بسم الله الرحمن الرحيم
تحية طيبة للجميع …
ودي يا أخواننا الأوريات السابقين ياليت تقولون لاخوانكم الاوريات الجدد كيف كان أول يوم لكم في
الجامعه من ناحية النفسيه و هل فهمتوا و كيف كانوا الدكاتره معكم و الدوام بشكل عام و بعد الدوام
في السكن ايش سويتوا و كيف كانت نفسيتكم و كذا … يعني بالعربي نبي كل يواحد يقولنا جدوله
في اليوم الاول كله من اول ما نام يوم الجمعه لما ما نام يوم السبت باليل . و شكرا
ايه والله ياليت يخبرونا عن اول يوم وش صار لهم فيه وكيف كانت نفسياتهم مع الغربه …
اوول 3 ايام الله يسلمك كان طفش في طفش الله يعينكم الحين وانا اخوك على وشك التخرج ههههههه قصدي التخرج من الاوريا
والله بخصوص الدوام كان عادي بس لخبطة … يعني ماكنت مستوعب مسألة المحاضرات اللي في اكثر من كلاس …
ولكن فيه حماس، لأنه تدرس بطريقة مختلفة …
وبخصوص السكن، انا سكنت مع واحد اعرفه، يعني ماكان فيه مشكلة …
وعموما الوضع مو مقلق يعني تقدر تقول وناسة << الطفش والقلق يبدأ مع بداية الروتين اذا تعودت على النظام وشفت كل شي في الجامعة وماصار فيه شي جديد
يا الله مرت سنتين على ذيك الايام 
بالبدايه بتحس طبيعي بحماس ويمكن رهبة شوي , تعرف طريقة تدريس وتعامل مره مختلفه من اللي كنتوا تعيشونها بالثانوي
وتشوف الطلاب بالمحاضرات الاولى , كلن يتميلح ويسوي نفسه احسن واحد 
السكن انا الحمد لله سكنت مع واحد اعرفه من اايام الابتدائي
بس الغرفه اول ما تستلمها ما فيها الا اثاث , وتحس شوي كآبه , لكن تضيف لمساتك عليها تصير ولا اروع
ما عليكـ , انت بس حط ببالك ان الامور تمام وتصير تمام
والله يوفقنا و يوفقكم يا حبايبنا الاوريات
والله كان ممتاز ولله الحمد بس كان شعور رهبه وحماس زي ما قالوا الشباب اللي قبلي لكن أنا واجهتني مشكله واحده ألا وهي أنا ما كنت اعرف اماكن المباني واماكن الغرف (اذكرا كلاس الماث تأخرت نص ساعه وكنت ميت من الخوف من الدكتور بس الجمدلله كان حبيب وقال عادي اول يوم بس لاعاد تتأخر)
ما اتذكر شيء مميز داومت من 8 الى 3
وبس
الله يعينا بس لنا رجعة بعد ما اجرب أول يوم
وتحياتي
من المرات القليله التي سقطت فيها دمعتي
انصحك بعد ما تجي لأخذ البطاقة وإنهاء امور السكن انك ما ترجع وتجلس بالجامعة وتشوف المباني وتتعود على الجو
واهم شيء خذ الدنيا ببساطه ولا تلتفت للمثبطين
كان عادي لان سبق لي زيارة الجامعه قبل ادخلها يعني ماشي جديد
بس حسيت اني احاول اركز كثير حتى دااااااااااااااااخ راسي بس الحين احس مطنش ابو الجامعه باللي فيها يعني
كثر خيري اني اروحها
أتذكر
1- البرائة 
2- الحماسة 
3- الشرشحة(النطنطة) من مبنى لمبنى للحاق بالحصص 
4- الرووم ميت اللي رحل من أول يوم نظرا للصدمة العنيفة الدراسية في الجامعة 
5- الزعبي مدرس الرياضيات 
6- الدوام الطوييييييييييييييييييييييييييييييييييييييييييييييييييييييييييييييل *_*
-
السلام عليكم
بقولك قصتي في اليوم الأول
في البداية أول ماجيت الشرقية سلمت أوراقي واستلمت السكن ورحت عند قريبي سكنت عنده الربوع والخميس والجمعة … الجمعة على الساعة 12 في الليل وصلني الجامعة و دخلت الغرفة لقيت رومتي مو موجود دقيت عليه قلي أنا بجي الساعة 6 الصبح … قلتله تماام يسير صحيني معاك مررة وحدة … قالي أووكي
