استفسار عن جامعة الملك فهد للبترول والمعادن

الطريق إلى جامعة الملك فهد للبترول والمعادن
1

السلام عليكم

ياليت يا اخوان الاعزاء تعطوني اجابة لهذي الأسئلة

س1/ متى تبدأ الدراسة ؟؟ هل هي مع المدارس ؟؟
س2/ السنة التحضيريه ياليت احد يعرفها لي وكم المعدل المطلوب حتى انجح وهل اقدر اخذ التخصص الي ابيه مهما كان معدلي ؟؟
س3/ كيف تقييم الخدمات مثل المغاسل والمطعم والبقالات هع هع ؟؟
س4/ ما هي مواد السنة التحضيريه ؟؟ وكم مدتها ؟؟ هل هي سنة او اكثر ام اقل ؟؟
س5/ هل شهادة جامعة الملك فهد للبترول والمعادن قوية ؟؟ وكم المعدل المطلوب اثناء التخرج حتى اظمن وظيفه بعد ارادة الله ؟؟
س6/ ما هي افضل التخصصات من ناحية الاحتياج وكثرة وظائفها ؟؟
س7/ ما هي اسوأ التخصصات من ناحية الاحتياج قلة وظائفها حتى لا ادخلها ؟؟
س8/ ما هي اصعب التخصصات ؟؟
س9/ ما هي اسهل التخصصات ؟؟
س10/ بدون مجاملة هل هنالك جامعة في المملكة افضل من جامعة الملك فهد للبترول والمعادن ؟؟
س11/ هل السنة التحضيريه مثل المدارس اداوم 6 الصباح واطلع 1 الظهر ؟؟
س12/ هل السنوات الي بعد السنة التحضيريه نفس الشيء من ناحية وقت الدراسة ؟؟
يعني وقت دراستها نفس وقت دراآآآسة السنة التحضيريه ؟؟
س13/ , كيف مستوى الترفيه في الجامعة ؟؟ هل اقدر اطلع في العصر واتمشى ؟؟ ولا محجور في الجامعة ؟؟ وهل اقدر اجيب معي بلايستشين :heart_eyes: ؟؟ هل فيه انترنت مجآآآني ؟؟
س14 /هل اقدر اختار الرووميت حقي ولا الدعوة حظ واجباري ؟؟
س15 / اخر سؤال واعذروني طولتها … نصيحة تنصح اخوووواااانك طلاب السنة التحضيريه ؟؟

2

وعليكم السلام ورحمة الله وبركاته…
هلا والله فيك…

1- غالبا الدوام يبدأ من 7 أو 8 وتختلف من شخص لشخص كل على حسب جدوله…
2- السنة التحضيرية مالها معدل مطلوب أهم شي انك تعديها في ترمين عشان تختار التخصص الي تبيه…
3- فيه مطاعم ومغاسل إذا كنت تبي تغسل ثيابك أو مغاسل زي المغاسل الي في المدن…
4- كل ترم 5 مواد…والسنة التحضيرية 3 أترام بالكثير…
5- جامعة الملك فهد معروفة قوتها…والمعدل يعتمد عليك بعد توفيق الله لك…
6- فيه تخصصات كثيرة يمديك تبحث عنها من هنا http://www2.kfupm.edu.sa/admissions/Files/Colleges.htm

7- نفس الي قبله…
8- تقريبا الهندسة الكهربائية…
9- لا علم عندي…
10- الله أعلم…
11- لا…
12- لا…
13- تقدر تسوي الي تبي…بس نظم وقتك…وجيب الي تبي…والانترنت مجاني … :slight_smile:
14- تقدر تختار…وإذا ماجبت هم يحطون لك…
15- لا تخاف من السنة التخضيرية قهي ماهي صعبة…بس تحتاج شغل شوي…وتوكل على الله واجتهد…والله بيوفقك…

وحياك الله في أي وقت غذا كان عندك أسئلة ثانيه…

3

س1/ متى تبدأ الدراسة ؟؟ هل هي مع المدارس ؟؟

قبل المدارس باسبوع لتستلم السكن + الكتب

هل شهادة جامعة الملك فهد للبترول والمعادن قوية ؟؟ وكم المعدل المطلوب اثناء التخرج حتى اظمن وظيفه بعد ارادة الله ؟؟

