السلام عليكم ورحمة الله وبركاته …
اخواني الكرام ,
اللهم لك الحمد حتى ترضى ولك الحمد اذا رضيت ولك الحمد بعد الرضى , وبعد انتظار سنوات
الحمدلله جاني عرضين من ياسرف في ينبع ومعادن في الرياض …
العرض تقريباً مُشابه
الراتب الأساسي لمصلحة معادن بأعلى بـ 500 ريال, بس التوتال لمصلحة ياسرف بـ 1200 ريال …
الوظيفتين في المشتريات والعقود …
بس حاب اسئل وش تحسون الأفضل من ناحية التطور الوظيفي والمستقبل وبيئة العمل في الشركتين ؟
وهل الرياض سهلة للمعيشة ؟ للنفس والبدن ؟
شاكر لكم تعاونكم وجزيتم خيراً …
…
من ناحية قوة الشركة اتوقع معادن اقوى بكثير من ياسرف .
لكن الحياة في الرياض العاصمة اتوقع راح تكون تكاليف المعيشة والصرف اعلى بكثير من ينبع
ينبع قريبة من وضع الجبيل من ناحية كل شي
من ناحية التطور الوظيفي وبيئة العمل لا اعلم ممكن يفيدوك من يعمل بالشركتين
الف مبروك والله يكتب لك الي فيه الخيرة … وجهة نظري انك تستخير أول ومن ثم تشوف … زي ما ذكرت شركة معادن أكيد أكبر بس ساسرف بينبع جميلة بعد … بعيد عن العرض الوظيفي الواحد يدور المكان الي يحس انه بيرتاح فيه , العاصمة مدري كيف انت معها هل متقبل زحمتها او طريقة المعيشة فيها بشكل عام؟ اذا اوك توكل على الله … شخصيا اشوف ينبع مدينة جميلة وهادئة زيها زي الجبيل وتقدر بعد فترة اذا ربي كتب لنا عمر انك تاخذ لك خبرة وتطلع منها لشركات أفضل بعد!
فالك التوفيق يارب وشوف رد بقية الشباب يمكن يفيدونك أكثر 
اول شي الف مبرووك العرضين…
زي مااذكرو الاخوان الرياض فيها تكلفه ماديه والزحمه يعني اذا دوامك ٨ ساعات بتداوم ١٠ ساعات هذا اذا ماكنت بعيد من الزحمه،، واضيف انه معادن مشكلتها الوحيده الزيادات السنويه اقل من ياسرف هذا اذا في زياده سنويه! ياسرف حلوه وطابع ارامكو كمنظمه غالب فيها.
فالك التوفيق
du’
يعطيك العافية وما قصرت … صدقت الرياض مُتعبة من ناحية التكاليف والإيجارات … بس هل التطور الوظيفي في شركة مثل معادن يسوى العناء ؟
ا
الله يبارك فيك ويسعدك ,
واضح انك مايل لـ ياسرف بعد 
,
الصدق ماني من اهل الرياض ولا اعرف هل راح اتقبل الوضع فيها او لا
الله يبارك فيك ويرفع قدرك …
العِلم اللي جاني ومو متاكد منه , انه معادن زيادتها السنوية أكثر من ياسرف , ودائماً فيه زيادة سنوية واحياناً بعد تجيك زيادتين في السنة (خصوصاً أول ٣ سنوات تقريباً) زيادة سنوية , والثانية يعتبرونها مكافأة أداء أو شيء زي كذا …
اولاً الف مبروك على العرضين وان شاء الله ماتختار الا الافضل بس بسألك بخصوص ياسرف البوزشن Contract advisor ? وكم كان مده المقابله وشاكر لك.
