حااااااااااااااااااااااااااول فيهم انا والله صاقعني الدسمس هالترم بس بحاووول فيهم يردوني 101 باللي فيه
ليش جااااي الجامعة علشاان اتخرج منها باقوى شهااادة ياحوي لا تتعب بدل السنوات اللي بتضيعها باي جامعة ثانية حاول فيهم اللحين وبشتى الوسائل والطرق وان الله باذن الواحد انك ترجع خل طمووووووووووجك عالي وانا خوك
إذكر الله وأنا أخوك , علشان دسمس بتستسلم ؟! كلنا عارفين وضع الجامعة وعايشين نفس وضعك و ضغط نفسي موب معقول من الدراسة ومن بعدك عن أهلك بالشهور وغيره وغيره , كلنا عايشين نفس حالتك الصعبة …
لا تترك عمرك يروح وتندم بعدين , ما أقولك إنها سهلة , إلا تهد الحيل , بس حط في بالك المُستقبل , لا تشغل مخك بالظيم اللي نعيشه يومياً , فكر لا تخرجت وشلت شهادتك, تفكيرك بالضغط النفسي هو اللي يوقف طموحك ويحبطك …
لا تستهين بنفسك , ما دخلت البترول ولا قعدت فيها أربع سنوات إلا وأنت قدها , بس الظاهر إنك ما إنتهت لها يوم إنك تقول في جامعة في السعودية بتقبلك , إنسى جامعات السعودية وحط البترول بين عيونك وتتأخر ترم واحد ( 101 ) ولا تعيد أربع سنوات من عمرك , على الأقل ما يضيع تعبك هذا كله …
لا تستسلم وأنا أخوك والله إنها صعبة بس حنا قدها وبنعديها , الفترة الجاية خذها نقاهة , ريح راسك فيها , إقعد مع أهلك , سافر , سو اللي تبيه ولا تفكر في الجامعة ولا خلص الترم قدم مرة ثانية ورح كلمهم وجه لـ وجه في عمادة القبول وخلهم يشوفون إنك فعلاً إستفدت من الفترة اللي بعدت فيها …
وعلى فكرة , ترا كلمة دورلك على جامعة ثانية يستخدمونها مع الجميع , إستخدموها معي و قالوها في وجه خويي من أيام الأوريا , لو قعدت تفكر فيها , مثل ما قلتلك , بتوقفك … لا تفكر فيها فكر في اللي بيصير إذا رجعت وتخرجت من البترول …
أول شيء ،، الله يعوضك خير في جامعة البترول ويكتب لك اللي فيه الخير،،
أنصحك اختبر من جديد قياس وتحصيلي ولحق نفسك بالملك سعود كلية الهندسة ،،
وإذا ما جاءت
أنصحك بجامعة الامام ، فتحوا فيها كلية هندسة وكلية حاسب ،،
وبإذن الله ستبدع وترتاح نفسياً
وبالتوفيق
بأسألك سؤال , الـ f اللي أنت جايبه سببه إنك ما فهمت المواد ؟! ولا أنت منتب مرتاح نفسياً … تتبع الترانسكربت حقك وشف , متى بدت الـ إفات تجي … في فترة معينة بدت فيها درجاتك تنـزل وأكيد ذيك الفترة كانت فيها بداية الضغط النفسي اللي وصلك لهالحالة …
أنا أعرف واحد , كان هندسة بس ما أذكر وشي بالضبط , مُعدله كان 1,7 أو 1,6 ورجع للجامعة والأن على ابواب التخرج ما شاء الله عليه … كلام العميد إنك حالة ميؤوس منها , لا تاخذبها , أنت اللي عايش الضغط موب أي أحد ثاني , لا تخلي أحد يقولك أنت ما تقدر تسوي الشي الفلاني
حسب كلامك إنك خلصت أربع سنوات في الجامعة , وهندسة كهربائية , يعني ما أتوقع إن المشكلة في طريقة تفكيرك أو مدى فهمك … أتوقعها مسألة نفسية موب أكاديمية … صدقني أي قرار تاخذه الحين في إحتمالية كبيرة إنك تندم عليه لأن حالتك النفسية ما تسمح لك تاخذ قرارات تغير مجرى حياتك وترجعك أربع سنوات ورا …
ريح مخك الحين و إطلع مع أخوياك و إقعد مع أهلك و إضحك معهم وإن قدرت تسافر سافر , ولا تقصر على نفسك بشي … وشف وضعك و نفسيتك وشلون بتصير بعدين قرر … أهم شي إنك ما تخلي أحد يحددلك قدراتك …
فيه اختبار قدرات استثنائي من قبل مركز القياس وكذلك اختبار تحصيلي ستحصله في موقع القياس ،، وفي حالة قبولك سيعادلون لك السنة التحضيرية وحالتك المذكورة ما انصحك تضيع وقتك في جامعة البترول وصدقني ستبدع بإذن الله إذا سجلت في جامعة اخرى وتقدر تقدم طلب تسجيل كطالب محول لجامعة الملك سعود بشرط إنك تكتب معروض لعميد القبول وتوضح له إنك كنت تدرس بجامعة البترول وحصل لك ظروف ما تسمح لك بالمواصلة فيها ومن هذا القبيل وهو راح ينظر لوضعك واحتمال كبير يقبلوك بعد ا تسجل كأنك طالب مستجد وبعدين يعادلون لك السنة التحضيرية إن شاء الله وبالتوفيق
