السلام عليكم
احب ابشر طلاب جامعة البترول ان الوظايف تنتظركم, ولا يغركم العدد الكبير من خريجي امريكا وغيرها او حتى الجامعات المحلية, لان اغلب الشركات تفضلكم على غيركم, لأن اللي يعمل المقابلة اغلبهم خريجي جامعة الملك فهد, ولذلك يفضل ياخذ خريجي جامعته
مع الاسف اغلب خريجي جامعة البترول يستحقر خريجي الجامعات الاخرى بالمملكة وبالاخص سعود وعبدالعزيز (ودايما يسمون خريجي هالجامعة بـ عزوز كـ نوع من الاستهزاء)
طبعا خريجي امريكا وغيرها من الدول يعتبرون الطلبة المرفهين والمدللين
لا كرفوا ولا تعبوا ولا سهروا ولا تغربوا, بل مدللين ومكافآت عالية وسفريات وتمشيات
هذا (نموذج) من اللي شفته من خريجي جامعة الملك فهد ومن الموظفين اللي تخرجوا من هالجامعة
في احدى المقابلات بيوم المهنة ولشركة غبية نسيت اسمها لكن ما يحضرني اسمها الان
كان يسال ويسال ويسال, وبالاخير قال بنظرة لئيمة (احنا اكتفينا امس من خريجي البترول)
طيب ليه تسوي لي المقابلة 
قال اول مره اسوي مقابلة لواحد متخرج من الستيت وابي اشوف مستواك كيف 
عموما انا استفدت من الاسئلة لاني كنت ابي اسوي براكتس للمقابلات واطقطق عليه 
احب أبشرك أخوي ب أن الأرزاق بيد الله يقسمها كيفما يشاء
و ب أن السوق متغير و المتغيرات تتطلب التغيير …
السوق مرة فوق مرة تحت … مافيه شي ثابت!
و بغض النظر من أي جامعة متخرج …
أنت الي تثبت نفسك في سوق العمل وتعطي صورة عن تعليمك وجامعتك!
وبالتالي نظرة مدراء الإدارات عن مخرجات الجامعة الفلانية ممكن تتغير من ايجابية الى سلبية او العكس! 
يا ما ناس تخرجوا من جامعات عادية وليست ذات صيت وتقلدوا أعلى المناصب 
وياما ناس تخرجوا من جامعة ذات صيت ولكنهم فشلوا قي اثبات ذواتهم في المنافسة في سوق العمل وبقوا مكانك راوح بعد سنوات من العمل … لأنهم معتمدين على سمعة الجامعة …
يقولك أنا خريج الجامعة الفلانية! 
طيب وش أبي فيك اذا انت خريج الجامعة الفلانية وما تشتغل زين او كسول؟!
وش تفيدني كلمة انك متخرج من جامعة X مثلا؟!
أنت اللي تثبت نفسك و تترقى مو جامعتك او من وين متخرج …
هذا مثل اللي يجي يتوظف يقولك وظفوني ترى انا من القبيلة الفلانية وووو …
شهادتك مجرد سلم توصل فيه للمقابلة وبعدها يبدأ الجد والعمل!
هذا رأيي و اللي شفته في سوق العمل خصوصاً القطاع الخاص …
بالتوفيق لك أخي وللجميع 
كلامك صحيح 100%
لكن الواقع هاليومين يقول العكس
واصابعك ماهي بسوى, فاكيد ان الموضوع فيه تفاوت
واغلب كلامي فوق صحيح (في افضلية لخريجي البترول)
مداخله بسيطة عالماشي…لاحظت اكثر اللي ماسكين مناصب بارامكو من خريجين kfupm 
محد بيقول فلان خريج البترول يعني فلان كفؤ
لا لا لا
بيقولون فلان كفؤ لانه خريج البترول
فانت خلك كفؤ وواثق من نفسك اعتمد على قدراتك ومهاراتك الي اكسبتها من البترول ولا تعتمد على اسم الجامعة, قوتك أنت أولا ثم قوة جامعتك ثانيا
وبالنسبة لخريجين أمريكا أول ما رجعوا كان لهم أفضليه بس حاليا مساكين ما عليهم طلب تشوهت سمعتهم كثير بسبب بعض المبتعثين الي اثبتوا عدم كفائتهم وضعف تحصيلهم العلمي.
