السلام عليكم ورحمة الله
سؤالي: مالفرق بين تخصص الميكانيكا الذي يُدّرس في المعهد التقني (التقنية) والهندسة الميكانيكية التي تُدّرس في الجامعات ؟
شباب والله ربعي وأهلي حبطوني (يقولون لي جامعة البترول وآخرتها ميكانيكا ) والله ماني بعارف كيف أرد عليهم أحس أني طالب في التقنية مو في جامعة البترول …
الفرق على ما اظن انه التقني يطلع فاهم اكثر من الجامعي ويقدر يطبق ويتعامل مع المشكله اكثر من الجامعي
والي يطلع من الجماعه يطلع شعره ابيض حافظ كل شي وعارف كيف يصير كل شي لكن ما يقدر يطبق شي .
مجرد رأي
ههههههههههههه
زدت الطين بلة…
الفرق الواضح إنك انت مهندس ومعك بكالريوس
وطالب التقنية ما يطلع مهندس…بس مدري كان شهادتهم دبلوم والا لا…
وانا اعرف واحد من التقنية ميكانيكا توظف في وكالة هوندا براتب مناسب
لكن فني…او ميكانيكي يشتغل بيده…
وطلاب تخصصات الهندسة يتوظفون في شركات…
والمهندس يشرف مايشتغل بيده إلا نادرا…
وش الفرق بين المهندس والميكانيكي؟
هذا السؤال…جوابه عليك وعلى الأخوان
والله أعلم
اخي العزيز
قبل كل شي الواحد لازم يسعى في تحديد التخصص المناسب
عشان يقتنع فيه
انا عانيت من نفس المشكلة
مشكلة الاهل والاصدقاء لايعرفون من الهندسة الميكانيكية الا الكلمة الاخيرة
وهي الميكانيكية
الميكانيكة في الكلية التقنية او المعد المهني يدرس ممارسة وتطبيق عملي لجزء من التخصص
مثلا يتعلم تصنيع
انت كمهندس ميكانيكي تدرس هذا العلم من الناحية النظرية والحسابية بنظرتك تكون اوسع
في حال وجود ما يوجب التفكير تكون الاسرع في الحل
بالاضافة الى الان ما تدرسه في التخصص عباره عن اربعة اجزاء …يمكن تبحث عنها في القسم
لان توجد مشاركة من احد الشباب من قبل بشكل تفصيلي
وشي مهم لازم تفهمه
كثير تسمع ان شخص اشتغل في شغله ولا استخدم شي من الي ادرسه
لان الي تدرسه مو مهم المهم المهارات الي اكتسبته من خلال الدراسة
والله يوفقك
وعليكم السلام ورحمة الله وبركاته 
قبل ماأبدأ في طرح الفرق مابين الهندسة الميكانيكية والميكانيكا الفنية, اختيارك لتخصصك لايعتمد على رأي أهلك أو اخوانك او حتى الاصدقاء فيه. لأنك وصلت إلى مرحلة تستطيع تتخذ قرارات عقلانية وتتحمل كامل المسؤولية تجاه ذلك.
الهندسة الميكانيكية تدرسها على أساس نظري أكثر من ان يكون عملي مثل “التقنية”, لأنك تتعامل مع حسابات رياضية وفيزيائية وتستخدم الرسم البياني والرسم الهندسي في تحديد المشاكل وتحليلها وحلها. لايعتبر عيب ان التقنية تدرس طلابها على أساس عملي أكثر من الجانب النظري, لأن الطلاب يتخرجون فنييين لهم خبرة في التعامل مع الآله, بعكس خريج البترول اللي يعتبر أقل خبرة من الناحية العملية وأكثر معرفة ودراية بالناحية النظرية والتصميمية.
مجرد سماع كلام اشبه بكونه “تحطيمي او تحبيطي” لاتجعله عقبة أمام مستقبلك المشرق أو مسيرة دراستك الجامعية حتى من أقرب الناس إليك. وإذا يهمك الرد عليهم بتقليل درجة الهندسة أو ماشابه, فحري بك كطالب بترول ان تعرف الرد المناسب.
لكن فني…او ميكانيكي يشتغل بيده…
وطلاب تخصصات الهندسة يتوظفون في شركات…
والمهندس يشرف مايشتغل بيده إلا نادرا…
أعتقد الرد هذا يكفي
وبعدين ربعك الظاهر ما يعرفون من كلمة ميكانيكي (إلا الكلمة فقط)
مفكرهم ميكانيكين سيارات اللي بالمحطات !!
صح توني أوريا لكن اللي أسمعه إن الهندسة الميكانيكية من أفضل التخصصات ، بالتوفيق
انا اقولك ياصاحبي
الفرق بين البترول والتقنيه هو الفرق بين المهندس والفني
الفني يقعد يشتغل بيدة يفك ويركب يحط ويشد ويلحم لانه هو يعرف ايش يلحم اول واش بعدين وايش اللي يركب اول والكلام هذا
تجي تقوله طيب ليش سوينا هذي مثلا من حديد مو من بلاستيك وليه شكلها ملتوي مو مستقيم وليه سمكها كذا
وليه مثلا انكسر هذا الشي وليه هذا مثلا لازم يكون قصير وهذاك طويل وليه نفتح من هنا ونقفل من هناك وليه وليه وليه
يقول لك مدري وهذي هي شغلة المهندس
يعني المهندس يصمم ويخطط الاشياء و الفني ينفذ
ودائما دائما مايواجهة الفنيين مشاكل كثيرة اثناء العمل وعندئذ يستنجدون بسوبر مان (المهندس)
اتمنى انه وضحت الفكرة
وعلى فكرة الكلام هذا يشمل الكهرباء والمدنية والكيميائية وكل التخصصات
بالتوفيق
مثل الفرق بين الدكتور والممرض
جزاكم خير على ردودكم الطيبة
خلاص الآن فهمت
من أفضل الإجابات !
والتخصصات بالهندسة الميكانيكية ثلاثة …
Thermofluid
Material scince
Design
تفكير خاطئ مع احترامي يالغلا !
بقدر ما يشتغل المهندس بيده بقدر ما يتمكن من عمله وفهمه …
للأسف أشوف مهندسين بالشركات يحس إن العمل بالفيلد أو اللاب بمعنى آخر " حطة اليد في الشغل " إهانة له !
ويتكبر !
والله انقهر منهم , اللي يبي بالفعل يتعلم ويتطور وينفع نفسه ووطنه لازم يكد ويتعب شوي …
نقدر نقول إن الميكانيكي أو التكنشن , شغلته هي تطبيق الطريقة المعينة لتصنيع أو اختبار شيئ معين …
فهم محترفين في التطبيق ولكن غالباً ما يعرفون الفيزيكس حقت العملية وليش يصير الشيئ الفلاني وما إلى ذلك …
ولكن المهندس يعرف - أو المفترض يعرف - فيطور إذا اُحتيج إلى تطوير , ويبحث ويقرأ ويكون فاهم الكونسبت حقت العملية اللي قاعدة تصير وليش يتبع هذا المنهاج بالذات !