السلام عليكم ورحمة الله ،
اخواني حاب اعرف عن المزايا الوظيفية للمهندسين في أرامكو ؟ يعني كم الراتب الأساسي وكم بدل السكن و بدل النقل وغيره من البدلات ؟ وياليت يذكر الفرق أو الزيادة للموظفين في المناطق النائية يعني ماهي البدلات اللي يحصلون عليها ؟
في انتظار اجابتكم … ضروري الله يخليكم ،،
الراتب الاساسي 9500 و 8% اذا كان معدلك فوق ال 3
بدل سكن 3 رواتب
بدل النقل 0 ريال
وراتبين اضافيين في السنه
من ناحية التدريب في الشركة فهو صفر على الشمال … لا ادري هل هو مخطط من الشركة ان لايدربون الموظفين حتى لايتسرب الموظفين لشركات اخرى !! الله اعلم
تعديل وزيادة على كلام الاخ اللي فوق
9500 اساسي
3 رواتب بدل سكن
60% من الراتب الاساسي بدل " تاخذه مع اجازتك السنوية "
راتبين هدية " الشهر 13 و رمضان "
بدل النقل 300 إذا ماكان متوفر مواصلات الشركة او سيارة الشركة
فيه بدل اسمه ترفل زون // للي يداوم ما يقارب 40 دقيقة من بيته للدوام ،، 1100 للمهندسين
بالنسبة للمناطق النائية ،، كل منطقة لها بدلاتها ،، لكن مجملاً 12 إلى 14 % من الراتب الاساسي
غير الاوفر تايم لانهم يداومون 12 ساعة …
غير per-diem وهو بدل لما تروح كورسات ،، وعلى حسب المدينة اللي فيها الكورس هنا في السعودية تقريباً 1000 ريال لكل يوم …
هــل فيه بدل خطر 10% ؟
هوم سيكنس … معك الاخ ee-111
بسألك عشان نعطي تصور كامل للرجال … كم كورس اخذت وفيه برديم ؟
السؤال الاخر الترفل زون ما تحصل الا في حالات نادرة جدا ولاتنطبق على الغالبية العظمى؟ كم.!
وكل موظف له 200 الف بعد كم سنة غير مرجوعه
شنو هو اللي كل موظف له 200 الف بعد كم سنة غير مرجوعة
مافهمت ؟
يا هلا أخوي … ee-111
منور … وين الغيبة ؟
بالنسبة للكورسات … تقريباً 3 الى 4 كورسات في السنة …
لكن هناك مشكلة بالنسة للبرديم … للأشخاص اللي يشتغلون في الظهران … اتوقع ما ياخذون برديم
لان اغلب الكورسات في الظهران … فهم في نفس منقطتهم … ما ياخذون
انا بس حبيت اوضح كل البدلات … اللي ممكن تتاح للموظف
يقصد // لما تستحق قرض السكن ( البيت ) يعطونك 200 الف ،، قيمة أرض .
طبعاً السكن ما تستحقه الا لما تكمل 4 سنوات في الشركة
الراتب الاساسي 9500 طيب الفل بكج كم للمهندسين ؟
صعب تحدد الفل بكيج …
لانه تعتمد على المكان /الدوام/الادارة … واشياء اخرى
لكن فيه بدلات معروفة مثل اللي انا ذكرتهن وذكرهن اخوي cise-112
طيب ما في سكن للموظفين داخل ارامكو ؟
ايه فيه / الظهران - راس تنورة - تناجيب - حرض - شيبة - العضيلية
بس في بعض المناطق اذا سكنت عندهم ياخذون بدل السكن منك … وبعضها لا
مثل الظهران - راس تنوره وغيرها ياخذون البدل منك
العضيلية ما ياخذون البدل منك
ياشباب الي يعرف احد في ارامكو …
او طريقة التقديم فيها !!
الحمدلله معدلي 3.22 “هندسة حاسب”
وابا اقدم فيها !!
