انا جاني عقد من وورلي وبنفس اليوم جاتني مكالمه من شلمبرجير اني عديت المقابله الاولى…
انا ١٠٠٪ ان شاء الله وبإذن الله بختار شلمبرجير لكن فيه مقابله ثانيه والمشكله ان المقابله الثانيه بعد شهررر… والواحد مايظمن يعني حتى بالمقابله الثانيه مدري يقبلوني او لا… فقلت بوقع مع وورلي مؤقت (بمعنى اصح بالفتره التجريبيه وعلى مايردون شلمبر)
سؤالي هنا: اذا قررت استقيل باي وقت خلال الفتره التجريبيه هل بيكون علي شي؟؟ خصوصا انه وورلي تقدم دورات بالشهور الاولى يعني نظامهم زي شلمبر شوي. فاخاف يقولونلي رجعي فلوسنا…
+ الاهم والادهى والامر اني بكون مدعومه من الصندوق فهل اذا قبلوني شلمبر واكتشفو اني مدعومه راح يسحبو علي؟! سمعت واجد ناس صارلهم كذا بس هالكلام من كم سنه…
وبشكل عام ايش رايكم؟؟ اقدر أأخر توقيع العقد شهر؟ يعني تتوقعو وورلي لو قلت لهم انو يعني لو سمحتو عطوني اسبوعين ثلاث افكر… بيرضون؟
ابي رأيكم كلكم لا احد لايبخل علي… الله يوفقنا واياكم اجمعيييين
الف مبروك العرض ومنها للاعلى يارب بالتوفيق لك في مقابلى شلمرجير الجايه ولكن حرام تفرطي في الفرصة هذي وقعي معاهم متى ماطلبوا منك وبنظام العمل انه فيه فترة تدريب ولا تخافي من الموضوع هذا ان شاء الله تتسهل وتأكدي من مكتب العمل تواصلي معهم
والله مابي اعطيك معلومة غلط بس دعم الموارد للشركات الصغيره والمتوسطة او ولي وشلمبر قير ماتوقع تحتاج دعم والشي الثاني بعض الشركات تكتبلك بالعقد تدفع قيمة الدوره اذا طلعت قبل ثلاث شهور ولكن نصيحتي وقعي العقد وداومي وانتظري شلمبر قير
والله يوفقك ويكتبلك كل خير
مرحبا اختي
اول شي الف مبروك توقيع العقد
والله يوفقك مع ورلي
اول شي انتي ما تضمني المقابله الثانيه لكن بذن الله بتتسير لك ،، بس هل تضمني اجراءات شلمبر تخلص بسرعه ، هذي نقطه
النقطه الثانيه اكبر غلط انك تفرط بشي عشان شي غير مضمون … خصوصا سلمبر اجراءاتهم تاخذ وقت
وممكن بعد المقابله الثانيه يسون شورت ليست
والنقطه الثالثه توني شفت تويتر ان دعم الموارد موقف
وتقدر تتصلي على هدف وهذا رقمهم وتسالي
ومثل ما قالوا الشباب الدعم يكون للشركات الصغيره
مو للشركات الكبيره .
توقيعك لورلي مو معناته ماراح تقدري تطلعي من عندهم
اشتغلي مع ورلي وباشري عملك
واذا جاتك المقابله الثاني شلمبر
روحي وسوي مقابله وامشي باجراءاتك
واذا تم قبولك قبول نهائي
واعطوك العقد والمباشره
قدمي استقالتك حتى لو كملتي ثلاث شهور مع ورلي تاخذين شهر انذار وتطلعي ل شلمبر .
الموضوع مش معقد وشلمبر وغيرها يحترمون موضوع الانذار .
بس تاكدي هل في شرط جزائي انك تدفعين فلوس الدورات او غيره . شوفي العقد او حاولي تسالي اي احد الموظفين .
واخيرا اسال الله لك التوفيق والتيسير ان شاء الله .
