اول شي السلام عليكم ورحمة الله وبركاته
احب اهنيكم ع اجتياز الاسبوع الاول من الدراسة بخير
طبعا حبيت اعرض لكم شنو صار معي في اول اسبوع واتمنى الكل يحط لنا شنو صار معه
**\( ليلة الدموع \)**
هذي الليلة اهي يوم الجمعه الليل كنت موجود هنا بالظهران بس نزلت العصر الديرة جبت اغراضي عشان برجع ارتب اموري وازينها ووصلت الديرة بعد المغرب دخلت بيتنا ورتبت اغراضي وبعدها رحت سلمت ع امي وابوي واخواني والدموع تطيح من الجميع واولهم انا لدرجة اني قمت احضن جدران بيتنا وماودي اطلع وابكي ادري بتقولون انت رجال ومدري شنو بس فراق الاهل صعب وهذا البيت الي عشت فيه طول عمري المهم ودعت الاهل وركبت السيارة راجع الظهران ووصلت ورحت احلق وبعدها رجعت لبيت عمي هنا عشان اسبح وبعدها بروح السكن وقبل ما اسبح جاني ولد عمي يحرك علي اي بتهاجر وبتفقد اهلك ومدري ايش ماسكت لين بكاني المهم بعدين قلت في نفسي هذا يوم العيد حق اهلي الي يشوفوني فيه في الجامعه والمفروض ماابكي وامسك نفسي لاني قاعد اصنع مستقبلي ومسحت دموعي ورحت سبحت ورجعت لبست وبمشي الا جاني عمي قالي خلك هنا الليلة لاتروح لانهم حاطيني مع روميت ماعرفه ومابيه بصراحه المهم قعدت ونمت .
( يوم السبت )
يوم السبت اول يوم دوام كنت متحمس مرة لدرجة ان عندي ماث الساعه 8 وجالس من الساعه 6 رتبت حالي وتكشخت احم احم هع المهم واطلع 6:45 من البيت لاني ما ادل وين مبنى الماث المهم وصلت الجامعه 7 ورحت ادور مبنى الماث وسالت كم واحد وقالي المهم رحت اركض ادور رقم الكلاس ولقيته وكان الباب مسكر ومن زود الحماس افكر مافي احد داخل وافتح الباب بدون مااطقه ولا شي الا في وجهي المدرس والطلاب فاتحين فمهم يعني رايحين فيها هه المهم عطاني كلمتين بالانقليزي ومافهمت شنو قال بس الزبدة ان لازم اطق الباب المهم قلت له سوري وطلعت رحت انتظر وجات 8 ودخلت وقعد المدرس يهرج ولا ادري وش يقول بس الزبدة فهمت الشرح بس مافهمت المصطلحات المهم تعرفت ع وااحد من الرياض في الكلاس والله كفو هالرجال المهم طلعنا سوا بنروح مبنى الانجليزي عندي الساعه 10 جدولي ليت خايس المهم رحت الكلاس الساعه 10 وقعدنا نتنظر المدرس بعدين جانا واحد شايب خبرنا انه غيروا توزيعنا ووزعنا ورحت السكشن الجديد وقطوني عند مدرس مية مية بس لحين ماعرف ااسمه هه المهم دخلنا وقالنا روحوا اخذوا الكتب من البوك ستور ونروح وننتظر في الشمس ولا عطونا شي وبعدها رجعت 58 عندي حاسب ودخلت وجانا مدرس بعد اوك بس مافهمت شي من المصطلحات وطلعت بعدين لاخر كلاس وهو الانجليزي وخلصته ورجعت البيت وذاكرت ونمت من التعب << مدرس الانجليزي يمكن سالني 5 اسالة ولا واحد جاوبت صح هه
( يوم الاحد )
تقريبا نفس يوم السبت بس الجديد اني قمت ادور في الجاامعه اتعرف ع المباني وكذا والحمد لله كلها عرفتها المهم رحت السناك بار استنى يجي وقت البي اي لاني رايح بدري والتقيت بواحد من جده المهم من السوالف يقولي 14 واحد غيره من مدرسته مقبولين ماشاء الله شكلها مدرسة دفرة انا مدرستي مافي الا 2 انا وواحد المهم بعدين قمت مشيت اروح ادور مبنى بي اي في االحر بالموت لقيت مبنى 33 وادخل ع الله ما ادري اذا هذا هو او لا المهم شفت اثنين قاعدين سالتهم عن مكان السكشن والمبنى لان مكتوب عندي تي بي اي قلت يمكن حددوا المكان بس ماعندي خبر الا يقولون لي مبنى الرياضة في الجبل يبون يوهقوني جاتني الصيحه هه الا خلاص بروح بس انقذني واحد ترا هنا محاضرات الرياضة وقعدت ونظرت لهم نظرة حقد هه ودخلت السكشن وجاني مدرس هندي بصراحه طيب بس لغته صعبه بسبب نطق الحروف واي شي يقول بس اهز راسي وانا مادري شنو السالفة بعدين طلعت رحت انجليزي وطلعت شقت صديقي الا يقولي طلعت نتائج التوفل وحطوه في مستوى اي 5 ساعات وانا قام يدق قلبي خفت اني اكون مثله بس الحمد لله طلعت لا والله خفت مافيني شدة 5 ساعات المهم كان عندي بريك طويل ورحت تغديت في مطعم الجاامعه والله ما علامه زين مع انه وااجد كانوا يذموونه وتغديت ورحت الانجليزي وبعدها رجعت البيت واذاكر وانام .
