السلام عليكم
بغيت استفسر منكم عن برنامج يونيليفير لحديثي التخرج في جدة … احد عنده فكرة عن البرنامج؟ وش اجراءات القبول عندهم بعد التقديم؟ هل فيه اختبارات وكم مقابلة شخصية؟ هل يقبلون من المنطقة الشرقية؟
مكتوب مدة البرنامج من سنتين الى 3 سنوات ونصف … هل هذا يعني لو قبلت عندهم لازم اقضي مدة البرنامج كلها عندهم وما يحق لي اطلع؟ طيب بعد 3 سنوات ونص يحق لي اطلع او لا؟
ياليت اللي عنده فكرة عن البرنامج يبلغنا باللي يعرفه ومشكورين مقدماً 
اغلب الشركات الي تمشي على هذا النظام تلزمك في العقد بأن تشتغل عندهم فتره مساويه لفترة التدريب
وبعد ما تخلص فترة التدريب والفترة المساوية لها تقدر تروح اي مكان
بس اهم شي اتأكد من العقد ومن انظمة الشركة في هذا الموضوع
الابلكيشن في اسئلة اتوقع بحاجة لاجابات على شكل Essays في اختبار اونلاين لازم تعديه عشان تسوي مقابلة بالتليفون وبعدين تدخلي المقابلة، واخيرا يوم assessment عبارة عن اللتصفيات النهائية للمرشحين يقسموكم على شكل قروبات ويقيموكم عالأداء والبريزنتيشن…بما ان راتب البرنامج يبدأ من 18000 ريال فلازم يسووا مهرجان عشان يتأكدوا انك الشخص المناسب ذات الشخصية القيادية D:
وطبعا في روتيشن في عدة اقسام ومن ضمنها زيارة المقر الرئيسي في UK…اتوقع العمل حيكون في جدة مبدأيا بما ان المركز الرئيسي بالسعودية هناك
سبق كتبت تجربتي مع البرنامج في هذا الموضوع…وفي شباب برضو كتبو تجربتهم
Unilever Future Leaders Program
مشكور على الرد … سبق وقرأت الموضوع
انا مترددة اقدم عليها لأن في جدة ومدة البرنامج 3 سنوات ونصف ويمكن العقد يكون الزامي نشتغل نفس مدة التدريب! كل وظايف السبلاي في جدة الشرقية ما فيها شي!
الله يعين وبالتوفيق للجميع
أهلًا وسهلًا
البرنامج يا ستي مختص بقادة المستقبل
مدة البرنامج من ثلاثة سنوات الى ثلاث سنوات ونصف
العقد ملزم بالعمل بعد التدريب … التدريب يكون على شكل rotations …بحيث انه المتقدم يمر على اكثر من قسم في الشركة
الراتب يبدأ من 18000 … وبعد البرنامج يكون المتقدم في سلم الرواتب على work level 2 اللي يساوي manager… وهو بوزشن عالي في الشركة بالنسبة لمدة البرنامج وصعب جدًا ان يحصل عليه الشخص في نفس المدة اذا ما كان مستحيل .
البرنامج جدًا صعب … وchallenging … وفيه دورات تدريبية كثير مع تدريب على رأس العمل .
بالنسبة للموقع : الموقع جدة في البداية ويعتمد على مكان الدورات … في شباب معانا اخذوهم للقاهرة ودبي .
طريقة التقديم : عن طريق الموقع … وبعد كذا مقابلات شخصية … ومن ثم اختبار ومن ثم assesment day …وهو يوم كامل من القروب اكتيفيتيز والكيس ستديز + البرزنتيشنز .
عادة يختاروا واحد كل ستة شهور فقط لكل فنكشن …
ان شاء الله اكون افدتك بشكل او بآخر
بالتوفيق .
مشكور على المعلومات ما قصرت
السلام عليكم … انا الان بحضر للاختبار … هل الموضوع صعب ؟ لاني حقيقي خايفه منه
وعليكم السلام, اي اختبار قصدك لان انا الان رسلولي الفيديو انترفيو فاحتاج معلومات عنه كيف؟
آنا اتكلم عن الاختبار الي قبل المقابله