بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
درسني me 217
الشرح جيد ويوضح المطلوب منك في الريبورت
ما يحب اللي ينقل من زميله وكذا >>> يقفطهم
بشكل عام المدرس كويس
ME 203 - TERM 181
التحضير : بداية الكلاس واحسه شوي متشدد ونادر يسمح لك تسوي ميك اب. ( نص الترم قال لكل واحد كم عنه غياب ، وحسيت انه مزودني غيابين كذا مع اني ولا مره غبت !!! ).
طريقة الشرح : يشرح من سلايداته وشرحه جيد الى كويس.
الكويزات : سهله الى متوسطه واغلبها نفس افكار اسئلة نهاية الشابتر.
المياجر : كومون.
تصحيحه للمياجر كان عادي مايدف مره ولا يخسف فيك يعني يعطيك حقك.
الصوت : واضح.
الدكتور اخلاقه طيبه ويحب يساعد الطلاب ويحاول يخليهم يجون الاوفيس اور واذا فيه مشكله في سوال في الكويز يشرحه في الكلاس ويعطي بعد التلميحات وقت الميجر تساعدك في الحل اذا سألته عن حاجه.
انصح فيه وبقوه.
1 Like
ME 203 - TERM 171
التحضير : بداية الكلاس وشديد بالتحضير وما كان عنده الا سكشن واحد فما ادري عن الميك اب.
طريقة الشرح : يشرح من سلايداته ويحل مسائل كثيرة وشرحه ممتاز جدا وقبل الميجر يسوي كلاس مراجعة مهم جدا.
الكويزات : سهله الى متوسطه بس ما يحط الا 4 وكل واحد عليه 5%.
المياجر : كومون.
تصحيحه للمياجر كان ممتاز اذا شاف انك فاهم يحسب لك اغلب الدرجة حتى لو حلك غلط + يتجاوب مع الاسئلة بوسط الاختبار ويقلبه كلاس.
الصوت : واضح.
الدكتور اخلاقه طيبه ويحب الطلاباللي يجون الاوفيس اور ويحاول يدفهم بالتصحيح اذا شاف انهم مهتمين للمادة.
انصح فيه وبقوه.
ME203-192
التحضير : يحضر يوميا في اول دقيقة بالكلاس ويسمح لك تسوي ميكب اب مره مرتين بالترم بس
طريقة الشرح : يشرح من سلايدات خاصة فيه ، شرحه ممتاز بس المشكلة فيه انه يصعب عليك الموضوع ويعطيك اشياء اضافية بالسلايدات يعني بشكل عام يحسسك من سلايداته ان الموضوع معقد وهو ابسط من كذا بكثييييير
الكويزات : معقولة
المياجر: كومن
الفاينلات : كومن
القريد النهائي : C
الصوت : واضح جدا
إضافات :
صراحة الدكتور شرحه كويس ويحاول ان الكل يفهم قد مايقدر بس فيه سلبيه تكرهك فيه وهو طريقة تفكيره او طريقة تعامله يعني يضغطك نفسيا من بداية المادة الى نهايتها بلا سبب ، صراحة اغرب دكتور مر علي من دخلت الجامعة احسه كذا شكاك مايتعامل معك ب اريحية دايم يحسب انك جالس تكذب عليه او جالس تستحقره
ME - 311
التحضير : يوميا
طريقة الشرح : من سلايداته الاسطورية
الكويزات : متوسطة الى سهلة
المياجر: كومون
الفاينلات : كومون
القريد النهائي: A
الصوت: واضح ومفهوم