اكييد شهادتها قوية …, وللتخرج يحتاج لك 2 او اعلى من 4 …,

س6/ ما هي افضل التخصصات من ناحية الاحتياج وكثرة وظائفها ؟؟
س7/ ما هي اسوأ التخصصات من ناحية الاحتياج قلة وظائفها حتى لا ادخلها ؟؟
س8/ ما هي اصعب التخصصات ؟؟
س9/ ما هي اسهل التخصصات ؟؟

لا يوجد افضل او اسوا هي رغبات وميول + الصعوبة للي ما يذاكر

س10/ بدون مجاملة هل هنالك جامعة في المملكة افضل من جامعة الملك فهد للبترول والمعادن ؟؟

من وجهة نظري لا …,

س11/ هل السنة التحضيريه مثل المدارس اداوم 6 الصباح واطلع 1 الظهر ؟؟

حسب الجدول …, ودوام السنة التحضيرية تقريبا من 8 الى 5

ل السنوات الي بعد السنة التحضيريه نفس الشيء من ناحية وقت الدراسة ؟؟
يعني وقت دراستها نفس وقت دراآآآسة السنة التحضيريه ؟؟

لا اخف من دوام التحضيرية + حسب الجدول اللي تحطهـ …,

س13/ , كيف مستوى الترفيه في الجامعة ؟؟ هل اقدر اطلع في العصر واتمشى ؟؟ ولا محجور في الجامعة ؟؟ وهل اقدر اجيب معي بلايستشين ؟؟ هل فيه انترنت مجآآآني ؟؟

اكيييد تقدر تطلع باي وقت …, وفيه نت …, ولكن لا انصح بالملهيات خلال السنة التحضيرية (بلايستشين …الخ)

س14 /هل اقدر اختار الرووميت حقي ولا الدعوة حظ واجباري ؟؟

تختار اللي تبيه

س15 / اخر سؤال واعذروني طولتها … نصيحة تنصح اخوووواااانك طلاب السنة التحضيريه ؟؟

الصلاة ودعاء الوالدين …,

رد لاخوي كروكليوم قد يفيدك
http://www.skfupm.com./vb/showpost.php?p=642454&postcount=6

تمنياتي لك بكل التوفيق …,

4

يس

السنة التحضيرية pyp … اغلبها حصص انجليزي … مع الرياضيات وبعض الواد العلمية

تعود الطالب على دخول جو الدراسة باللغة الانجليزية قبل الدخول في مواد التخصص

لازم تجيب فيها درجة C … طبعا الدرجات لها نظام طويل تفهمه بعدين :slight_smile:

التخصص ما يتقيد بمعدل طالب التحضيري

داخل الجامعة … بقالة + 2 مغسلة ملابس + مطعم الجامعة ومطعمين عادية + مكتب خطوط + كوفي + قرطاسية

الخدمات فيها كويسة اعطيها 6 من 10

برى الجامعة بس قريب … مطاعم ومقاهي ومحلات ملابس الخ ,

انجليزي (4 ساعات في اليوم) + رياضيات + (فيزياء وكيمياء وجيولوحيا) + حاسب + تربية رياضية + ورشة + مهارات الاتصال

مدتها سنة كاملة … الا اذا حملت مواد فلك فرصة 4 اترام ومن ضمنها الصيفي

شهادة البترول بالنسبة للشركات تعتبر توب

اما في الجهات الحكومة اعتقد مافيه فرق بين الجامعات

جيب معدل 2.75 من 4 وان شا الله الوظيفة جاهزة (طبعا على حسب ظروف الدولة في سنة تخرجك)

مافيه معدل مطلوب … لا تنزل تحت 1.5 اهم حاجة لان فيها طرد ترم

ولاتنزل تحت 1.75 لان فيها انقطاع مكافئة

سوق العمل تختلف احتياجياته كل سنة

من رايي … الهندسة الكيميائية للشركات … والكهربائية او المكيكانيكية للباقي

سؤالك ماله اجابة :slight_smile: … ادخل التخصص اللي ترتاح معه وربك كريم

نفس الكلام … تختلف من شخص الى آخر … :slight_smile:

من وجهة نظري … وبعد الاطلاع على مناهج بعض الجامعات … البترول الأولى في الهندسة في السعودية

دوامها من 7 الى 3

او من 8 الى 4

الجدول بيكون جاهز لك في اول يوم دوام

االتحضيرية دوام طويل … بس مافيها الا الرياضيات والانجليوي اللي يبغالها متابعة يومية

