محدثكم مهندس بأرامكو وليه معاهم قرابة ال 6 شهور وما اخفيكم ماني مرتاح في العمل وجالس ادور فرص وظيفية اخرى. احد الزملاء اشار عليه اني اقدم على وزارة الدفاع لان الاستخبارات العامة و الحرس الملكي( اللي هي التوب في العسكرية) ياخذون كل سنة عدد معين من المتقدمين . يقول لي راح تاحصل على مميزات منها برستيج وهيبة، واحترام و دوام مريح وعمل مكتبي وراتب حول ال 17 الف وسيارة ودوام من حكومي من ٧:٣٠ الى ٢:٣٠ واهم ميزة ان تعييني راح يكون عند الاهل في الرياض.
انا محتار جدا يا اخوان ولا اعلم هل الاستخبارات العامة او الحرس الملكي تستحق اني اضحي بحياتي المدنية وبشهادة الهندسة؟
الاستخبارات و الا الحرس الملكي لو تضمن تخش لها هذي نقله نوعيه جميله . علاقات واسعه ( و الدنيا ماشيه بالعلاقات) راتب ممتاز جدا بالاضافه الى الدورات التدريبيه القويه جدا تقدمها ذا القطاعين. و قبل كل شي استخير و الله يوفقك…
والله لم تكن ضمن خياراتي ولم تكن طموحي لكن طبيعة عمل ارامكو وساعات عملها الطويل والتعيين في مناطق لا ارغب بالعيش فيها حعلني افكر بالالتحاق باحد هذين القطاعين
الاستخبارات العامة جهة مستقلة لا تتبع لوزارة الدفاع ونفس الشي الحرس الملكي, برامج الجامعيين اللي اعرفها في لوزارة الدفاع وفي كلية الملك فهد الأمنيه وكلها غالبا بالرياض, على ما قرأت سابقا ان بوزارة الدفاع بتشتغل بتخصصك الدقيق أما كلية الملك فهد فطبيعة عملك ممكن تختلف عن تخصصك الدقيق.
وبخصوص راتب ال17 ألف صعب لأنه مع البدلات وكل قطاع او لواء له بدلات مختلفة ( بدل ارهاب, حاسب, مباحث … الخ ) وأنت كمهندس ترى نفس الضابط لكن الفرق لك بدل حول 30% من الأساسي للضباط ويعطونك أقدمية سنه أو سنتين وقد قرأت انك مباشرة تعلق ملازم أول.
أخوي ما أعرف تخصصك الهندسي بالضبط لكن العسكرية غالبا بتنسى تخصصك وبيندفن وفيها ذل أحيانا محد يقبله على نفسه, أنصحك لو تخصصك كويس ويمديك تتطور بمجالك أفضل من العسكرية وترى الترقيات العسكريه متعبه جدا والزيادات ما تسوى, بعد 20 سنه زملائك بأرامكو طبيعي أقل شي يكونون ضعفين راتبك واذا انك بتتقاعد بعد خدمة 30-35 سنه ممكن تجيك مكافأة نهاية خدمه 450-500 ألف ريال فقط وشف موظفين الشركات كم يجيهم, ادرسها من جميع النواحي واذا مب مرتاح بأرامكو غير ادارتك أو رح شركة تطورك بمجالك.
وأزيدك من الشعر بيت، اذا انك تهوى السفر فانسى بعد العسكريه، جوازك بيكون بدرج المدير ولو انك بالشرقيه حتى البحرين ما يمديك الا اذا وصلت عقيد وفوق ولازم تعلمهم.
ونسيت اذكرك ان ممكن بداية تعيينك بالرياض لكن بعدها الوضع متغير عشان كذا سألتك عن تخصصك لان من منصب لمنصب يختلف، الوالد الله يحفظه ضابط بالحرس الوطني واشتغل بالرياض-الدمام-العراق(حرب الخليج)-الطايف-جده-الرياض- والان مستقرين بالدمام الحمدلله وسبق قد ودوه امريكا سنة وفي بعض زملاه ارسلوهم الجنوب مع الحرب والبحرين وقت درع الجزيرة وكثير من اقاربي ضباط وهذا حالهم بالتنقلات، حتى لو كنت لواء ينقلونك من فترة لفترة فلا تخلي مسألة الاستقرار السبب الوحيد اللي يحدك عالعسكريه وكل ما تغير منصبك ففي احتمال كبير ينزل راتبك لو راح عنك بدل كان مخصص لمنصبك السابق.
أي استفسار انا حاضر وان شاء الله لو في شباب هنا مهندسين عسكر يفيدونا أكثر.
لا تأمل بالاستخبارات كثير اللي ياخذون عدد قليل وكثير منهم بالواسطه طبعا مافيه تقديم لهم هم يجون لكلية الملك فهد الامنية والكلية الحربيه وكلية الملك خالد العسكريه ويختارون عدد معين + التنقلات شبه اكيده لك ك ضابط لا مفر منها
في اختيارك لاتنسى الراتب التقاعدي ومكافئة التقاعد
بالمناسبة الراتب راح يكون حول ال15 الف من "غير الخصم " 14 مع الخصم
البدلات
35 % بدل للاستخبارات
25% بدل ارهاب
15% بدل تخصص علمي هندسه وغيره " تكون 10% اذا كان التخصص نظري "
والاساسي 8830 للملازم اول
وعليك الحسبه
طبعا الاستخبارات العامه هو اعلى قطاع يعطي بدلات لأن الاساسي كلهم سوى
متوسط الزيادة السنوية طوال سنوات الخدمه هو 500 ريال
البدلات جبتها من اثنين من اخواني ظباط
نصيحة لا تجعل اختيارك منصب تماما على الاستخبارات وكأنها في قبضة يدك ابني اختيارك ك ضابط وراجع الاحتمالات كلها
في نظري أفضل بكثير… حتى بعد التقاعد راح تمتلك قائمه بالمعارف كبيره جدااا تقدر من خلالها تسوي مشروع او تلتحق باعلى الوظائف… ولكن السؤال المهم و الاهم هل أنت ضامن تخشها… و عطنى طال عمرك كيف قدمت عليها و شكرا.
