اهلاً ياشباب …
زي ماهو مكتوب جتني رسالة للمقابلة الثانيه مع شلمبر
ياليت اي احد ينورنا بـ اي شيئ يعرفه عن هالسيقمنتس سواء رواتب مميزات اجازات … الخخ
وهل راح يسألوني تكنيكال ؟ ولو ايه بتكون عن ايش غالباً بالنسبة لمهندس كهربائي
شكراً مقدما …
متى عملت المقابلة الاولى ؟ ( كم اخذو تقريبا للرد عشان المقابلة الثانية )
اخوي ممكن تقول لنا متى قدمت ، وهل انت فريش او لا؟
هللللا والله
بجوابك بشكل مختصر عن الوايرلاين بحكم اني واحد منهم 
الوايرلاين basically كيبل مدعم ب Armor قوي وفي نفس الوقت مرن ينشبك فيه تولز ننزل فيها في العين تحت لعمق 6000 الى 13000 قدم عشان نقيس اشياء يحتاجها الكلاينت مثلا ارامكو في السعوديه…مثلا حراره ضغط سرعة الفلود تحت نوع الفلود resistivity وهكذا…برضو الوايرلاين يستخدم ك طريقه للتدخل في العين مثلا عشان نحط plug ولا نفجر تحت عشان الانتاج…ف عشان كذا يعتبر قسم جدا جدا مهم للشركات السيرفس وبالمناسبه هو اصل شلمبرجير وبدت منه وهي اصلا اللي اخترعت الوايرلاين.
في شلمبرجير الوايرلاين يتفرع لفرعين
Production Services(PS)…provides well intervention (Perforation & Plug setting) and logging services (temp, pressure,flowrate etc) in cased holes
Evaluation Service(ES)…provides logging services in open holes
طبعا الPS يشتغلون في رقوق و رق لس
الES يشتغلون برقوق الحفر في الغالب
مدة الجبات وجلستك في الفيلد بالنسبه للوايرلاين تعتبر قصيره مقارنة بالاقسام الثانيه…خاصة الPS رق لس
في البي اس عادي تسوي جوب في اقل من يوم وترجع…
.on avg a job takes 2-3 days for PS
For ES it takes a longer time but still less than other segments
اذا كانت الاكتفتي عاليه ماراح يمديك تشوف احد من جوب ل جوب حتى لو ترجع المدينه شوي بتكون بزي تجهز الجوب اللي بعده…اما اذا كان الكلاينت مريح انت بتريح
هذا الوايرلاين بشكل مختصر
الD&M يشتغلون برقوق الحفر مع عملية الحفر…ف جلستهم بالفيلد تطول تصل الى شهور ف خذ بالاعتبار انك بتجلس الهتش كله 6 اسابيع في الفيلد…6/4 روتيشن السعوديين
اتمنى واحد من شباب الD&M يشرح لك عنه…بس باختصار هم يتحكمون بعملية الحفر ويسوون الlogging عن طريق الرق بس بشكل ابطئ بكثير من الوايرلاين.
بالنسبه للرواتب كل اقسام الشركه نفس الراتب والمميزات تقدر تشوف موضوع الرواتب في المنتدى هنا…بس البيسك 14900 اول ماتتوظف فل بكج حول ال18 طبعا يرتفع شوي بعد ماتسوي البريك اوت وتاخذ القريد 9…اللي يختلف البونص في الاقسام…كل الاقسام ياخذون daily bonus يتراوح بين 80 ل 180 دولار الا الوايرلاين لهم نسبه من التكت تبع الجوب وطبعا ذا الشي زين وبعض الاحيان يكون شين…لان اذا فشل الجوب تطلع ب0 دولار…يعني اذا الكلاينت مادفع قيمة الجوب انت انت مالك شي…عادي تسوي جوب تجلس 5 ايام وفي النهايه failed وترجع صفففرري يامعلم…
زييين اذا كانت قيمة التكت حلوه ف انت هناااا بتروق…بس خذ بالاعتبار انه التكتس كل ماجالها وتقل و ع حسب العقود مع ارامكو كل سنه انت ماتدري وش حظك…بس حاليا الامور طيبه والله يديمها…ع فكره في دول كثيره في العالم تعطي الWL engineer ديلي بونص لان الجبات رخيصه جدا…
في شي اسمه FE premium تقدر تسميه بدل منطقه نائيه يعطونه للي يشتغل في العضيليه والخفجي…اذا انت في السعوديه…نفس الشي بره…هذا لكل الاقسام WL Testing D&M الخ
هذا بالنسبه للرواتب…
المقابله ياطويل العمر والسلامه شلمبرجير مايهتمون كثير بالتكنكل وانا شخصيا ماسألوني ولا سؤال تكنكل عن تخصصي…اكثر شي عن شخصيتك وتحملك للعمل والفيلد ووش سويت مشاريع بالجامعه وهل كنت انت الليدر وقتها…يعني اشياء زي كذا…
ل
طبعا ب اجماع الكل وتقدر تسأل شباب من الاقسام الثانيه…الوايرلاين من اصعب الاقسام واكثرها headache وجهد ذهني وقلة نوم (عادي تسوي الجوب لحالك وتظل مواصل اكثر من 30 ساعه طبعا اذا طلعت الجوب لحالك بدون مهندس ثاني يغطي عنك)) وشي مو طبيعي يتعرض له المهندس…المهندس يسوي كل شي في الوايرلاين انت مدير مهندس صيانه وفيلد انجنييير فوق كل ذا…عليك الprep والexecution والclosing…عندك اليونت تبعك والequipment انت مسؤول عنها وتنقلاتها…عندك 6-8 اوبريتريه وسواقين وكرين اوبريتر كلهم تحت مسؤوليتك…في الPS مثلا انت راح تدفع لهم قيمة اكلهم غسيل ملابسهم الخ وبعدين الشركه تعوضك…لاتنسى البيئه الصعبه اللي بتواجهك اذا طلعت جبات مافي الا انت والعين…مافي دورات مياه وانت بكرامه مافي غرف نوم مافي شي…طبعا هذا اذا كان الجوب siteless وهذا تواجهه كثير في PS…ف قسم يبغاله صبر وفكر فيها مليون الف مره…90% من الاقسام الثانيه شغلهم اريح بكثير…لاتنسى عندك كيبل تحت تصرفك يحمل معدات بمئات الالوف تحت tension ف لو ينقطع لو سمح الله ولا تعلق التول ولا ينقطع فوق واحد يتأذى من الكر انت مسؤول راح تتعرض للمسائله وممكن للطرد ولا اقلها warning letter…الjob security في الوايرلاين اقل من الاقسام الثانيه اذا تبغى الحقيقه…بس السعوديين اصعب انهم ينطردو في حال الغلط عكس الاجانب…مابغى اخوفك بس لازم تعرف الاشياء هاذي قبل تختار القسم…بس البونص حقه الاعلى والخبره اللي تكتسبها مو هينه ف كل شي بحقه…
اذا عندك سؤال عن الوايرلاين لاتتردد 
وموففففق…
8 Likes
اخي الكريم . ممكنًاتوصل معك؟