باقي السنوات … دوام اقصر بكثير … بس تكثر المواد

الترفيه = مسابح , ملاعب كرة قدم وسلة وطايرة , سكواش , تنس ارضي , صالة حديد

تقدر … ترانا في جامعة موب في ددورة عسكرية :laughing:

تقدر تجيب بلاي ستيشن … بس نظم وقتك

انترنت مجاني … بس القيمزر ما يشتغل :slight_smile:

تختار اللي نبغاه … فيه موضوع مثبت عن اختيار الروميت … حط مواصفاتك وبتلقى :slight_smile:

اذا ما اخترت قبل الموعد المحدد اللي هو قبل الدوام بيومين … يحطون معك واحد بس تقدر تغيره بعدين

لا طولتها ولا شي … من حقك تسال عن اللي ماتعرفه :wink:

الله يوفقكم يالاوريا ويجعل دخولكم للجامعة موفق :rose:

اهم حاجة عندي : تنظيم الوقت

اتمنى اني افدتك يالغلا …

5

1-تبدأ يوم 16 شوال ما أدري مع المدارس أو لا…وهذا التقويم الأكاديمي للسمستر الجاي
http://regweb.kfupm.edu.sa/cal/cal101.htm
2-النجاح للماث والانجلش من C يعني جيد يعني 2 من 4 في المعدل بس هنا أفرج 2 من أربعه ما تعني 50% في الماث 2من4 يعني من 52 الى 58 على حسب الأفرج أما الانجلش من 62 الى 72 على حسب الافرج يمكن أعلى من كذا أو أنزل…والبقيه من D (مقبول) كلها ستاندرد ما عدا الفيزكس أفرج والمقبول من 42 الى 50 على ما أعتقد يكون عادة…
3-هذا ما أقدر أجاوبك عليه لأني مانه ساكن في الجامعه
4-المواد ماث وانجلش تاخذها في قسمين ماث001 و002 وانجلش 001و002 ورياضه 001و002( وفي فيزيكس وستدي سكلز في سمستر و سمستر تاخذ وورك شوب وكمبيوتر ساينس طبعا يمكن يتعاكسوا هذولا المواد الأربع يعني تاخذ انت فيزيكس وستدي سكلز أو سمستر وغيرك ياخذوا وورك شوب وكمبيوتر ساينس والعكس صحيح)
5-شهادة جامعة البترول مو أنا أو غيري اللي يقول انها قويه أو ضعيفه الشركات هي اللي تقول…يعني الطلب على طلاب البترول يوضح انه شهادة الجامعه قويه وسبب قوة الشهاده هو قوة وصعوبة الدراسه في الجامعه…المعدل المطلووب على حسب تخصصك اذا هو قوي أو لا. طبعا في ناس طالعين ب 2من 4 ويتوظفوا قبل ناس طالعه ب 3من 4 وعادي يكونوا من نفس التخصص السالفه كلها أرزاق أو واسطات…(وسؤال صريح هل سمعت عن خريج بترول قعد له فوق السنه ما حصل ولا وظيفه) بس في ناس معدلاتهم ضعيفه ولا تحصل وظايف ممتازه وطبعا لما تسأله راح يقول ذنب الجامعه…ومعروف سبب نزول معدله ذنب منهو…
6-كل التخصصات اللي في الجامعه عليها طلب بس يختلف مثلا تخصصات كلية العلوم الهندسيه عليها أكثر الطلب…هندسة كيميائيه وميكانيكيه وكهربائيه وغيرهم…
7-مافي تخصصات اسمها الأسوأ أو تخصصات الأحسن مثل ما قلت لك انت ورزقك بس في تخصصات قويه وفي تخصصات أضعف اشوي…
8-شوف انت داخل هندسه أو اداره أو غيرهم ان اخترت تخصص مو على حسب ميولك راح يكون أصعب تخصص في الحياه بالنسبه لك…أما اذا هو على ميولك راح يكون ألى تخصص بالنسبه لك لأنك راح تستمتع بالدراسه فيه…
9-نفس جواب 8
10-تختلف الجامعات في القوه على حسب التخصص مثلا جامعة البترول هي الأقوى في البلد في التخصصات الهندسيه…والبقيه في منافسات بينها وبين الجامعات الثانيه…مع انه جامعة البترول ما تخرج طلاب الا لما يكونوا يستاهلوا يحملوا اسم خريجي جامعة البترول…
11-هذا السؤال ضحكتني في:Dه…لا ما تداوم زي المدارس يعني الدوام يا ايرلي يا أما ليت
1-ايرلي:انجلش من 8 الى 10 حصتين وبعدين من 10 الى 3 حصتين…وباقي المواد يا أما تكون بين حصص الانجليزي ويكون دوامك ضغط بس تخلص بسرعه أو يكونوا بعد أو قبل حصص الانجلش وفي ذي الحاله الله يعينك.(صار عندي ماث أربعة ايام في الاسبوع من 8 الى 9 ودوامي ليت يعني دوامي صار من 8الى خمس وكله بريكات وأنا مانه سكان في الجامعه والله ذقت الويل منه)
2-ليت من 10 الى 12 انجلش ومن 3 الى 5 انجلش…ونفس الكلام بالنسبه لباقي الحصص…
12-لا انت اللي تنظم جدولك وعلى كيفك تبيه طويل وكله بريكات أو قصير والحصص ورا بعض…
13-اللي سألتهم في 13 مع اني مانه ساكن في الجامعه اجابتهم نعم ما عدا انك ما بتكون محجور في الحجره…ليش انت في الابتدائي يدخلوك ويقفلوا عليك الباب لا تطلع…انت رجال وأفهم بمصلحتك لو تبي تطلع الساعه 2 الليل بكيفك…
14-اي تقدر تختاره بس ما ادري كيف الطريقه انشا الله الاخوان يفيدونك…
15-الله الله في المذاكره وانتبه لدراستك لأنك لو جيت تبي تلعب صدقني ما أحد راح يخسر غيرك…
وتقبوا تحياتي :rose:

