الكلام هذا قدييم … السنه هذي صار فيه تغيير للخطه بحيث انه لايقبل الطلاب اللي يكملون في المجتمع وهذا صار مع دفعه 29
هذا حسب الكلام اللي وصلني وتأكدوا قبل لا تمشون في طريق مظلم و انت ماتضمن الشروط
تم اغلاق الموضوع
علوش
السلام عليكم …
مساء الخير يا اوريات المستقبل …
وشلونكم عساكم طيبين …
لفت نظري مواضيع الطلاب في هذا القسم … اللي متحطم واللي يقول طارت البترول واللي انكسرت اجنحته نسأل الله السلامة …
وانا اخوكم فيه طريقة كثيير من الطلاب اللي بوضعكم يجهلها …
طريقة غير مباشرة تقدر بإذن الله تدخل البترول فيها …
الا وهي حبيبتنا … كلية المجتمع بالدمام … وكلية المجتمع بحفر الباطن …
الجامعة اتاحت فرصة لطلاب كلية المجتمع بالتحويل لجامعة الملك فهد بعد ترم واحد …
وطبعا بشروط معينة … على ما اذكر لازم تكون الجنسية سعودي ولازم تجيب درجة جيد (C) في الرياضيات والانقليزي …
محدثكم احد طلاب كلية المجتمع دفعة 2008 والآن ولله الحمد بطاقة تعريفي كطالب في جامعة البترول متواجدة في محفظتي 
… حولت من كلية المجتمع لجامعة الملك فهد …
درست في كلية المجتمع ترم واحد فقط (( وقتها كان مطلوب درجة B اللي هي جيد جدا للتحويل من ترم واحد ودرجة C للتحويل من ترمين … طبعا في كل المواد لازم اجيب الدرجة هذي وهي كلها على بعضها رياضيات وانقليزي مادتين بس … !! ))
فعلا اذكر يوم طلعت نتائج القبول … كنت متحطم مثلكم … وقبلت في جامعة طيبة هندسة تطبيقية وقدمت اوراقي واخذت بطاقة تعريف الطالب … ولما طلعت نتائج كلية المجتمع بالدمام … رحت وسحبت ملفي من عند طيبة وقدمت على كلية المجتمع بالدمام … ما انسى كلمة احد دكاترة جامعة طيبة وكان وقتها مشرف على التسجيل … قال : تترك هندسة تطبيقية وتروح لدبلوم ؟؟ … قلت وبكل ثقة … نعم لان فيه فرصة اني احول لجامعة الملك فهد … قال : صدقني راح تندم …
والحمد لله اشوف نفسي ماندمت الحين … فـ اي واحد يقولك راح تندم لا تسمع له …
والآن الحمد لله بتوفيق الله وكرمه طالب زيي زي الطلاب اللي قبلتهم الجامعة … 
لا تتحطمون … إلى الآن فيه فرصة …
وبيني وبينكم … والله احلى ايااام مرت علي … ايام كلية المجتمع …
صحيح المدرسين لك عليهم … لكن رااااااااااحة بااال … احسن من البترول …
مادتين بسس << سمعت انهم اضافوا مادة الرياضة … ماني متأكد …
ملاحظة مهمة :
1- طبعا تأكدوا جميعا من الشروط لان كل سنة لهم شروط غير … فـ كل واحد يتأكد من شروط القبول والدرجات المطلوبة قبل لا يسجل … وطبعا التسجيل توهـ مادري متى يفتح بس خابره يتأخر .
2- إذا حولت إن شاء الله لجامعة البترول راح تكون متأخر عن الطلاب المقبولين من البداية بمادتين او ثلاث … لكن بسيطة جدا وما تأثر عليك .
3- حاول تجيب معدل عالي بالسنة التحضيرية في الكلية وفي الجامعة عشان تقدر تنزل مواد اكثر بالسنة اللي بعدها (( النقطة هذي ماراح تفهمها إلا إذا جيت للجامعة … اهم شي شد حيلك … ))
4- وهذي اهم نقطة … انت لما قدمت على البترول … ماقدمت عليها الا انك تشوف نفسك قدها … صح ولالا … ؟؟ نفس الشي كلية المجتمع … ترا مايطلبون شي اصعب من البترول … كل اللي يطلبونه C … وطبعا لو كنت طالب بالبترول وجبت اقل من هالدرجة لازم تعيد الكورس … يعني الجهد اللي يبذلونه طلاب البترول نفس الجهد اللي يبذلونه طلاب كلية المجتمع …
مافيه فرق … !! اتمنى وضحت النقطة
بالآخير الله يوفقكم دنيا وآخره …
وترا مو معناة طارت البترول يعني خلاص ضاع مستقبلك … !!
الفرص كثييييييييييرة … لكن المسألة مسألة عزيمة وإصرار …
الذكي … المجتهد … يتفوق ويتميز باي مكان …
خالص التحية … مشعل الحربي
- )