انا مثلك اخوي (ا ر ل 7845 ) وربي متحيييييير لدرجه ان مخي شوي ويفصل 
انا ودي بالابتعاث وودي بجامعة فهد بس انا ما ادري هل الصيدله مضمونه وظيفتها؟؟
وغير كذا كيف دراستها صعبه والالا؟؟ وعن نفسي انا نص و نص بالكيميا بس بالانجلش اوووكي والحمد لله
و اللي لاعب فيني بعد انو لو سحبت ملفاتي من فهد سلم عليها ما عاد فيه رجعه:(
يا ريت من اللي يدري اذا هذا قبول نهائي يعلمنا واذا التخصص حلو او لا
كل هذا بعد اذن صاحب الموضوع طبعا 
إذ تبغا رأيي الشخصي
أنا قبل ما أنقبل في البترول … كنت أقول لنفسي لو فيه إبتعاث هندسة كنت اروح وانا مغمض
لكن بعد ماجيت البترول منجد عانيت من الغربة وقلت الحمدلله بس اني في السعودية وقريب من أهلي " 1200 كيلو " … ولمن جا رمضان وانا مصيف الان … تمنيت اني ما اخذت صيف … فا قريت في احدى الصحف خبر عن صيام الطلاب المبتعثين … وصراحة هانت علي مصيبتي
والحمدلله
أنا أشوف الإبتعاث خليه في الماستر والدكتوراة
لكن كل واحد وقدراتو على التأقلم مع الاجواء الجديدة
و إنت أستخير و أستشير
وأنصحك روح لمنتدى مبتعث وأسألهم هناك . عندهم خبرة أكثر
موفق
أوافق العم واصل 
الله يكتب اللي فيه خير
الابتعاث حلو من الناحية التعليمية
لكن بالنسبة للوظيفة بالتخصص
ما ادري اذا متوفر
وعصفور باليد ولا عشرة على الشجرة
يعني البترول والمعادن مستقبلها مضمون
ويعني انت يا استاذ <<…>>
ما شاء الله عليك بتمشي و مثلا
لو تخلي الابتعاث للماستر والدكتوراه
يكون افضل والبكالوريوس هنا
على الأقل تروح وعندك خبرة بالحياة الجامعية
بالماستر والدكتوراه
والله يوفقك
انا بقول لكم شي انا واحد من الناس اللي يحبون اللقافه والابتكار
وقبلني البرنامج حق طويل العمر تخصص (تقنيه طبيه)
يعني عاجبني لكن ماراح اروح لاني ما اضمن الوظيفه بعدها
وبعدين وش ابي بالبعد وحاصله لي شهاده قويه من البترول
ولمعلوميتكم
الابتعاث حق الملك مايودونك جامعات قويه يودونك جامعات يمكن مستواها اقل من البترول
واللي مو متاكد يروح يشوف انتقادات اهل الخبره في اليو تيوب
وبالاخير راح اسحب على الابتعاث
وياااااااااااااااالبىالبترول
صح نسيت لاقول القبول مو نهائي
فيه تصفيه واختبارت مفاضله,ولازم ترجمة شهاده ومدري ايش …الخ
نص مقتبس من الرسالة :
نهنئكم على ترشحكم في المرحلة السادسة من برنامج خادم الحرمين الشريفين الملك عبدالله بن عبدالعزيز حفظه الله للابتعاث الخارجي، ونبلغكم أن موعد تقديم وثائقكم للتدقيق هو…
الواضح ان القبول نهائي ، والموعد لتدقيق الاوراق والتأكد من صحتها !
هذا اللي فهمته ، والله اعلم !
اول شي اخوي ركز ايش قال لك(ترشيح)والكل يعرف معنى كلمة ترشيح ما قال لك قبول
ماتسمع لما يقولون المرشح الرئاسي ولا المرشح المدري ايش
مثل ما قالو المرشحه هيلاري كلنتون وبالاخير ماصارت رئيسه>>>>>>>للمثال والتوضيح لا اكثر
لا القبول مو نهائي
فيه مفاضلات وفيه اشياء ثانية بالمحسوبية
لكن الله يوفقك
معدل الابتعاث حيكون 14 الف مبتعث
يعني ثلث المتقدمين راح يطلعوا
ولاحظ راح يكون جزء منهم ماستر ودكتوراه
وثلثين ما ادري ايش راح يصير لهم
فالبترول يمكن انها اضمن مستقبلا لك
وانت مثل ما قلت استخر واحد واستشر 1000
واسال الله التوفيق والسداد للجميع
واسال الله التوفيق والسداد للجميع
والله تصدقون انكم اقنعتوني شوي
وبالاخص انو ما راح يدرسوك بجامعه قويه
ومن قال يا لبى البترول انا اقول لبى قلبك
>>>>>>>>.بترولي رسميا 
ومشكورين ع الردود وهذا دليل على انكم تحبون لنا الخير وربي يوفقنا جميعا لما يحب ويرضا 
بعد اذن صاحب الموضوع طبعا
زي ما قال اخونا واصل
خذ لك بعثة 
وتخصص الصيدلة مطلوب في السعودية
طيب تبيه يسحب ملفه من البترول والقبول ماهو نهائي
ولو ضاع مستقبله من يتحمل نتاجها
انا اقول لك خلك في البترول اضمن لك
وكلنا مرشحين للابتعاث
يعني قبلونا مبدئيا غير نهائي هالكلام لكن كلنا سحبنا
هاتف البرنامج:
2107533 -1- 966 تحويله: 178 - 201
البريد الالكتروني:
kasp@mohe.gov.sa
طيب اخوي صاحب الموضوع تاكدت ان القبول مو نهائي
يخوي ملنا الا نستخير
ووالله الاستشارات نصهم هنا ونصهم هناك
والله يعين
وخذ راحتك الموضوع موضعك <<< مسوي فيها هههه
لا والله ما يبغالها مقارنه … البترول … أنت داري , بعثات الهم ذي وين بتحطك ؟؟ خاصة في أوروبا … ترا التعليم بلغة البلد … و بعدين , بالله تقارن مهندس كيميائي !! بصيدلي … … كني أقارن نفسي فيك >>> أطلع برا >> ^^
فعلشان كذا , خاويني على الهندسة الكيميائيه … والله يوفقك ويجمل حالك يا عسل … وأي معلومه أضيف ايميلي
ونتفاهم صح ^^
لا والله مو متاكد لانهم ما ردو علي
مشكور اخوي فراس
والله زادت قناعتي بالبترول
وانا سويت لك اضافة
تحياتي
والله شوف حبيبي ا ل ر 8570>>>>>>لاحد يدقق على الارقام
انا متاكد من سالفة ان القبول غير نهائي
ولكن حبيت اني اتاكد انك تاكد بنفسك>>>>>>>>>>من جد متعوب عليها
وكلامي مثل القمر اخوي فراس
^^^^
يعطيك الف عااااافية على مجهودك واهتمامك
والله يكتب اللي فيه الخير