أنا موظف بشركة حكومية كبيرة و اللي ألاحظه:
إيجابيات: أمان وظيفي عالي + اهتمام بالدورات التدريبية + كل زملائي سعوديين + رااااااحة نفسية (أقدر أقعد بهالمكان طول عمري بدون ما أشتكي )
سلبيات: الراتب + البونوص + العلاوات كلها ضعيفة (الحين عرفتوا الشركة )
عندي عرض من شركة خاصة:
إيجابيات: فرق راتب 4500 ريال + أقرب لتخصصي + تحديات و مسؤوليات أكبر
سلبيات: جالية عربية مسيطرة ( ما فيه سعودي إلا مديري و الCEO ) + بيئة العمل دور مستأجر صغير مثل الكثير من الشركات المتوسطة + ما فيه دورات + صعوبة بالترقيات
الحين خل أقول ليش جدا محتار:
بخاطري أتزوج قريب و أحتاج دخل أكبر طبعا!
و لكن بنفس الوقت أخاف أغير وظيفتي بهالزمن الصعب اللي ما ينضمن به شيء!
و بعد أخاف أنتقل للمكان الجديد و تكون بيئة العمل جدا سيئة لدرجة التأثير على نفسيتي بكل حياتي خصوصا أني سامع كثير من المآسي اللي يواجهها السعودي من الأجانب!
يا ليت اللي جرب القطاعين يفيدني بكل مصداقية الله يوفقكم
عليكم السلام و رحمة الله و بركاته
قرار مثل هذا صعب خصوصا للي اتعود على بيئة عمل معينة و يبغى يطلع لمكان ظروفه مختلفه تماما
انا اشوف حسب همتك و عزمك لانك بتطلع لمكان اكثر جهد و عمل , حزم و شده بالتعامل و تدقيق على كل صغيره و كبيره
من يتهيب صعود الجبال يعش أبدِ الدهر بين الحفر. الهمة الهمة يا اخوي ولا بد من هالحياة ان الواحد يشكي ويعاني. وبنهاية الامر هذا راح يرجع لك بالفايدة ويطورك للأفضل ان شاءالله.
نصيحتي لك اقعد بـ شركتك الحاليه احسن لك
المثل يقول لك " قليل دائم احسن من كثير منقطع "
دامك مرتاح في بيئتك وكلها سعوديين ودورات وتطوير فـ انت بنعمه كبيره
احسن من اني اعطيك 20 الف وتعاني من تهميش خاصه في بيئه الاجانب وجربنا الشغل معهم تكره حياتك
)
)