والله انا مثلكـ تماما بس لو باسحب ملفي متى يمديني ؟؟؟ ومتى ساعات الدوام للجامعة في رمضان؟؟؟ وهل بعثة الملك الرسالة اللي ارسلوها تعتبر قبول نهائي للابتعاث؟؟
والله انا مثلك الصراحة ، جاني قبول البعثه … وكنت حاط صيدلة
عشان اقدر اختار ( امريكا ، كندا ) … على اساس فيه مجال للتحويل مثلاً بعدين
لاني مالي خاطر ادرس التخصصات الصحية ككل وحاب المجالات الهندسية اكثر
على أي حال ، لازالت هنالك فرصة طويلة للموعد ممكن الواحد يستشير فيها اهل الخبرة.
اسأل الله العلي العظيم في هذا الشهر الكريم أن يمن علينا جميعاً بالاختيار السليم لإستكمال دراستنا
في التخصص الذي نريده و الذي سنكون من المبدعين فيه بإذن الله . آمين
والله اللي قدر يضمن المقعد النهائي بالابتعاث
يروح وعسى الله يوفقه لكن اللي ما يقدر يضمن
فهو عاد اعرف بنفسه
لكن المشكلة اذا راحت الثنتين عليك
وطبعا المتقدمين بالابتعاث تقريبا 50 الف
وبالنهاية راح تدقق البيانات و ما راح يطلع الا 14 الف
بالكثير
العام الماضي تقدم 38 الف وبالنهاية ترشح تقريبا 7 الآف
في جميع المستويات بكالوريوس وماستر ودكتوراه
وانا ما ادري عن شرط اختبار كفاءات اللغة الانجليزية
اذا باقي موجود او لا
لكن احرص على انك تكون عارف ايش راح تسوي
لأن هذي المرحلة السادسة مو زي المراحل اللي راحت
يعني بتكون التنافسية فيها بشكل اكبر …
واسال الله لك التوفيق والسداد لك ولجميع ابناء المسلمين
ثانيا انا لو اني منك احسبها براسي كشخص هل بتأقلم برى وبمشي مضبوط ؟ هل تخصص صناعة ادوية فعلا موجود وهل هو يناسبني ؟
لأن فرصة الابتعاث افضل بكثير من وجودك هنا في جامعة البترول “رأيي الشخصي” من الناحية التعليمية
اما من ناحية الراحه النفسية فبالتأكيد وجودك بالسعودية اريح لك وافضل لك …
ثالثا واخيرا لازم تعرف بأسرع وقت القبول نهائي أم مبدئي … عشان تعرف تتخذ قرارك
بالاخير القرار النهائي لك اخوي
لكن صناعة الادويه ما اعتقد انه له مجال قوي بالسعوديه
واذا تبي شوري انا روح للبترول …لكن اهم شي شاور رب العالمين واستخيره يمكن يشور لك انك تروح برا وشوف وش اللي تحس انك مرتاح له
وتاكد انه اختيار رب العالمين لك للمكان الافضل لك