المهم جلست في الغرفة طفشان مافي لانت ولاشي " طبعا يا شبااب كنت ساكن في اللاينات " البركسات و الاسطبلات سمها ماشئت " " المهم … قلت ياولد خليني ارتب اغراضي وكلش وبعدين لمن خلصت قلت لازم اقرا سورة البقرة على الغرفة قريت اشوي إلا وحسيت بالنعاس قلت خليني أفك اللابتوب واخلي الشيخ سعد الغامدي يكمل والله اول ماحطيت راسي ماجاني نوم الا بعد حوالي ساعة او شيء زي كذا وعلى مااعتقد اني نمت عالساعة 3 المهم نووووووووووومت الين ماجا روميتي عالساعة 6 فك الغرفة وانا علطووول اصحا مع دخوله للغرفة … صحيت قمت صليت الفجر سوكت أسنااني … جلست في الغرفة وجالس اسولف مع رومتي عالكتب … نبغا نعرف ايش هوا كتاب الانجليزي منا عارفين ( الكتب كلها بالانجليزي عشان كذا ) أنا أقولو لا الظاهر هذا كتاب االنجلش و هوا يقولي لا وفي الاخير عرفناه مع اشوية شك و قلنا خلينا نتوكل على الله ونورح الكلاس فيه … خرحنا من الغرفة عالساعة 7 الصباح وكلاسنا 8 … قلنا خلينا نرووح نفطر في مطعم الجامعة … قالي يلا مطعم الجامعة مطعم الجامعة … روحنا واحنا منا شايفين عن الدرب و منا عارفين على وين رايحين و نحنا ماشيين الحمدلله لقيت واحد من عيال المدرسة حقتي كان من دفعة 28 و انا ليا سنة ماشفته … المهم سلام سلام اهلا هلا في البداية ماعرفني وبعدين عاد اخذتنا الهروج و قلنا له لو سمحت يالطيب ممكن مطعم الجامعة قلي انا رايح يسير تعالو معاايا … و والله ونرووح معاه … ويدينا نصايح عن الاوريا وقالي وقتها " ترا واحد ولا اثنين هما اللي حيكونو فاهمين ايش يقول المدرس والبقية حيكونو مبلمين " ريحني والله من هذي الناحية … رحنا مطعم الجامعة انا ورميتي رحنا في طاولة والاخ الكريم راح لخويناه في طاولة اخرى … أكلنا من المطعم و أفكر اني اخذت بان كيك " ماعرفتها إلا لمن قلي هيا الباكستاني حق المطعم " و شكشوكة و حليب … المهم كان شيء مش بطال ( هوا أفضل شيء في مطعم الجامعة الفطور ) المهم قلنا الحمدلله ومشينا على مبنى الاوريا … ونحنا ماشيين قلت لروميتي تعرف المبنى فين قلي لا … قلي استنا اطلع الخريطة اللي ادونا هيا في اليوم التعريفي … طلعها والله وضيعنا زيادة بس الحمدلله لقينا اووريات كثيير ماشيين فا مشينا وراهم … وخشينا المبنى … وصراحة المبنى كان مررررررررررررة زحمة و اغلب الشبااب مضيعين أمكنة كلاساتهم … عاد انا وروميتي افترقنا و قلنا كل في طريقه للكولاس … خشيت الكلاس جلست في الاخير مااعرف ولا احد , ساااااكت , بريييء … و أووريا بمعنى الكلمة … ( كنت في الويكند اللي قبل الدراسة جالس اكلم واحد من الشبااب عالمسن … الواحد هذا كان العضو القدير حجازي الهوى و من الهرج عرفنا اننا مع بعض في نفس الكلاس … فانا في الكلاس جالس احاول اعرف من هوا فا خش واحد اسمراني مكدش طويل اشوي الا وقلت هذا هوا حجازي الهوى جا التحضير و مانتبهت للأسماء … وبعدها ادانا أوراق وكانت اوراق لإختبار تحديد المستوى ( طبعا محسوبكم جاب درجة ماتنقال ) اول ماسلمنا الاوراق اشوف اغلب الشباااب يهرجو مع بعض ويقولو ايش هذي الاوراق الا والمدرس جلس يهرج و طبعا مافي احد فاهم الا اللهم 6 انفار من الكلاس والكلاس كان على مااعتقد 23 واحد … 3 أشخاص من الـ 6 أنفار أخذو بروموشن ماشاء الله عليهم … المهم اختبرت وخلصنا من الاختبار ورحت على مبنى 33 " مبنى التربية البدينة Physical Education واللي اغلب الشباااب يقولولها PE " رحت هناك وماني عارف ايش الطبخة … و جا استاذ و قال سكشن رقم كذا يجي هنا وسكشن رقم كذا يجي هنا و انا حضرتي مااعرف رقم السكشن بتاعي ولاكنت اصلا جايب الجدول حقي معي