إضافات : الدكتور شرّيح جدا وسلايداته بطلة , متفهم بالاسئلة وما يعصب اذا سألته ويفهمك حبة حبة , الدكتور تحس معه انك فاهم الكونسبت من واقع الحياة وتستمتع معه وبالنسبة للاسئلة فيفهمك ويشرح خطوة خطوة
الدكتور ما يتعوض
ME311-201
الدراسة كلها كانت أونلاين
التحضير :
بداية الكلاس بالضببببط يبدا يحضر بالاسماء, ينتهي الكلاس ويشرح كم دقيقه زيادة وبعدها تكلمة إذا متأخرو الكلاس بالزوم يعرف متى دخلت
طريقة الشرح :
سلايداته رووووعه ولا غلطه , ذاكرها وتكفيك ولا تتابع قناة القحطاني ولاشي(اذا فاضي وتبي معلومات زيادة رح القناة ) https://www.youtube.com/channel/UChptJuGYNMcpmCW-zhTP3kg/playlists?view=50&sort=dd&shelf_id=1
الكويزات :
صراحة كانت كثير شوي وغالبيتها في الليل وأحيانا الويكند تقريبا 10 كوزات في الترم ,متوسطة إلى صعبة والتصحيح شدييييد
المياجر:
ميدتيرم عليه 15% و ونفس الكوزات بس أطول شوي
الصوت:
وااااضح ومتقبل للأسئلة ويناشقك ويفهمك عادي, ومررره فاهم ما شاء الله عليه
إضافات :
اذا تبي تفهم نزل عنده , اذا تبي قريد بتتعب عشانه شوي لان متطلبات كثير وتصحيح شديد
ME311 - 201
(Online)
التحضير : تحضير بداية الكلاس ومتشدد لكن اذا تاخرت كثير لازم تقله السبب واحيانا يعطيك حاضر او ليت على حسب السبب. لكن اذا غبت لازم عذر رسمي.
طريقة الشرح : الشرح من سلايداته الممتازة. شريح ماشاء الله عليه وفاهم ويحب يجيب امثلة تساعد ع الفهم.
التصحيح: حقاني وحسيت انه يعتمد على حسب آفرج الكلاس، بحيث انه يصير متشدد اذا الافرج عالي وكريم اذا الافرج نازل.
الكويزات : كويزاته سهلة وكانت سؤال او سؤالين مقالي واحيانا معاها خيارات. في رايي تكفي مذاكرة سلايداته للكويز. الميزة انه يحاول يعطي كويزات كثيرة عشان الطالب مايتاثر كثير اذا خبص في كويز.
المياجر: ميدين من الدكتور نفسه وكانوا متوسطة الصعوبة.
الفاينلات : من الدكتور وكان صراحة صعب بسبب انه افرج الكلاس كان عالي. وهو اصلا قالنا انه الفاينل بيكون صعب
الصوت: صوته واضح جدا ولهجة ايضا مفهومة
إضافات : الدكتور يسال اسئلة للطلاب ويحط عليها درجات عشان يحفز الطلاب على المشاركة. الدكتور يحببك في المادة ويحاول دايما يربطها مع التطبيقات والواقع وحبوب وطيب لأبعد الحدود ومتعاون ومهتم جدا لفهم الطالب ويحب الطلاب المهتمين والي يشاركون دايما ويسالون وقت الكلاس. اذا انت طالب مهتم من ناحية انك تفهم المادة ومستعد انك تبذل جهد، هذا الدكتور المناسب لك، لكن اذا انت تبغا تروق وتبغا قريد فاانصحك لا تسجل؛ لانه بيكرفك من ناحية البروجكت والكويزات.
