لا وازيدك من الشعر بيت…حتى في الشغل والانجاز والفهم والعطاء…تلاقي اللي من البترول دايم غير عن الي من غيرها…ويتفوق بعد على المهندسين اللي تجيبهم الشركة من برا…امريكان او بريطانين وغيرهم 
السبب الرئيسي والله اعلم غير قوه جامعه البترول انه اصلا اللي دخلوها هم صفوه طلاب المملكه (هذا مو معناته انه كل طلاب البترول ممتازين) لاكن نسبه كبيره منهم بغض النظر استفاد من تعليمه بالبترول ولا ماستفاد عنده ميزه التعلم السريع لان الشغل بالشركات ماهو بس تطبيق الشي اللي تعلمته بالجامعه
فهذا اللي يخلي الناس تفضل خريج البترول على البقيه بحكم انهم جربوهم بالشغل وشافوا انه حتى اللي معدلهم مو ذاك الزود برضوا كويسين والسر مثل ماقلت انه اصلا بالغالب ماقدر يدخل البترول الا انه انسان ذكي بالغالب
نجي لبقيه الجامعات والابتعاث الاستاندر للقبول عندهم اقل من البترول ممكن الفتره الاخيره بدوا يتشددوا
لاكن زي الابتعاث اتذكر 2008 كان التراكمي اقل شي 70 والبترول 79 مع ان البترول كان التراكمي حسبتها اشد من الابتعاث حاطه اغلبه على التحصيلي غير اللي طالع على حسابه وهو جايب العيد بالثانوي
اللي بوصله انه اي واحد تخرج من البترول غالبا يكون ادمي عنده نسبه ذكاء عاليه (اما الابتعاث في اللي مدحدر وفيه اللي ذكي جدا)
في مرحلة التوظيف فقط … يُنظر للجامعه …
في مجال العمل …
لايُنظر للشخص انه من الجامعه الفلانيه والعلانيه … بل يُنظر الى المامه وابداعه ب عملة …
لان طالب البترول تعود عالكرف والكرف والكرف والكرف
ما يعرف في حياته غير انه يكرف
هذا الكلام المفيد أخي 
اتفق معك بشدة
اشوف ان الطالب ما يفكر من هالناحية ابدا فما بالك انه يعتمد عليها
شد حيلك وحط في بالك ان ما بينفعك الا معدلك بعد توفيق الله
عشان ما تتفاجأ اذا تخرجت بمعدل عادي جدا ان الاولوية لغيرك لان معدله -ببساطة- اعلى منك
أنت وأياه في السعودية
الأفضلية والأولوية لأصحاب الواسطات وفيتامين و
ألا على أهل الواو تأتي الوظائف 
:
من خلال مشاهدة
الشرقيه تنحاز لطلاب البترول
الوسطى لطلاب سعود
الغربية عبدالعزيز
الباقي مدري عنهم
بصراحه قارنت خطتنا بخطة الملك سعود وانصدمت!
حقيقة ماأدري وش الفايدة من الموضوع ذا … كونك طالب في جامعة الملك فهد مايعني ان الشركات تفضلك على طلاب الجامعات الاخرى …
أنا من جامعة سعودية سبق اني اختبرت Assessment test مع طلاب من جامعة الملك فهد وجامعة الملك سعود …
اللي نجحوا ثلاثة انا من ضمنهم واربعة ماعدوا الاختبار …
واذكر ببداية دراستي بالجامعة درس معاي واحد من جامعة الملك فهد وعدا التحضيرية وتخصص في احد اقسام الهندسة , بعدين فصل ودرس عندنا لاسباب خاصة , كان اغلب طلاب دفعتي افضل منه مستوى , الشاهد انه ماذكر فرق بينا جامعتنا وجامعتكم الا اللغة الانجليزية فقط وكثرة التخصصات الهندسية , والا المقررات نفس بعض حتى وان اختلف اسم الكتاب او اسم المادة.
حقيقة ماذكرته في الاعلى ليس انقاص في جامعة البترول او طلابها بالعكس والله طلابها شرفوا المملكة باكثر من مناسبة وطوروا مهنة الهندسة في السعودية, لكن هو للتوضيح ولضرب امثله واقعية فقط.
كلام منطقي و واقعي
يااخوي كلامك مردود عليه الجامعات الكل فيها الخير والبركه لابنائها سواءا تخرجوا من جامعتك او من جامعه اخرى ولاتترك للاوهام تاخذك شوي وماتنام الليل …ولعلمك لاتبحث عن شخص علشان شهادته ابحث عن عقله وش ربي معطيه في سنة الحياه… بس انصحك لا تذكر اسمك لانه العقول الذكيه ماتبحث عن شخص عنده مثل هذه الافكار امس نبحث عن خروج الاجنبي واليوم هذا تفكيرك والمشكله تسميها انها افضل جامعة وانت تفكر في اخوك المواطن هذا التفكير. الله يرزقهم كلهم … اخوك راح جامعة الملك سعود تقدر تقول له هذا الكلام ماتحس انك نقصت في اخوك اللي هو من امك وابوك مثل ماتشوفه لاخوك… المواطن هم بعد اخوك انت تقدر بعدها تعيش بعدل وامان.
بالنسبة لتسمية عزوز بهالاسم … فالاسم مو طلاب جامعة البترول هم اللي مطلعينه … طلاب عزوز نفسهم هم اللي مطلعينه …
وبالنسبة للوظايف قبل أمس أرامكو كانت حاضرة في جامعة الملك سعود وتسوي مقابلات وشغالة توظيف …
كل شخص يفرض نفسه
والبترول مش مجرد انها عطته الاسم والشركات تدور على الاسم هذا
بل لان بيئة الجامعة من اصعب البيئات الدراسية في العالم وتخرج طلاب على درجات عالية من الكفاءة والتحمل
ولكن كل جامعة فيها الزين والشين والفرق فيها النسب تتراوح في كل جامعة
1 Like
وهذا اللي اقصده
طبعا مايسوي شي, تخرجك من هالجامعة مايعني انك راح تلقى وظيفة بسهولة, المعدل الان له دور كبير, ومؤهلاتك ومميزاتك ومهاراتك هي اللي راح تدعمك, لكن برضوا ارجع اقول ان خريجي البترول لهم الافضلية وذلك لان اغلب اللي يعمل المقابلات يكون من خريجيها
امممم, اللي اعرفه انك موظف بارامكو, يمكن اللي معاك مو فالحين 
فلا تحكم ع الجميع بارك الله فيك
احسنت وبارك الله فيك
احسنت, لكن تعليق بسيط, الوضع الحالي يُنظر الى المعدل اولاااااااااااااااااااا
ههههههههههههههههه
طيب
مكروف مكروف ما اختلفنا
لكن انا مادري انت قارنت طالب البترول بطلاب الجامعات السعودية او الجامعات اللي بالخارج او الجميع؟
على فكره انا خريج مُنذُ زمن يالحبيب, وموظف