بسم الله الرحمن الرحيم
انا مااعرف للمقدمات والحركات هذي وبرضو يبدو لي الظاهر ان القسم شوي نايم لذلك راح اكتب الموضوع بالعاميه 
لذلك تكفون يالدوافير والفاضين ردوا لي الصوت وخلونا نسولف هنا شوي!! 
اولا انا طالب هندسه ومالي بالشغلات هذي لكني انسان (هاوي) وممكن يكون عندي خبره بهالمجال ،،،
ثانيا الموضوع والافكار ممكن تكون متشتته شوي فالعذر والسموحه لاني اكتب اللي يمر ببالي!!
ثالثا انا طرحت هالموضوع لاني لاحظت وجود طلاب مهتمين بالماليه والاقتصاد وممكن بالتحليل المالي !! وطبعا الموضوع مو بس لطلاب المالي او البزنس ولكن ممكن يفيد اي طالب
<<قايل لكم اني سيء بالمقدمات 
موضوعي هو مجرد سؤال (ودي اتفلسف فيه) ،،،،
كثير من طلاب الماليه يعلمون ماهي الـCFA ويعلمون اهميتها بالتوظيف والـC.V والترقيات وغيره وغيره حالها حال الـCPA ولكن طبعا الـCPA معتمده اكثر من حيث انها تخول حاملها توقيع القوائم الماليه وغيره من الامور الرسميه وخصوصا اذا بتصير forensic accountant ،،،
طيب…!! انا عندي سؤال واللي هو هل فكرت (وانا متأكد انكم فكرتم) باللي راح تفيدك فيه الشهاده “شخصيا”؟؟ يعني خلنا نقول انك اخذت الاعتماد(ان شاء الله) وبعدها قلت لك انت انسان حامل لشهادة الCFA مافي وظيفه روح وانفع نفسك!!! لاحظوا في سياق الجمله السابقه باني قلت “انت محلل مالي معتمد” !! ،، في واحد بيقول طيب وبعدين واذا صرت محلل مالي معتمد؟ انا لازم اتوظف ولازم وظيفه براتب محترم بعد!! ،،،
التحليل المالي كامهنه يعني as a career not a job من وجهة نظري وهو الشخص اللي عنده خبره بايجاد افضل الطرق واقلها خطوره للاستثمار وزيادة رأس المال وايضا أفضل الطرق للتمويل!!
طيب وش راح يفيدني فيه التحليل المالي؟،، في ماده بتخصص الماليه اللي هي investments ،،، من معلوماتي ان الماده تفتح عيونك على طرق الاسثمار الموجود واهمها الاسهم و الـbonds والـmutual funds والـforeign currency والـhedge funds والـfutures والذهب والسلع والنفط وغيره وغيره من الاستثمارات اللي تندرج تحت الـcategory اللي اسميــه مشاريع الــMake money,money make moeny!!
الزبده ،،، ان (اللي اعرفه) ان خريج الماليه عنده خبره ماليه واستثماريه كبيره وعنده خبره محاسبيه برضو وخصوصا الـfinancial statements and financial reporting وبرضو عنده خبره بامور الـGAAP والـIFRS والـS.E.C
شهادة الـCFA تتطلب كل هذي الاشياء واكثر (وبالمناسبه بالمرفقات موجود الـBody of Knowledge المطلوبه للي حاب يستفيد ) -- هذا هو الرابط http://www.cfainstitute.org/cfaprogram/Documents/cfa_program_curriculum_evolution.pdf
زي ماهو واضح ان هدف الشهادة يدور حول الـportfolio management يعني انت اللي تدور استثمارات للـclients حقينك ،،، طيب سؤالي،،، مافكرت انك انت تصير عميل لنفسك؟ !!
يعني انت سواء معك الـcfa ولا لا،، انت مخول وعندك الخبره انك تستثمر الاموال الموجوده عندك،،،
خولنا نقول انك بعد ماسويت بحث بافضل الطرق للاستثمار بالنسبه لك وبان لك ان افضل حل هو الاسهم مثلا ،،، عشان تحدد انت تدخل بشراء سهم معين ولا لا انت لازم تسوي بحث عن الشركه اولا وايضا امور كثيره مايمديني اذكرها هنا وايضا لازم تشوف التقارير الماليه حقت الشركه وهذي كل الامور انت متعلمها،، صح؟
اتمنى ان الحين وصلت وجهة نظري من الموضوع!!
وجهة نظري (ادري والله اني طولت الموضوع ) انه يا ايها الطالب الدافور ليش ماتفكر تصير مستقل وتبدأ تشتغل بنفسك وتفكر كيف دراستك تقدر تفيدك “بالواقع” ،،، صدقوني انه فيها خير كثير واللي راح يشتغل ويفكر ممكن اصلا ما راح يحتاج وظيفه لأنه ببساطه راح يكون يدخل مربح شهري اكثر من ٣ او ٤ اضعاف افضل راتب ممكن يستلمه بعد التخرج ،،،
تعبت وانا اكتب الصراحه لذلكـ راح اوقف هنا وممكن اكمل بالجزء الثاني “كيف تبدأ تطبق اللي درسته بالتحليل المالي وايش هو التحليل الفني وعلاقته بالتحليل المالي وايش هي شهادة الـCMT”
وشكراااا
