا ؟؟
2/ هـل يـوجـد فـيـه ( إنحراف معياري ) زي القدرات ؟؟
3/ كم متوسط درجات الطلاب في التحصيلي ؟؟
و أكون شاكر جدا لكم ,
انا توني ما اختبرت بس بجاوبك على اللي بقدر:
1)على حسب دراستك في الثانوي اذا كانت مشي حالك بتتورط بالتحصيلي
اما اذا كنت قد حالك في الثانوي فإن شاء الله درجة التحصيلي بتكون
اعلى من القدرات.
2)االتحصيلي ماافيه انحراف معياري …(على كلام موظفين قياس).
3)والله ماعندي علم .
تحياتي… 
صحت اناملك يا كبهاوي
عموما الاختبار اغلبه اسئلة مباشرة وعادية
فيه لفات وخدع بس قليييييييييييييل مرة
بالنسبة للمتوسط … فيه ناس يجيبون 95 وفيه ناس يجيبون 65
كل واحد وحسب مذاكرته
انت شد حيلك وذاكر اللي تقدر عليه وان شاء الله ما تقل عن 85
عن اذن صاحب الموضوع
ما في شي احسن ما رام 2 للتحصيلي
احس احقر كتاب , كله اسئلة و المعلومات اللي يعطيك اياها مبهمة و التلخيصات ابهم و ابهم
نبي شي مبسط و شامل !
تحصيل 2
يعطيك الف عافية أخوي
حياك ربي ( جينيس )
و يعطيك العافية
حياك الله
اختبار القدرات اختبار ذكاء
أما الاختبار التحصيلي فهو يحدد هل أنت من من يذاكر للاختبار ثم ينسى أم أن المعلومة ترسخ في بالك
أنا جبت في التحصيلي 86 مع اني كنت أحل في قسم الانقليزي بطريقة حقرة بقرة
ونصيحة اللي بيذاكر تحصيلي يركز على قسم الأحياء لأن الأسئلة اللي منه كثيرة
^^^^^^^^^^
اي كتاب انت ذاكرت منه
صراحة فكرة كتاب وملخص ما لها داعي
ناس تقول خذ رام 2 وخذ قبول 2 وتحصيل 2
كلها صدقوني ماتنفع
التلخيص زايد فيهم لدرجة انه كثير من القوانين والمعلومات محذوفة فيه
نصيحتي : ذاكر عدل في الصف الثالث الفصل الثاني وراجع مراجعة للفصل الاول
والقي نظرة على ثاني واول
وانشاء الله كلنا 90+
المشكلة الاحيا هالعلة … !
يقولو اغلب أسئلته من ثالث , واحيا ثالث مره مره مهم …
الله يستر …
يا شباب شوفوا لنا حل!!
ما يصير , الحين كل وقتنا بنحطه في الاختبارات و بعدين يجي التحصيلي ما معنا الا **اقل **من اسبوع
ويش السواة؟!
ويش الخطة ؟؟!
لا تخاف
وانت تذاكر للنهائي … تراك تذاكر للتحصيلي
اذا كنت مذاكر للمواد من قبل … ذاكر من اليوم الى يوم الاربعاء تحصيلي
بعدين خميس وجمعة للرياضيات
اذا ما كنت مذاكر من اول , ذاكر المواد الاسبوع الجاي وركز على العلمية… والتحصيلي لاحق عليه
التحصيلي تقريبا له 5 ايام بعد آخر اختبار نهائي
يعني يمديك بالراحة
وللمرة العشر طعش 
:
التحصيلي اختبار سهل ومباشر بس يبغاله مذاكرة شاملة
هلا فيك خيووو
حبيت أوضح نقطة مهمة لك
كل اللي ينصحون بالكتب من الناس اللي اختبروا تحصيلي
وذاكرو منه وماشاء الله عليهم درجاتهم عالية
بالمختصر يعني عندهم خبرة أحسن مني ومنك 
وانت تقول لاتاخذون الكتب على أي أساس ما ناخذها ,.’,.؟؟؟
صراحة انا لاحظت وجود اخطاء في الكتب هذي من ناحية الاسئلة والتلخيص
وكذلك النقص الحاد في التلخيص لدرجة ان كثير من القوانين المهمة في الكيمياء والفيزياء ماهي موجودة
وبالنسبة للناس اللي اخذوا درجات عالية
اهم استخدموا الكتب هذي كاسترجاع معلومات
بالاضافة انهم استخدموا الكتاب للتدرب
ما اعتمدوا عليه اعتماد كلي
كلااامك 100%
على طاري القوانين الناقصة
ركزوا على التباديل والتوافيق اذا كانت موجودة ولا لا
لانهم ذبحونا في عام 2007 بالاسئلة اللي مثل ذي
عز الله اني ما حليت ولا سؤال منها
1 - مافيه شي اسمه اسهل ولا اصعب بين القدرات والتحصيلي لأن ما بينهم علاقة أساسا
بس التحصيلي كان فيه وقت لدرجة إنك تتمننى إنهم يقولون “انتقل للقسم الي بعده” من زود الوقت مقارنة بالقدرات.
2- الانحراف المعياراي ما هضمته ولا أدري وشو أساسا…
3- أسئلتك صعبة… 
ما أعتقد فيه متوسط يعني أذكر فصلي كان مقسم لأقسام
الدوافير جابوا في التحصيلي في الثمانينات
والمجتهدين في السبعين وحولها
والي ماهمب دوافير ولا مجتهدين في بحر الخمسين والستين
------
بالنسبة للي يقول ان الكتب غير مفيدة أختلف معه تمااااماً ومن واقع تجربة
أنا من الي ما درسوا الثنوي كويس حتى ثلاث ثنوي
يوم خلصت الاختبارات النهائية مسكت الكتاب حق البابطين عشانه يفتح النفس -كان عندي رام 2 بس ما فتحته الا نااادراً
المهم إني بصراحة ذاكرت كل الأقسام الا الرياضايات لأني كنت فااقد الامل… 
(مريت عليه مرور)
ويوم جاء الاختبار طلعت وأنا حاس اني باجيب الدرجة الي خططت عليها
على إني إستخدمت القس في معظم المسائل الي فيها ارقام -سواء رياضية ,فيزيائية أو كيميائية.
لأني ما حفظت ولا قانون
لكني كنت متأكد من معظم إجاباتي في باقي الأقسام خصوصاً الإنقلش
والفضل بعد الله يرجع لقبول 2
بالتوفيق شباب والله يكتب لكم الخير سواء في البترول ولا غيرها.
انا أقول ركزوا على الاختبارات النهائيه الاسبوع الجاي 
و حاولوا تخلصون ماده وحده بس بكره للتحصيلي 
…
عندكم بعد الاختبارات النهائيه 5 ايام تقريبا خصص كل يوم مادهـ
بيكون باقي لك اربع مواد خلصهم في اربع ايام و يوم شوف اسئلة اللي اختبروا
وراجع منهااا و حل اسئلة كل الكتب رام وقبول و تحصيلي وبإذن الله تجيب الـ 100% …