يعطييييك الففف عافيه ماتدري قد ايش ساعدتني ): الله يوفقك ويسهل لك كل امورك يارب
انا بمشي بنصيحتك ان شاء الله… حالياً ارسلت ايميل للHR وقلت له هل فيه مشاكل بخصوص هذا الموضوع خصوصا ان فيه دورات ويمكن ادفع سعرها… ردلي خبر انه مو مشكله مافيه اي obligations تجاهي انا حالياً راح اوقع العقد واتوكل على الله …
اسال الله واياكم التيسير والتوفيق والله يسهلها علينا
هذا الكلام ، حلو انك تتاكدي من كل شي عشان تكوني مرتاحه نفسيا بعملك … وسبحان الله ترى لما تكون نفسك في حاجه وتتركها تجيك بدون ما تحسب حسابها بس مجرد ما تتابع وراها تنغث من الانتظار …
وما تدرين يمكن في ورلي
تثبتين نفسك وتتوفقين فيها وتوصلي لطموحك وتكون افضل من شلمبر … موفقه خير ياخيتي . وحاولي انك ما تسالين كثير عن موضوع قيمة الدورات … الخ
حرصا ان وضعك ما يتاثر لا سمح الله وياخذون فكره انك باي لحظه راح تطلعي .
بالضبط كلامك كله صح… انا مو موترني وغاثني الا المتابعه والانتظار عشان كذا راح اروح وورلي وان شاء الله متى ماكلموني شلمبر بوقتها بشوف…
+ انا صراحه فكرت بالموضوع واجد قبل لا ارسل له الايميل.، يعني كيف اساله عن الدورات والفتره التحريبيه بدون مايبين اني ابي اهج بأي لحظه… لاني مو ناويه اهج بس الواحد لازم يفهم عشان لو صارتلي ظروف وطلعت ما اتوهق…
انا بس كتبت بالايميل انه نظام وورلي فيه دورات فحابه استفسر اذا فيه قوانين خاصه بالفتره التجريبيه لو حصل شي لاسمح الله واضطريت اطلع؟ وسالته عن كم حاجه ثانيه بالعقد وعن الدوام بشكل عام…
جلست اعدل عالايميل من امس وتوني الحين ارسلته ورد علي بعدها على طول وطمني قال ماعلي اي شيي…
فيه واحد معنا ببرج وورلي جلس تقريبا ٥-٧ شهور اذا ما خانتني الذاكرة بين المقابلة الثانية لشلمبرجير والمباشرة معهم فاقبلي عرض وورلي لين تتضح الصورة مع شلمبرجير.
صعب تأخرين توقيع العقد لكن تقدرين تتفاهمين معهم تأخرين تاريخ المباشرة شهر/شهرين وهذا أضمن لك وأضمن لهم(اصلا اجراءات التوظيف والمباشرة تاخذ وقت) وحتى لو باشرتي وجتك مقابلة تستأذنين من مديرك وتمشين وقولي ظرف شخصي او أي تصريفة.
اما بخصوص خبرة وورلي فما أدري وش المسمى الوظيفي أو تخصصك لكن أشوف السعوديين والسعوديات مهمشين من الهنود ونادر يشركونهم بشكل فعال وبتخصصهم بالعمل(مرة من التسليك جايبين بنت تخصصها تصميم داخلي تشتغل بالمشتريات) لكن تحصلين كذا سعودي معطينهم شغل جيد فاللي يسعى ويحاول وينشب بيعطونه شغل.
الاقسام النسائية لوورلي منفصله عن البقية في حال كان يهمك موضوع الاختلاط من عدمه.
انا صراحه لاحظت ان معظم الموظفين هناك هنود واغلبهم ماسكين سينيور بوزشنز … وتخصصي يختلف اختلاف السما عن الارض عن البوزنشن… عشان كذا كنت متردده اوقع بس خلاص الحمددله وقعت وجالسه ادعي انه يقبلوني شلمبرجير لان مستقبلي الوظيفي هناك احسن وهو الشي اللي كنت ابيه من ايام المدرسه ):
الله كريم يارب تتسهل علينا وعليكم ويوفقنا اجمعييين