**\( يوم الاثنين \)**
الصباح بالموت قمت من النوم ودي اكمل يالبى الفراش اليوم بسفطها للظهر المهم قمت ورحت الجامعه دخلت الماث ولا فهمت شي طبعا الي يدرسني الزعبي الله يعني عليه اذا كملت وياه شكلي بتوهق بس انا معتمد ع الله ثم ع نفسي وخلص الماث واطلع واروح مع خوي الرياض الدوحه نفطر وسوالف وفلة وهذا خويي ماشاء الله عليه معدي التوفل دوامه مريح يا لبى دوامه
ورجعت بعدين الانجليزي طلعت واروح اتغدى وارجع سكن خويي ونطالع فلم جاكي شان من التراكر فديته بس مااقدر اشبك عليه من البيت والله قهر هه المهم رجعت الانجليزي الحمد لله انا افهم شنو يقول المدرس بس عندي مشكلة مع المصطلحات شوي والقهر ان البوك ستور اخذوا من عندنا الديكشنري عشان يعطونا الكتب والي ازق من كذا اني نسيت جدولي داخل الديكشنري واتوهق ومافيني شدة ارجع في الحر المهم خليته يولي ورحت البيت واذاكر واحل هوم وررك الرياضيات والله دوخني شوي بسبب الانجليزي بس الحمد لله خلصت وكان ودي اروح مباراة الاتفاق والفتح بس سفطتها مستقبلي اهم ونمت
( يوم الثلاثاء )
تقريبا نفس باقي الايام بس الي صار ان عندي وورك شوب الساعه وحده وانا رايح مبنى 831 السكن متكي مع خويي وانسى ان عندي ورشة واطلع الساعه 1 واحط رجلي ركض ههه لو تشوفوني تقولون داخل ماراثون ووصلت متاخر بس الحمد لله طلع المدرس طيب ودخلني وقعد يسولف معانا شوي وبعدين طلعنا ورجعت مبنى الانجليزي وخلصت الانجليزي وارجع البيت واذاكر وانام الساعه 2 باليل مايجيني نووم مدري شفيني اتقلب اتقلب بالساعات صدق الي قال مايحك شفرك الا ظفرك << شنو دخل المثل ههه
( يوم الاربعاء )
يوم انتظرته بفارغ الصبر نهاية الاسبوع بعد قلق ودوام طويل مابعد ادخل في الجو يعني انتو عارفين الوضع وكان كل شي عادي هاليوم لكن صارت حركتين حلوات الاولى ان مدرس الانجليزي قومني وقالي شغل لنا موضوع علمي ع اليوتيوب واقوم اشغل له مقطع عن كيف يسوون البطاطس كنت مشتهي ههه وحسيته وده يقوم يكفخني والثانية ان انا وخويي رحنا حوفريز والحبيب اخذ له موكا مسوي فيها يعني المهم قاعد يشرب ماشوف الا طاح عليه الكاس هه صار حفلة ضحكت عليه لين قلت بس وبعدين خلص الدوام ورجعت البيت واحين قاعد اكتب لكم الموضوع ادري شوي وطويل وفيه كلام ماله داعي لكن حبيت اقولكم شنو صار معي مع انه في اشياء واجد صارت ماقلتها لكن اعتبرها ثانوية مالها داعي اقولها ع العموم تيك كير افري بدي سوري ع الاطاله
وياليت كل وااحد يقول لنا شنو صار معاه في اول اسبوع او اول يوم عشان نتعرف ع الاحداث المضحكة في ايام الاوريا …
( قول مين أنت و إياه 
) << اهجد لا أفقع وجهك ] و أقول لها تخـش ع الكمبيوتر حقـي و تفتح مجـلد باسمـي و تقرأ لي الجـدول << ترى أمـي صغيرة يعني 30 - 40 ] يعني مو زي بعض الناس
، عاد رحت للكوري وقعد يسولف ويذب علينا شوي !
] أفهـم شيء ! ، إلا في الرياضيـات !
) قال : اوكي آند عادل ، المهم إلين صرنا أربعـة ، ونرددها و الشعب قاعد يضحك علينـا !
<<<<أول مره وآحد يمدحه 