زي ما هو باين في العنوان، قبل تخرجي كنت اعمل عمل حر و كان بيدخل لي دخل اكثر من ممتاز.
لكن بعد ما تخرجت احترت هل اكمل في مجال العمل الحر (المجال مافيه امان و استقرار من الناحية المادية) او إني أدخل في دوامة الوظائف الي تعبر اكثر استقرار و امان مقارنة بالاعمال الحرة.
علما اني متخرج من ٦ شهور و جاتني ٣ عروض وظيفية و اخرها من شركة معروفة و في مجالها برواتب تعادل رواتب الشركات الكبرى.
اتمنى من اهل الخبرة ان يفتوني في امري هل اقبل بالوظيفة و راح ياثر تاثير مباشر على عملي الخاص او اكمل في الاعمال الحرة و اترك الوظيفة الي وقت اخر ؟؟؟؟؟؟
اعتقد تبحث عن عمل مريح بحيث ما يؤثر على العمل الحر بدرجة كبيرة خيار افضل من ترك العمل الحر او ترك الوظيفة
العمل الحر على المدى البعيد ممكن يغنيك عن الوظيفة تماما
ولكن المشكلة اذا انتكس العمل الحر بعد سنوات وانت بدون وظيفة وقتها توظيفك راح يكون صعب جدا لقدم شهادتك وعدم وجود خبرة.
عليكم السلام و رحمة الله
اخوي المثل يقول ما حك جلدك مثل ظفرك
يعني انت تعرف ظروف عملك الخاص و هل بيأثر عليك او لا
اذا تبي نصيحتي و عشان تركز على وظيفتك و بنفس الوقت يستمر دخلك من العمل الحر و فوقها تكسب اجر
تشوف شاب عاطل و متحمس و عنده شغف و خله يمسك عملك الخاص و انت تشرف عليه و توجهه
اقبل بالوظيفة نصيحة محب
ما تدري يمكن لا قدر الله عملك الخاص يخسر او شيء
الوظيفة صح بتتعبك لكن تضمن راتب شهري واحتمال كبير يطورونك بالدورات
الله يوفقك وييسر لك أمرك
في واحد من الشباب مر بنفس تجربتك، مدخوله اليومي ماشاء الله كان يوازي راتبه الشهري اللي ياخذه حاليا في الوظيفة.
قفل مشروعه مؤقتا عشان ياخذ خبرة تنفعه لو لا قدر الله طاح العمل، هدفه تقريبا 3 سنوات وبيرجع بعدها.
من جلستي معاه اهم شي تكون قادر تعيد اطلاق المشروع او انك تفتح واحد بدون معوقات لما ترجع، ويكون عندك مبلغ احتياطي لا باس فيه.
ومن وجهة نظري ممكن انك تعلم واحد من اخوانك اللي اصغر منك او احد ثقة على اسرار المهنة وتخليه شغال بادارة اقل منك ، يصير تضرب عصفورين بحجر واحد
طبعا انا اشوف العمل الحر افضل، واغلب اللي يتوظفون يبغون ياخذون خبره عشان يفتحون بزنز خاص وانت ما شاء الله عندك عمل حر، وما تحتاج خبره لانك عارف شغلك، وحاول انك تستفيد من اللي درسته، وحاول تحط لك هدف كيف تتطور عملك الخاص وابني لك سمعة في السوق وتبني علاقاتك في مجالك وغيره
اعرف واحد اشتغل في العمل الحر وهو طالب ويوم تخرج كمل عمله الخاص والله فتح عليه وتعلم من العمل الخاص واحتك بهاومير السوق في مجاله والان هو عنده شركة
وما خاب من استخار