ياسرف ممتازة خصوصا ان عملك بيكون ريفايننق
وهذا بيعجب شركات الجبيل
وينبع ارخص بكثير من الرياض والمعيشة اقل تكلفة والزحمة كذلك
والله ماودي اصدمك انه معادن لهم ثلاث سنين مقطوعين من الزياده السنويه بس هالسنه وكانت ماتتعدا 4.5% بتدخل رئيس الشركه الجديد امريكي ويبي يغير منظومه معادن… انا ماادري عن ياسرف هل يطورونك او لا بس الي اعرفه كل الشركات الي تابعه لاارامكو يهتمون بتطوير الموظف + خبره ياسرف افضل من معادن لانك بتكون بمجال Oil/Gas وخيارات السوق اكثر من خبره فشركه للتعدين
الله ييسرلك ويوفقك
ياسرف وانت مغمض خصوصا اذا كنت من خارج الرياض .
ياسرف راح تكبر معها عكس معادن،
+
التطوير قوي فيها ارامكو تملك نسبة كبيرة منها + مدينة صغيرة تفتك من غثا الزحمة + الراتب اعلى.
كلامي اعلاه كنسله إذا انت من اهلك بالرياض ،هنا تستاهل تتحمل التعب عشان قرب اهلك ومعادن تبقى شركة لها ثقلها واسمها
وعليكم السلام ورحمة الله وبركاته،
بصراحة أنا مع ياسرف وبقوة. مع أني بعيد كل البعد عن الغربية …
ولكن الشركة ماشية على خطى أرامكو ويستقطبون موظفين أرامكو بشتى التخصصات “يعني بمرحلة بناء”
خالي خصوصاً فني بأرامكو خدمة عشرة سنين راح ياسرف وجاب شهادة هندسية وغيرو مساره لمهندس…
هذا مؤشر على أن الشركة الفرص فيها كثيرة …
وكذلك سمعت أن أغلب الرؤوساء فيها موظفين أرامكو متقاعدين أو على وشك التقاعد. وماني متأكد من صحة المعلومة …
أعتقد كمميزات راح تكون أفضل وتخلق فرص وظيفية مستقبلية أحسن.
بالإضافة مثل م ذكروا الشباب، الرياض مزدحمة وأيضاً غالية. ولكن لو إنت من أهل الرياض ومتعود وماعندك مشكلة أعتقد بتكون المناسبة لك.
أسأل الله لك التوفيق بالإختيار.
التعدين مو أفضل من الريفايننق ومستقبله اوسع ؟
اللي سمعته انه صحيح كانت مقطوعة لأن الشركة أصلاً كانت خسرانة وحتى مصنعهم في رأس الخير ماكان (مُنتج) بعد, بس الحين التفتت عليها الدولة وانتج مصنع رأي الخير , وصندوق الإستثمارات اشتراها وحط فيها مليارات , وعشان كذا صعدت اسهم معادن والارباح زاد بشكل كبير جداً , وفتحوا اقليم جديد في جنوب افريقيا قبل عدة شهور … بالله اذا تعرف احد فيها وتقدر تخدمني بكيف الشركة سايرة مع مديرها الأمريكي الجديد ومستقبلها , أكون شاكر لك جداً …
أنا احس الـ Oil/Gas , ارباحها راح تقل وراح تفقد (بعضاً) من قيمتها , عكس التعدين …
انا الصراحة مُقتنع نوعاً ما (بشركة معادن) , بس لاني من خارج الرياض , شايل هم تعب الرياض وتكاليفها وصعوبة معيشتها , ما عمري رحت الرياض , بس احسها صعبة جداً معيشياً , بس هل معادن تسوى أو لا التعب ؟ هذا السؤال …
كلامك صحيح التعدين له مستقبل افضل رئيس الشركه الجديد غير اشياء كثيره الرواتب والزيادات والبدلات كلها رفعها بس للامانه كفه ياسرف تفوز … لو معادن راس الخير بقولك وانت مغمض … معادن الرياض حلوه لكن تكاليف المعيشه والزحمه تغث بدال ماتداوم ٨ ساعات باليوم بتداوم ١٠ ساعات
الله يوفقك ويكتب لك الخير
من خارج الرياض نصيحة لوجه الله خلك بياسرف وانا لو كنت مكانك باختارها وصدقني راح تطلع وتترقى فيها احسن واكثر من معادن.
اي شركة ناشئة قوية راح تكبر معها عكس القديمة