1 Like
(ME311-Term 201 (Online
التحضير :
بداية المحاضرة على طول مايتاخر دقيقة , يعرض الكشف قدامك وينادي بالاسماء ومن ناحية التاخير ممكن يسمح لك 10 دقايق تتاخرويحضرك عادي بس لاتفلها واجد
طريقة الشرح :
يشرح من سلايداته, سلايداته مرتبة جدا وممتازة جدا للمذاكرة. شرحه ممتاز ويوصل لك المعلومة بطريقة جميلة وكان لازم يخلي الطلاب يشاركون معه
الكويزات :
سهلة الى متوسطة الصعوبة , اغلبها اسالة مشابهة لامثلة موجودة بالسلايدات وطبعا كان يخلي اغلبها ريتن عشان يعطينا بارشل كريدت
المياجر:
الميد تيرم هو سواه وكان سهل ماعدا سوال واحد كان صعب شوي , وعطانا 4 تستات بسيطة ماهي صعبة
الفاينلات :
من عنده والصراحة كان جلد واعتقد ان السبب هو الافرج عالي, اسالة الفاينل بعضها كان متوسط لكن الوقت كان جددددددداااا ضييييق يادوب تفهم السوال وتحل والشي ذا يزعل والله لانه اثر بشكل سلبي على اغلب الطلاب وضيع علي القريد اللي كنت ابيه مع اني كنت قريب مرة
القريد النهائي: +B
الصوت: واضح ومسموع
إضافات : الدكتور متعاون واخلاقه عالية وحريص جدا على فهم الطالب ويحببك في المادة, تصحيحة بالنسبة لي كان جيد لكن بعض الطلاب يقولون انه ظلمهم, طبعا من السلبيات انه كان ياخذ وقت زيادة برا المحاضرة توصل ل 5 دقايق تقريبا , اخر السمستر مدري شفيه تغير علينا صار عصبي نوع ما ومعاد يقبل النقاش . مثل ماقال الاخ الفاضل اللي قبلي الدكتور كريف نوع ما فاذا تبي تروق وتبي قريد لاتنزل عنده
1 Like
ME 204 - Term 212
التحضير: يحضر بداية كل محاضرة، واللي يجي متأخر يروح للدكتور يحضره بنهاية المحاضرة بس يخليه ليت…بداية الترم -ولفترة بسيطة- كان يمرر ورقة توقيع عشان نحضر، بس بعدين صار ينادي بالرقم التسلسلي.
الشرح: جدا واضح وممتع.
التعامل: الدكتور حبيب ودايم يضحك مع الطلاب في وسط الشرح ويغير الجو.
الصوت: واضح، ويتكلم بخليط من العربي والانجليزي.
الكويزات: بصراحة عكس اللي توقعته، الكويزات سهلة والدكتور جدا متعاون معنا فيها لدرجة إنه ألغى كويزين عشانه شافنا جايبين العيد فيهم…الزبدة إن الكويزات أشوفها سهلة ومايبي لها ذيك المذاكرة.
إضافات: الدكتور يهتم جدا لطلابه ويحب الطالب اللي يكون منتبه معاه في الدرس، لذلك لاتفكر تستخدم جوالك أو تاخذ لك غفوة وسط الشرح لأنه راح يصحيك ويخليك تغسل وجهك بعد.
سمعت بعض الطلاب يقولون تصحيحه سيء، بس والله تصحيحه جميل وممكن يعطيك فوق حقك.
الدكتور يتقبل الأسئلة جدا وماتحسه يطفش منها حتى لو كثرت.
تقدر تلقى سلايداته في الريسورسز.
بعض السلبيات: الدكتور كان ياخذ وقت زيادة على المحاضرة ويأخرك لو كان عندك محاضرة بعدها في مبنى بعيد…يعني شيء طبيعي ياخذ له 5 دقايق فوق وقت المحاضرة. أيضا، الدكتور أحيانا يخليك تداوم محاضرات إضافية في الليل بس عشان تخلصون المنهج أو تاخذون كويز، سواها فينا مرتين.
القريد النهائي: A+++ ولو شفته في مادة ثانية بنزل عنده.
منقول من احد الشباب جزاه الله خير
بنود التقييم : عبد الله الشرفي (me311)
Term 233
التحضير : ورقة تمر على الكل، ومستحيل يمر يوم ما يوزعها
طريقة الشرح : سلايدات من صنعه والشرح ممتاز للأمانه، والدكتور فيه ميزة رهيبة لك كمهندس انه يربط لك بين الفليود والواقع
الكويزات : متوسطة
المياجر: كنت معه في الصيف، المياجر تكون مثلًا ٦ اسئله ، ٤ سهلات و٢ فيها تحدي
الفاينلات : كان سهل والله
القريد النهائي: A
الصوت: واضح
إضافات : الاوفس اور ما يفيدك ابدًا وغالبًا يكون منفس، واذا عندك سؤال وجيته قالك ارسلي اياه في الاوتلوك ويسحب عليك