تماما مثلما توقعت تباين في الآراء من شخص لآخر. كنت الايام الماضية اسأل اقارب وزملاء لي وما كانوا متفقين على شي واحد. حتى زميلي اللي اشار علي واجه نفس الاشكالية.
عموما الله يكتب اللي فيخ خير لي ولكم وشكرا على مشاركاتكم واللي عنده معلومة او رأي لا يبخل علينا
انا الحمد لله متخرج من سعود ومعدلي حلو جدا ونسبة انهم يختاروني عالية ان شاء الله. طريقة التقديم على كلام زميلي عن طريق وزارة الدفاع. يقول تقدم ولما يقبلونك قبول نهائي تجي الاستخبارات العامة والحرس الملكي وتختار عدد من التخصصات اللي يحتاجونها. فيصير تاخذ الدورة في كلية وزارة الدفاع ولما تتخرج تصير ضابط في الاستخبارات او الحرس
ابوي الله يحفظه بالاستخبارات و منصب جدا كبير. كان بيني انا و اياه حرب انا ابيها و هو يرفض و كان السبب انها عسكرية و الفوقيه هي المبدئ. الميزة المادية فيها هي البدلات. دورات عسكرية جدا مميزة. المكان الرياض, الخبر, الطائف. مع العلم هناك ايضا سلم مدني في الرئاسة و عددهم جدا كبير و فوق الوصف.
بالنسبة لي انا صرفت النظر عنها.
هل دورة الإستخبارات تكون مع دورة الضباط الجامعيين ولا تكون لحالها ومتى تكون الدورة الجاية ؟
أحد يعرف متى تكون دورة تأهيل الضباط الجامعيين والمتميزين,لاني لحثت بانت لقيت أخر أعلان لهذي الدورة كان قبل سنتين كانت الدورة السابعه؟
على كلام زميلي انك تاخذ الدورة في الكلية في الرياض مع المقبولين في وزارة الدفاع لكن انت قبل لا تدخل الدورة راح تعرف اذا اختارتك الاستخبارات او تم قبولك للعمل في وزارة الدفاع.
السلام عليكم ورحمة الله وبركاته
حبيت اشاركك الرأي لأَنِّي اولا من طلاب الجامعه وثانيا لأَنِّي التحقت بسلك العسكري وثالثا لأَنِّي كنت موظف بارامكو قبل الانضمام لوزارة الدفاع.
ارجع لمواضيعي ستجد مايفيدك انشاءالله
شوف حبيبي مهندس احمد
لايوجد شي كامل ابدا … كل وظيفة وكل مجال تجد سلبياته وايجابياته… ( ولقد خلقنا الانسان في كبد)
اذا بتروح العسكرية… وكثير هم خريجين الجامعه مهندسين التحقوا بالسلك العسكري … بل قابلت من هم حاصلين على مراتب الشرف … والتحقوا بالسلك العسكري…
بالنسبة للعسكرية اذا بتروح لها وتحب تخدم بتخصصك وتطلع ماجستير بتخصصك مالك الا وزارة الدفاع.
مميزات اللي وجدتها بالعسكرية :
1- التعيين عند الأهل وفالديره بحكم ضعف الشركات الكبيرة بالمنطقة الشماليه
2- الاجتماعية أفضل بكثير من الشركة .
3- وقتك ملكك تفتح مشاريع وتعمل لنفسك مشاريعك الخاصة حيث تجد الوقت الكافي لأنك 2:30 تغادر المكتب … يعني تصير تاجر على قدك
4- العمل بالتخصص … فيه مشاريع يتم الإشراف عليها من قبل الضباط المهندسين
5- توفير فرصة لدراسة الماجستير والابتعاث الخارجي على حساب وزارة الدفاع
6-سيارة
7- سكن
8- رواتب تتراوح مابين 14000 الى 16000 كحديث تخرج وتعديل سنوي شوف سلم الضباط
9- الاستقرار ( )
السلبيات
1- الدورة العسكرية
اذا كان تقديرك ممتاز الدورة بتكون بالكلية الصحية بالظهران لمدة ثلاث أشهر فقط طبعا مع الأطباء
اما غير ذلك ففي الكلية الحربية فالرياض
متعبة جدا تقابل ناس ( استغفر الله ) تعب جدا
2- بالنسبة بالتعيين ماراح تعرف تعيينك الا بعد التخرج
يعني ماهو شرط الرياض يمكن تلقى نفسك بشرورة
3-كذلك العسكرية النظرة الفوقية متعبة جدا ، ممكن يكون مديرك المباشر ( ) عادي بس يظل اهم منك بحكم الرتبة
4- الدورات والتخصص تقريبا راح يضعف لانها ماهي شركة انت تمثل المالك وزارة الدفاع وتشرف على الشركات
5- تأخذ دورات مالها علاقة بالتخصص ودورات حتمية
6- عمل حكومي ينعدم فيه جو الاحتراف
حبيت أفيدك اخوي وانشاءالله قدرت أوصل لك الفكره بشكل واضح
ختاما … نصيحتي لك
دامك تبي الرياض فما انصحك والله … لان الكل يبي الرياض وماهر سهل تروح الرياض
انصحك تستمر بارامكو …ارامكو أفضل لك بكثير .
او تشوف الشركات بالرياض لانها مدينة كبيرة ولابد تلقى فرصة بشركة
بس في المنطقه الغربيه