السلام عليكم
يا اخوان بغيت معلومات عن هذي الشركه طبيعتها وطبيعة الاسئله بالمقابله. مميزات الشركه من رواتب وغيره للمهندسين. تخصصي هندسة الالات دقيقه وتحكم.
مع العلم التقديم اما يوم المهنه بمعارض الظهران او عن طريق الايميل
1 Like
Up
شركة استشارات هندسية بالخبر يشتغلون في مشاريع ارامكو
الرواتب اتوقع من 10 و ما يزيد عن 12 الف فل باكج
شغلك راح يكون في التصميم الهندسي كـ Instrumentation Engineer
بالتوفيق ان شاء الله
1 Like
الله يعطيك العافيه على المعلومات.
يا اخوان احد عنده معلومات اضافيه عن مقابلاتهم او عن الشركة بشكل عام
up
ياليت احد الاخوان يفيدنا او انت اخوي عمر تفيدنا ايش حصل معك؟؟
هلا اخوي, المقابله كانت غير متوقعه جدا. بالايميل مكتوب أسماء اللي بيسون معي المقابلة.
سوبر فايزر انسترومنت انجينير والثاني مدير المهندسين وكلهم أجانب. طبعا ما يحتاج اقولك الرعب اللي صار لي من شفت الاسامي اجنبيه ههههههه.
المهم دخلت قابلني السوبر فايزر قال ايش تعرف عن الشركة وجاوبته بالصراحة اني ما عرف الكثير لكن اعرف انها شركه تقدم خدمات لعدة شركات. وقام يشرح لي عن الشركة. بعدها قال تكلم عن نفسك وبعده قال يلا نروح للمدير. المهم دخلت على المدير اول شيء قاله ترى هذي موب مقابله المقابلة انت خلصتها مع السوبر فايزر. وشرح لي زياده عن الشركة وقال في عندك أي استفسار وبس قال انتظر ايميل من الاتش ار. سألتهم مرتين خلاص ما في مقابلات ثانيه قالو لا خلاص انت قابلت اكبر اثنين بالقسم ما يحتاج تقابل احد بعدهم. وهذا اللي حصل ودعواتكم لنا بالتوفيق.
خلاصة الموضوع
- الوظيفة غالبا او اكيد بتكون INSTRUMENTATION DESIGN ENGINEER
- القسم اللي سويت معه المقابلة OFFSHORE
- الشركة متعاقدة مع أرامكو وشركات ثانيه.
- ما شفت غير اثنين عرب والباقي كلهم أجانب.
- حسب كلام المدير انو التدريب بيكون بعدة اقسام في أماكن مختلفة مثلا السعودية شهرين - الامارات ثلاثة اشهر - إنجلترا شهر وزي كذا.
- الدوام بيكون خمسه أيام بالأسبوع ( الاحد عشر ساعات - الاثنين 9 - الثلاثاء 9 والباقي 8 الخ…). 48 ساعه بالا
- الدراهم ما جاب طاريهم ابدا
أي استفسار ثاني تفضل واسف ع التأخير.
3 Likes
^^^
انشهد انه وصخ , جاب طاري كل شيء ولا جاب اهم شيء هههههههههههههههههههههههههههه
بس ماشاء الله , دام السالفة فيها تدريب واضح , واوف شور , معناته ان الامور بتكون طيبة جدا 
يعني من كلامهم انك مقبول معاهم صح ولا لا
المقابلة ماكانت متوقعه منهم هههههههههه جمييل جداً الله يوفقك وييسر امرك
حلوو ان فيها برامج تدريب كونك مهندس فرش واغلبها اجانب عشان تحتك بمختلف الخبرات
موفق يابطل
والله يا خوي مدري عن موضوع مقبول او لا لكن اتمنى ذلك لاني طولت للامانه بدون اي عرض لي سنه وسته شهور. لكن قالي المدير انتو خمسه بناخذ منكم ثلاثه. والعدد الاول كان حول اربعه الاف يعني لو مانقبلت لاتزعل لانك وصلت هالمرحله بيني وبينك كلامه هذا خوفني. يارب اكون من هالثلاثه
1 Like
بإذن الله انك من ضمنهم
1 Like
الله يكتب لك الوظيفه الزينه, انا سويت المقابله وارسلوا اعبي طلب التوظيف وارسل الشهادات لكن ماردو علي الى الان , لها تقريبا 20 يوم…
احد ردوا عليه ؟
انا كلمتهم وقالو للأسف ماتخطيت المقابلة الشخصيه. المقابله طبعا مسكوني خط يسولفون عن الشركة اذا سألتني ايش سبب الرفض مدري ايش لانهم ماسألوني ولا سؤال غير تكلم عن نفسك هههههههههه.
نصيحتي انك تكلمهم راح يردون عليك ويفيدونك وفالك المناصب العليا وتوفيق رب العالمين
offshore department ^^^
الله يعوضك باللي احسن منها
للاسف تجربتي مع شركات المشاريع هذي غير موفقة ابد!!
انا كنت شغال مع شركة منافسة لها والسعوديين مهمشين فيها يعطونهم اشغال dirty works لا تحتاج الى شهادة هندسة حتى تعملها !!
النقطة الثانية ال job security في هالشركات يعتبر ضعيف
الله المستعان
1 Like
snc lavalin و Mustang من أكثر الشركات علاقة بأرامكو ومقراتهم الرئيسية فيها مكاتب فرعية مخصصة لموظفين أرمكو
المعذرة ايش تقصد ب dirty works?
إذا هي شركة مستنق الي اعرفه أنه واحد من الشباب كميكل يشتغل فيها
و يستخدمون برنامج HYSYS يعني يشتغل على ديزانين و ما إلى ذلك يعني في لب التخصص و من كلامه شركة جيدة
لعل ممكن تشابه اسماء
انا اقصد شركة منافسة لها اللي هي KBR فما استغرب انو يكون نفس الوضع مع موستنغ
الشغل اللي كان يجيني مثلا يعطيك ملف pdf فيه 200 صفحة و يبيك تحوله الى وورد
او يعطيك list of 2000 motors و يبيك تغير ال tag number من abc الى xyz !!
يعني بيني و بينك هل هذي تعتبر مهام هندسية ؟؟
لكن اتوقع اذا كان السوبرفايزر حقك امريكي فالوضع راح يكون مختلف بكل تأكيد
2 Likes
ياشباب اذا كان مدة العقد, مع الشركه هو على مده المشروع, والمشروع مدته 5 سنين هل اذا انتهى المشروع وماجددت ارامكو معهم تفصل موظفينها ؟
هل لأرامكو علاقه بتأمين وظيفه مع شركات اخرى في حال انهاء عقدها مع الشركه؟
هل لارامكو علاقه مباشره او غير مباشره بالتوظيف في شركه موستنق؟
ياليت الي عنده علم عن الاسأله في الرد السابق يخبرنا … شكرا