هلا وغلا … موجودين ومتابعين يصمت D:
عشان نخلي الطلاب بالصورة … صار لي 6 شهور مع ارامكو Engineering services في الظهران
المشكلة اني ما اخذت ولا كورس الا الان ولا فيه كورسات متوفره الى السنة القادمة!! يعني بقعد قرابة السنة ونص بدون كورسات
الامر الاخر كثير من الشركات تعطي كورسات خارجيه …في ارامكو عساك تاخذ كورس بالشركة عشان تاخذ شي برا !!
افكر جدا بترك الشركة مع اقرب عرض مناسب … دعواتكم
اعتقد ان ارامكو من فترة كانت تعيش على سمعتها في الماضي والان بدت تتكون صورة للناس عن وضع الشركة …
وللمعلومية 4 من زملائي دخلوا الشركة وما كملوا 3 شهور وطلعوا! 3 منهم في Engineering services
ليس تحاملا على الشركة لكن والله الوضع محبط …
الشركة فعلا رائعة لطالبي الاستقرار الذين لايهمهم التطور الوظيفي بقدر مايهمهم الاستقرار.
اشبه الشركة حاليا بوضع الحكومة … او كما وصفها احدهم بانها ضمان اجتماعي للمهندسين
Cise-112 وش تقصد بطالبي الاستقرار ؟ ممكن توضح وش تقصد بالاستقرار و وش تقصد بالتطور الوظيفي ؟ لانه مستحيل موظف يخش أرامكو ويجلس فيها عمر 20 او 25 او 30 سنة و يتقاعد وهو في مكانه ؟! … هل تقصد بالاستقرار يعني عدم التنقل بين الشركات ؟! واذا كان هذا قصدك ممكن تذكر لي اش فيه شركات أحسن من أرامكو ؟ … أنا اعرف انه سابك تحاول تجاري أرامكو فقط
والله اخي الكريم اقترح عليك تاخذ فره بالمنتدي وتقرا عن الشركات واحكم بنفسك لان الكلام قد يطول …
لكن ماقصدته بالاستقرار هو الشخص الذي يرا العمل امر هامشي في حياته ولايطمح لمناصب وراتب عالي في المستقبل …
اما ماذكرت عن سابك فهي نفس رواتب ارامكو في البدايه لكن بعد سنتين من العمل موظف سابك يتفوق علي موظف ارامكو بالراتب بفارق قد يتجاوز الالفين
تسلم أخوي cise على سرعة الرد وأنا أؤيدك في كلامك … بس اذا ممكن تذكر لي كم شركة من اللي يحضرك في بالك الان ممن ترا انهم أفضل من أرامكو … طبعا أنا ما أدافع عن أرامكو أنا فعلا والله أبحث اذا فيه من هم أفضل من أرامكو طبعا غير سابك … ياليت يتسع صدرك لسؤالي و شكرا
والله اخي الكريم يجب ان لاتضع بداية الراتب ك أساس لاتخاذ القرار … لكن بعدد لك كذا شركة افضل بشكل عام
اولا شركات الاستشارات الاداريه وغيرها بانواعها (مكنزي، بووز ، اكستنشر، KPMG, BSG BAIN )
ثانيا الهندسية: ساتورب ، صدارة ، ساسرف ، سامرف ، سابك ، الصحراء، ذ
"Cooper industries ". ايمرسون GE …
عندك p&g و Unilever شركات رائعه … ما ادري كيف اصنفها
ثالثا الهيئات والمؤسسات الحكوميه … رواتب وبرامج تدريب رائعه وبعثات دراسية
رابعا الشركات النفطيه : بيكرهيوز , شلمبرقير
والقائمة تطول … اعذروني ان اغفلت شركة او اخرى حاولت ذكر معظمها وعليك ان تبحث بنفسك عن مميزات كل شركة …
كما لا انسى هذه الشركات الرائعة ( ارنست ان يونق، البنوك بانوعها ، برايس ووتر هاوس)