حتى اعرف الرقم … فا رحت عند واحد خال " سنغالي مدري امريكي " وقلتلو أي فورجيت ماي شدل وات اي دو " أشرلي على أستاذ يتلكم العربية … لأنه مافهم عليا إلا وعدتله الهرجة قلي هرج طويل أنا مافهمت منو شيء قلتلو بعدها أووكي ثانك يو فيري متش … توقيف مؤقت فقط لتوضيح شيئ ما … أنا قلت I forget my schedule لكني نطقت schedule غلط وقلت شدل والاصح سكيجوال … والأصح من هذا كلو مفروض أقوول I forgot وليس I forget … المهم يا شبااب جا مدرس وقال اللي مايعرف السكشن خليه يروح بيتو و نحنا مايمدينا نساعدو … فا انا قلت مايجي اول يوم غياب وانطلقت على اللاينات وكانت المسافة بين مبنى 33 " PE " و اللاينات حول ربع ساعة … المهم رحت أخذت جدولي وعرفت السكشن و رجعت جري تحت الشمس و وصلت للـ PE معرق واخلاق زفت فا جا واحد بس يزغر ( يناظر … يطالع فيا ) وطول فا طالعت فيه وقلت له بنبرة غضب ( أرحمني بس 
) تبغى شيء 
؟؟؟ … المهم مارد علي … خلصنا من الـ PE و أبغى أرووح على مبنى الماث … فا سألت واحد حساوي … قلتله في مبنى الماث … ايه زين تعال ويياي ومشيت وياه
رحنا الماث … جانا مدرس عربي و لا بس شماغ وعقاال بس مو سعودي " أردني " و كان الاستاذ بسام العبسي الله يذكره بالخير والله يقومه بالسلامة أصيب قبل فترة بمرض السرطان عافانا الله و إياكم أدعوله يا شبااب بالله …المهم اول كلاس في الماث سوينا تعارف و سألنا بعض الأسئلة ومشينا … و بعدها و الله مدري وين رحت بس الظاهر اني رحت للمسجد جلست فيه صليت وكلش الين الساعة 1 رحت على كلاس الانجلش و كان الكلاس تعارف واتعلمنا اول شيء في الانجلش وكان عن كيف تقدم نفسك ( how to introduce yourself ) وكنت طول الكلاس اقول ( I’m Abdullah nice to meet you )
وفي الكلاس الثاني للانجلش قلت خليني اركز في التحضير حتى اعرف خوينا حجازي الهوى
وركزت ولله الحمد عرفته وخاب ظني في الشخص اللي كنت متوقعه هوا … و حجازي الهوى هذا كان ادمي مطوع … طبعا من النظرة الاولى تقول انه مطوع … المهم بعد ماخلص الكلاس جريت ورى اخونا في الله و قلت يا … إلا والتفت وسلم علي وجالس يبتسم قلتله ماعرفتني … قالي لا والله … قلتله جودمان معااك و عرفني بعدها و تكلمنا منا ومنا الين قلتله عندك شيء دحين قالي لا وانت قلتله عندي حاسب الان قلي الله ويياك مع السلامة و مع السلامة و كل واحد في حال سبيلو … وامشيت للحاسب واول حصة جاني واحد هندي وادانا درس و قعد يبربر ويبرير و الله ماني فاهم شيء ولا ني عارف انا وين الله حاطني … وخلص الكلاس ورحت للاينات اخيرا و جلست الين المغرب دق عليا الاخ الكريم the genius وكنا متفقين نرووح جرير عشان نشتري بعض الاشياااء ورحت جرير و اشتريت شنطة و جزاه الله خير الاخ the genius وقف معااي في اليوم التعريفي و برضو اول الاسابيع في الجامعة ماقصر الله يبقيه وبعدين سويت نفسي ابغا اذاكر و ماني عارف ولا شيء و دق علي قريبي وقلي فينك ومافينك قلتله في الغرفة الا وجاني واعطاني لحاف النوم الله يجزاه خير
وتقريبا هذا اللي سار معايا في اول يوووم
ايش رايكم بس ؟ ؟ ؟
اول يوم في الجامعه والله انه يوم ما ينسى
طبعا انا مانه ساكن في الجامعه ولا كان الي في الخبر شغل ابدا اني اجيها كانت اول مره اجي الجامعه مع اخوي يوم تقديم الاوراق المهم اول يوم دراسه جيت لحالي ويالله على الهاي وي امشي 80 عشان لا اسرع واضيع الكبري المهم وصلت الجامعه وحفظت طريقها من ذاك اليوم.