اخوي ممكن تذكر اسم الجامعه والتخصص وكم رينج GPA 2-2.5 or 2.5 -3 or 3-3.5 لان
لان كل هذا يفرق
على سبيل المثال السنه الي طافت خرجين بترول تخصص بتروليم مراتب شرف قعدو فتره طويله بدون وظيفه !
ملاحظة جيدة
بس ترى مو بس ارامكو, حت سابك ومعادن وغيرهم
شوف يالغالي , تخيل نفسك رئيس شركه صار لها 10 الي 20 سنه
وطول الفتره الماضيه توظف طلاب البترول ونسبه كبيره منهم تنجح وبالمقابل طلاب اخرين من جامعات ثانيه نسبة كبيره تفشل
فا اكيد انه بيفضل طالب البترول لانه بالارقام هو الافضل …
نعم كلامك صحيح, لان كثرة الجامعات بامريكا الان اللي فيها الـ old papers
فتلقى الخريجين من هالجامعات حتى مخرجات اللغة عنده مش ولابد
شكرا على طرحك ، أعطيت دفعة معنوية
[quote=“penc1l”]
**اخوي ممكن تذكر اسم الجامعه والتخصص وكم رينج GPA 2-2.5 or 2.5 -3 or 3-3.5 لان
لان كل هذا يفرق
اسم الجامعة صعب اقوله لاني ما ابي انفضح 
, كثير من اللي كانوا معاي يتابعون المنتدى ولا ابيهم يعرفوني
لكن يكفي اقول لك انك كلية الهندسة فيها معروفة على مستوى امريكا
التخصص ME والمعدل بين الـ 3.4 و 3.6
على سبيل المثال السنه الي طافت خرجين بترول تخصص بتروليم مراتب شرف قعدو فتره طويله بدون وظيفه
لان الطلب على البتروليم مش مثل الميكانيك والالكتريك, وبعدين هذا مايعني ان حظهم طايح او ان الشركات ماتبيهم , بل لان رزقهم تاخر شوي بـــس :)**
نعم كلامك صحيح, لكن هذا الكلام بالماضي, لما كانت دراسة الهندسة بالجامعات السعودية الثانية بالعربي, فطبيعي الـ output تبعهم لا يقارن بخريجي البترول
العفو
وتطمن
الحين اللغة الانجليزية معتمدة ك لغة تدريس في الجامعات وخاصة الجامعات الناشئة …
أعضاء هيئة التدريس عدد كبير منهم من الاجانب الذين لغتهم الام أو المكتسبة هي الانجليزية
المخرجات تغيرت عن ذي قبل!
التنافس و السوق هو سيد الموقف …
يعني مادري من اللي اقنعكم بهالشي
طلاب البترول سابقا كانوا مفضلين ممكن وهذا اللي كنا نسمعه من الدكاترة
وان طلاب البترول يتخرج ومايقعد كم شهر الا وهو متوظف بس الحين اللي نشوفه في سوق العمل غير عن هالكلام فاللي نشوفه ان الفرص متساوية لطالب البترول وغيره
يعني تروح مقابلة تشوف اعداد اللي من الجامعات الثانية والتفضيل على اساس المعدل والسي في وهالامور
وعلى سالفة الغربة (ترى مو كل طلاب البترول من الشرقية) واما على سالفة الكرف مو احنا اللي نقول اللي ابتعثتهم الدولة وكانوا في البترول اللي يقولوا هالكلام
وسبق انفتح مثل هالموضوع وقلنا فيه ان اسم الجامعة لحاله مايسوي لك شي
اتفق معك