السلام عليكم
عندي سؤال بالنسبة لفترة الانتظار لمقابلة البارتنر او الدايركتر بعد مقابلة HR…
كم تكون فترة الانتظار عشان يحددون مقابلة البارتنر او الدايركتر بعد ما اسوي مقابلة Hr ؟ انا حاليا خلصت مقابلة HR وانتظر مقابلة البارتنر… ماحددوا لي المقابلة متى راح تكون ولكن قالوا لي راح نتواصل معاك عشان نحدد مقابلة البارتنر.
شنو الاسئلة المتوقعة من البارتنر؟
السلام عليكم شباب
البرنامج بيبدأ في september!! هل احد سوى مقابلة البارتنر؟ وهل في احد عطوه عرض ولا بعدهم في الاجراءات؟
اذا ممكن تكتب لي كيف كانت مقابلة hr وصلني ايميل منهم اختار وقت المقابلة ورديت لهم وللان ماوصلني منهم شي. اذا تكرمت تكتب لي الاسئلة حقت hr بالمقابلة.
مقابلة HR جدا بسيطة واسألة عن شخصيتك واسألة هدفها ان يعرفون هل انت الشخص المناسب لطبيعة العمل هذي…
الاسئلة اللي دايم يسألونها
ليه PwC؟ شنو تعرف عن PwC؟ شنو الدرجات العلمية اللي اخذتها وكم معدلك ؟
بعدها بيسالونك عن ستيويشن معين وكيف تتصرف معاه واعطي مثال كيف تصرفت معاه،، مثلا
كيف تتصرف مع
two projects with tight deadline
طبعا الاجابة يبون يعرفون انك تتحمل ضغط العمل ومستعد تشتغل اوفر تايم هذا السؤال جدا تبيكل بق فور كوشن
هل مر عليك كونفلكت مع زميل في العمل او الدراسة وكيف تعاملت معاه
شنو نقاط ضعفك وقوتك
هذا اللي اتذكر الان
طبعا تقدر تبحث عن اسألة hr حق pwc كلها متشابهه ومتوقعة
وياليت احد يرد علينا بالنسبة لمقابلة الدايركتو او البارتنر
ماقصرت الله يوفقنا وان شاء الله يفيدنا الاخوان.
بس عندي ملاحظة
شركة عريقة مثل pwc يفترض مايكونون سيئين بالتواصل! يعني رسلون لك ايميل يستفسرون عن حاجة وترد عليهم وتنتظر لك شهور عشان الرد
التنظيم عند hr سي اختبار shl ارسلته موظفة بالرياض وتحديد المقابلة موظف غير. المفروض موظف واحد يسهل تتواصل معه الان موضوعك ماتدري عند مين ولا يردون على الإيميلات. تتسهل باذن الله.
السلام عليكم
انا اليوم كان المفروض عندي مقابلة مع الHR بس مر الوقت ولا احد اتصل. هل يتصلون عالوقت هم ولا كيف؟
وعليكم السلام يومك ارسلت لهم الايميل بالرقم واخترت الوقت المناسب ردو عليك بتأكيد وقت المقابلة؟ باذن الله يكلمونك وتبشرنا كيف كانت. انا رديت عليهم واخترت الوقت ولا عاد سمعت منهم مثل ماقال اخونا محمد شركة عريقة وسيئين بالتواصل.
انا ارسلوا لي ايميل امس اني عديت الاختبار واليوم لازم ترد عشان تختار الوقت المناسب للمقابلة يا اليوم الاربعاء او بكرة. المهم ارسلت ايميل اني ابي اسوي المقابلة يوم الربعاء الساعة 11 ونص. بعدها بكم ساعة اتصلت علي موظفة من HR تتأكد من موعد المقابلة واتفقت معها على وقت. بعد ما سكرت بشوي جاني ايميل منها يأكد الموعد! وللحين ما جا ايميل او مكالمة منهم. ارسلت لهم ايميل ان شا الله يردون.
اذا تكرمت اذا ردو على الايميل او اتصلو معك للمقابلة تعطيني خبر عشان ارسل للموظفة ايميل او أكلمها. مشكلة pwc مثل ماقلت مافي تنظيم الي تواصل بخصوص الاختبار موظفة والمقابلة كان موظف ثاني موضوعك يضيع ماتدري عند مين.
جدا سيئين في التواصل والمواعيد
انا حددوا لي وقت وتاخزوا في الاتصال تقريبا ساعة.
ردوا عالايميل المفروض المقابلة بكرة. ان شا الله صحيح يتصلون.
توني مخلص من المقابلة والحمد لله احس اني سويت كويس . كانت المقابلة مع HR ومدتها ربع ساعة تقريبا. الاسئلة فالبداية كانت شخصية عن دراستك واقامتك وخبراتك السابقة. بسرد الحين باقي الاسألة اللي سألت.
- ليش بتترك وظيفتك الحالية وتنظم للشركة، ليش pwc بالذات ومجال الconsulting.
- ليش اخترت تخصصك.
- اذكر افضل نقطة قوة عندك، ونقطة ودك تطور فيها من نفسك.
- اذكر موقع صار لك من قبل مع مشكلة مع شخص كنت تحاول تفهم وجهة نظره.
- اذكر موقف كان عندك اكثر من deadline وكيف نظمت وقتك.
- اذكر موقف صعب صار معك وكيف تغلبت عالموقف.
هذا اللي فبالي حاليا ان شا الله ما نسيت شي، الترتيب مو شرط مثل ما ذكرت. قالت بعدين بيكون في مقابلة ثانية مع ال business line وثالثة مع البارتنر وبعدها ان شا الله الاوفر اذا عديتهم. برنامجهم راح يكون سنتين تدريب اول شهر في ابو ظبي يدربون عالاساسيات وبعدها في الرياض راح تمر على جميع الbusiness lines عددهم ٧ وبعدها اذا ادائك ممتاز تصير senior consultant. المقابلة الثانية راح تركز اكثر عن الشركة ونوعية الشغل فقالت اقرا زين عن الconsulting.
ان شا الله ما نسيت شي وموفقين جميعا.
ممتاز الله يوفقك ويسهل علي
حددوا لك متى راح تكون المقابلة الثانية ولا قالوا لك انتظر منا ايميل؟
انت اي منطقة مقدم؟
ما حددوا بس قالت المفروض الاسبوع الجاي تكون المقابلة. على كلامها المفروض يوصلك ايميل فيه تفاصيل الموعد ومين راح يسوي لك المقابلة. Consulting بس في الرياض فيه انت على اي برنامج مقدم؟ بالتوفيق للجميع
مقدم على الاودت
بس قالوا لي راح يتواصلون معي للبارتنر انترفيو من ٣ اسابيع
لما كلمت اللي تواصل معي وقلت له تاخرتوا قالي مابعد نسوي مقابلات لشرقية
وقالي راح نحدد قريب
وبصراحة ما ادري شالموضوع وليش هالتاخير
ماشاء الله فالك التوفيق. للان جاري الانتظار كنت بكلم اليوم لكن انشغلت.
انا مقدم على ASSURANCE GRADUATE PROGRAMME. وللآن مافي اي جديد. اذا احد مقدم على نفس البرنامج؟
سويت مقابلة HR?
لا للان انتظر. انت نفس البرنامج؟
انا من سكان الشرقية هل في تاخير على كل المرشحين؟