بديت اليوم من الصبح عندي فيزيكس وضيعت المباني اللي انا ادرس فيها وبعد ربع ساعه فراره بالسياره شفت مباني السنه التحضيريه بعدين اروح ادور المبنى اللي عندي كلاس فيه وطبعا اللي في الجامعه المعلمين اللي شفتهم ما يتكلموا الا انجليزي وتعال طقطق اياه الين ما تعرف تساله عن المبنى اللي عليك كلاس فيه …والطلاب لا تتعب نفسك وتساله لانه معروفه السالفه على طول ما يدري.
يعني اللي معاك في الوادي كلهم اوريا واول يوم اليهم الا ما ندر من الدفعه اللي قبلنا.
والله اول يوم حظرت اول كلاس على العشر دقايق الاخيره بس زين الدكتور يعرف انه مضيعين لانه اول يوم فما سجل علينا شي.وكان الدكتور تيسير طبعا كان الشرح بلانجليزي وانا اطقطق كلمتين القطها وثلاث اطيرها.
طبعا في الجامعه اول يوم تشوف الناس متجهين في كل الاتجاهات يعني لو تبغى تعرف مكان مبنى وبتلحق الناس عليه ما تدري تلحق من.(بس المبنى الكبير اللي تشوف الكل رايح عليه هو مبنى الانجلش)
وهذا اللي وصلني الى كلاس الانجلش اللي كان بعد الفيزيكس.
طبعا جت البي اي مكتوب الي البلدنج tba وانا على نياتي رايح ادوره وينه فيه:D ولا حصلت مبنى TBA اشوف المباني كلها ارقام طبعا البي اي صاير بعيد اشوي من باقي المباني ولا تنبه اليه اذا كنت عند مبنى الماث…الموهم نكمل القصه رجعت على مبنى الماث والفيزيكس وسألت أحد الدكاتره وأعتقد انه اردني يمكن العبسي الله يعافيه (طبعا بالانجليزي)خويكم عاكل فيها في أمريكا وقال الي هذي TBA يعني تو بي بروناونس يعني انه بيعلموك بعدين قلت له يعني نو نيد تو قو تو ذس كلاس قال الي لا روح مبنى الانجلش الطابق الثاني واسئلهم طبعا رحت هناك وقابلت واحد فلبيني سئلته عن الدعوه ودلاني على المبنى بس بعد ايش لما ضاعت بالراحه 40 دقيقه من الكلاس طبعا رحت الكلاس وكان هناك الطلاب اللي شفتهم انا من قبل معاي في الانجلش ولزقت معاهم وطلع هذا سكشني الصحيح.
