السلام عليكم ياشباب
انا جاني اتصال من شركة وذرفورد امس على وظيفة Field Engineer في منطقة الخرسانيه وقالو لي عندك مقابله يوم الاحد. ياشباب ابي اعرف معلومات عن هذي الشركه مثل اسئلة المقابله ورواتبهم للمهندسين و طبيعة عمل مهندس الفليد(هل الدوام راح يكون شهرعمل وشهر اجازه او سبوعين في سبوعين؟؟) و هل الشركه تعطي سيارات او لا؟
1 Like
وزرفورد من الشركات الاحترافيه يعني حقك تاخذه وزياده ومافيها نظام العشوائيه مثل شركات ال oil service الثانيه
فرصتك حلوه اذا كنت هاوي لعمل ال oil field
لكن في احتمال انك بتتعب شوي كانظام عمل واجازات وصدقني لاتسأل عنه في أول سنه ، مو أكيد انهم يمشون على الاتفاق
ع العموم عندهم اقسام شغاله واقسام اجهلها اصلا
فيه احتمال انك تكون تبع قسم ال Liner Hanger او كا MWD
في قسم downhole tools برضو عندهم عقود
ملاحظ ان عندهم محاولة تقليص الاجانب باي شكل لانه الاجنبي الان يعتبر مكلف وخصوصا في الاويل فيلد اذا ماحسبنا فيزا الدخول والخروج + التذاكر الشهريه ومحاولة لابدالهم بالسعوديين وبرضو اصلا وذرفورد احيانا تجيب من برا من البيس حق دبي عشان جوب بسيط وهذا يدل على انه عندهم نقص! وهذي طبعا فرصه ايجابيه لك
اما السيارات للفيلد فايكون معك سواق ياخذك من والى البيت وبالغالب جيب دوج
العمل بالفيلد ممتع جدا لناس وجهنم لناس ،
بالتوفيق واذا عرفت القسم تعال عشان نفيدك بمعلومات عن هالقسم
كل كلامي مش موثوق مع الاسف لاني ماني موظف فيها ولا لي اي علاقه بالشركه ، مجرد معلومات !
4 Likes
أبحاول أضيف شي ان شاء الله يضيف لك فائده
بالغالب انت تخصصك ميكانيكال ، أهتم بجانب التواصل وخلك سلس ومبتسم ، وريهم انك متحمس ومعجب بعمل الاويل فيلد
وحاول انك تدخل النت او اليوتيوب وتشوف طريقة حفر ابار النفط + ال completion
+ وركز على هذي النقطه وضروري تدخلها بحديثك متى ماشفت الوضع مناسب
وهي تكلم عن السيفتي والسلامه بشكل عام وانه في الاويل فيلد السيفتي ثم السيفتي وازعجهم بموضوع السيفتي وخصوصا بالنقاط التاليه
اتباع ومراجعة ومناقشة job safety analysis او مثل مايسمونها jsa وهي ورقة تعدها “او تكون جاهزه من جوبات سابقه” قبل ما تروح الفيلد وتكون فيها تفاصيل مراحل العمل والمخاطر المتوقعه وكيفية تقليصها
- مناقشة اساليب التواصل والاشاره مع فريق العمل
وانت عاد دخلها في كلامك بالطريقه اللي انت تشوفها مناسبه
بالتوفيق
3 Likes
ماقصرت يعطيك العافية علي هذي المعلومات,
بس انا تخصصي هندسة كهربائية ما ادري هل الشغله لها علاقة في الكهرباء اولا , اتوقع القسم هو drilling
قدمت عن طريق النت اخي ؟
قدمت عن طريق موقعهم قبل أربع شهور
يا شباب هل تعرفون كم الراتب؟
الرواتب تختلف من قسم لقسم في نفس الشركات وع حسب المسميات وال مراتب اللي يعطونك اياها
الخريج الفرش
الاساسي
يختلف من 4500 لين 15000 الف ع حسب المميزات والبوزشن اللي يعطونك اياه
مثلا
تكون فرش و فيلد انجنير … اساسي 7000
وتاخذ بونص بالرق 100-250 دولار ع حسب وضعك + اوفر تايم
تطلع لك نهاية الشهر ب 20+ الف
و قد تكون من الشباب اللي توظفوا ب 15000 الف
ولكن لا يعطى بونص ولا اوفر تايم في الفترة الاولى
و تاخذ نهاية الشهر 18-20 الف
بالاخير
رواتب الشركات البترولية مقاربة لبعضها وان اختلفت بالاساسي , الا ان المدخول نهاية الشهر يكون مقارب
وبالغالب جميع الموظفين يمرون بمرحلة الفيلد وهذا بالنسبة للانجنيريه , ما عدا البنات اللي عرفته انهم يعطونهم كورسات و شغل بعض الاحيان بالفيلد برا السعودية , عمان او الكويت بعض الاحيان وبعض الاحيان خارجا
بشكل عام, في منافسة جادة من البنات حتى على الفيلد انجنير بوزشن بهذه الشركات , لاحد يستغرب هالشي , فاحتمال تكون الرواتب اقل مما كانت عليه قبل , خصوصا مع كثرة العاطلين من الشباب و البنات بالتخصصات الهندسية حاليا , ونقطة اخيرة , اللي رايح حقهم فهذه الفترة , هم خريجيين هندسة البترول , هذا التخصص النكبة باختصار ,
4 Likes
من سوء حظنا 
