السلام عليكم
ياخوان انا حالياً جالس اطبق في شركة فالجبيل وباقي أقل شهر على التخرج, وجاني عرض من PwC وكما تعرفون الشركة big 4
الفل بكج 9500 بدون خصم التأمينات واساسي 6500 فقط !!
مع العلم ان ايام الدبلوم جاني عرض من سابك فل بكج 9800 واساسي اعلى منهم 
البسشن مو حول تخصصي لامن قريب ولامن بعيد وهو في ادارة ال Risk Assurance
هل تشوفون ان العرض مناسب ولا ننتظر لان في كم شركة انا في المراحل النهائية في التوظيف ومن ظمنهم الشركة الي اطبق فيها حالياً
الاساسي ضعيف. توقعت الاساسي عندهم اعلا اذا يمديك تاخر معهم شوي على مايجيك عرض من شركات ثانية.
هذا برنامج الخريجين؟ هل بعد السنتين في تغير بالاساسي؟
على حسب تخصصك اذا محاسبة اقولك توكل على الله واقبل العرض حتى لو تقعد عندهم سنه وحده و تطلع ،، PWC خبرتها قوية جدا في مجال التدقيق ( auditing ), وأغلب اللي يدخلون هذا المجال مايخسرون لأن الخبرة اللي بيكسبونها كفيلة انها تدخلهم أي شركة بالمستقبل وبمزايا ممتازة ، طبعا شغل التدقيق جدا متعب ودوامهم طويل احيانا يداوم الشخص من 8 الصباح الى 9 الليل خصوصا في نهاية السنة و واول كم شهر من بدايتها
اذا عادي عندك تشتغل في غير تخصصك وقع معاهم + لاتنسى عندك 3 اشهر تقدر تتركهم أو هم يستغنوا عنك فرايي اذا ماجاك عرض رسمي من شركة ثانية وقع مع pwc
وبخصوص بقية الشركات خلك على المضمون لأن ممكن توصل لآخر مرحلة في التوظيف عندهم وفجأة لسبب معين يعتذروا منك
الشركة قوية جدا في مجال المحاسبة والتدقيق وهو بعيد جدا عن مجالك اذا instrument & control مافي اي رابط بينهم
لو مكانك راح اقبل بدون تفكير لين الاقي شي براتب اعلى خصوصا الخبرة ممتازة في الشركة هذه وراح تفيدك
اشكر الجميع على التفاعل
هذا برنامج الخريجين؟ هل بعد السنتين في تغير بالاساسي؟
اي هذا برنامج الخريجين, قريت في بعض المواضيع ان بسشن Consultant وغالباً يختارون مهندسين لهذا البسشن رواتبهم اعلى تصل فل بكج لـ 11-12 الف,
ممكن لهذا السبب الراتب ضعيف لانه البسشن مو قسم الاستشارات
السلام عليكم
ممكن ايميل التواصل مع pwc
بالتوفيق