وبعدها حضرت كلاسين الانجلش ورجعت على البلد طبعا حفظت كل الكلاسات اللي عندي وعرفتها من أول يوم…ما عدا كلاس الستدي سكلز اللي كان يوم الاربعاء وهذا له قصه لحاله…
طبعا احنا على نياتنا حضرنا على حسب الجدول في مبنى الماث ودخلت والشباب كانوا موجودين طبعا الليله اللي قبلها كان خويكم مخاوي الليل طول الليل سهران ما نام ورحت اليوم اللي بعده نص نايم ونص قاعد لما دخلت الكلاس مسكت الزاويه ونمت في الكلاس لما كنت نايم دخل واحد من الطلاب وقال انه الكلاس في مبنى 58 حق الانجلش طبعا خويكم سمع بس النوم سلطان بعد دقيقتين قعدت الا انا نايم في زاوية الكلاس لحالي واقوم وطيران على مبنى 58 ووصلت وسئلت واحد على باب المبنى عن كلاسات لستدي سكلز واشر الي عليهم رحت ودخلت كلاس خطأ ويجيك دكتور لابس كرفته وما أعرف اسمه طبعا لأني ما كنت عنده كنت في الكلاس اللي جنبه عند أستاذ أكرم رضا وتعال في الكلاس الثاني ويمسكني ويقعد يتهزأ عليي طبعا أنا طبعا سكتت ولا رديت عليه وقال الي انت معانا في السكشن قلت اله ما أدري وقلت اله با أشيك الجدول وهو قال شيك الجدول وحضرته عامل مسرحيه وانا قاعد اشيك طلعت انا سكشن 6 وهم على السبوره مكتوب سكشن7 طبعا هو قام يضحك في وجهي وانا اتبسمت اليه وطلعت وفي قلبي كلام مو زين ينقال هنا…على العموم دخلت وسئلني أ.أكرم وين كنت طبعا مشيتها عليه قلت اليه اني ضيعت الكلاس ومن هذا الكلام…
وهذي كانت تجربتي لأول اسبوع مو بس يوم.
تقبلوا مروري
اجل هذا حجازي الهوى؟
الحمد لله انك اكتشفت بعدين غلطك
الله يذكرك بالخير يا ابو ديفد (الاسمراني المدكش سابقا) عسل على شكل انسان << جاك المصري عاد
وشكرا يا أستاذ قودمان على إشراكي في الفلم السابق
طيب ما ألتش للناس انا رمتنا !! ولا ما ينفعش ! 
ولا دي في الجزء التاني ؟
<<< جازت له السالفة
حجازي الهوى
goodMan
خخخخخخخخخخخ
يا واد تذكر يوم أعرفك عالغامدي اللي معي في الكلاس ؟
انتوا مو غمد
هيا سلموا على بعض
هههههههههههههه
والله اعتذر عن الحركة يا واد
الأوريا اول ايامها كانت ابداااااع
خصوصا انه سكنوني في اللاينات الله يجزاهم بالخير
الله يا فااااااااااااااااااااالكون …
الله على الموقف …
صراحة هذا الموقف مثال نموذجي على تفكير الطالب الأوريا
تقول لي: شوف يشبهك !!
وانا اهز رااااااااسي اسسلللللللك …
وتلتفت في الشباب: بالله ما يشبهووو ؟؟ نسخة منو !!
وانا اهز رااااااااسي ايوا ايوا يشبهني بس خلني ارجع الكلااااااس
ما ادري يا فالكون اول مرة تشوف غمد خخخخخ ،
حسستني اننا كائنات غريبة ، المشكلة جمعت الشباب كلهم عشان تثبت انه في تشابه
صراحة موقف جميل جدا …
…
<<<<
شباب باركوا لي … اخيرا وصلت 300 مشاركة …
صراحة تعبت وانا اكتب فيها ،، اشوف الناس داخلة في الألفياااات …
وانا جااااالس اسرررررع … وادعسسس … والحمد لله … وصلت 300
صاحب الموضوع ابو بدر …
عذرا على الخروج عن المسار الرئيسي للموضوع …
لكن والله ما نمت من بعد الفجر … وكمان صايم
هذاك يوم المغامرات
انا اقولكم شيء من الحين…!!
لا تحكم على نفسك او الجامعة الا بعد الشهر الاول…
لانه في البداية بتحس ان الجامعة كبيرة عليك وانك وحيد وبعيد عن اهلك و تحس بطفش و ضيقة صدر وودك تبكي
لكن اصبر كلها شهر ويصير الوضع ايزي وبالعكس تصير تحس ان الجامعة فلة و ماودك تطلع منها