6

^^^^^^^^^^^^لا اله الا الله على ما خلصت كتابة ردي اثنين خلصوا قبلي هههههههههه

7

الله يوفقكم واحد واحد
روح انسان-The Genuis-stu2009

بس عندي سؤال
وش الفرق
بين كلية الهندسة وكلية الهندسة التطبيقية
او انها صارت مدموجة الحين؟

ومشكوووورين

8

لما تدرس هندسه كيميائيه أو هندسه كيميائيه تطبيقيه

لما تدرس هندسه كيميائيه رؤاح تقدر تكمل الماستر في الهندسه الكيميائيه أما التطبيقيه لما تجي تبي تكمل الماستر لازم ترجع وتاخذ كورسين هم اللي ما يفرقوا في البكالوريوس بين التطبيقيه والعاديه(العلميه)…عشان تكمل ماستر هندسه كيميائه ولأنه الكيميائيه التطبيقيه ما فيها ماستر…

وفي التطبيق يفرق معاك التتطبيقيه يكون تطبيقهم أكثر من العلميه لما يتخرجوا…هذا اللي شفته أنا يوم التخصصات واذا غلطت في شي انشا الله الشباب يصححوه

9

يعطيكم الف عافيه وعندي سؤال بسيط

ياليت يا اخوان تقولون لي الافضل من هذي التخصصات بالترتيب وما هي مميزات كل وحده وعيوبها

هندسة معادن
هندسة بترول
هندسة كيميائية
هندسة كهربائية
هندسة ميكانيكية

10

1-معادن:ما سمعت أنا فيها
2-بترول:وهذي أقوى تخصصات الهندسه في الراتب وأكثرها طلب في أرامكو يعني سمعت انه الخريج الجديد يعطوه حول ال 18 ألف الى 20ألف
3-كيميائيه:للخمس سنوات القادمه من المتوقع انها تكون أقوى تخصص للهندسه…والسبب شركات البتروكيماويات الجايه للبلد…في مدينة الجبيل وينبع الصناعيتين2 ومدينة الجبيل الصناعيه3
4-كهربائيه:هذا التخصص اللي ما يخلى منه يعني هذا التخصص في كل الشركات ولا تخلى منه شركه.
5-ميكانيكيه:وهذي نفس الكهربائيه ودراستها على اللي سمعته عنها انها حلوه مرره…ومن دفعتي (السنه الماضيه) أكثر الشباب اللي أعرفهم دخلوها

11

ياليت تراجع الموضوع المثبت بخصوص الاستفسارات