والله انته صح صح صح 
لكن مثل منت عارف, الارزاق بيد الله سبحانه
الواسطات مووووجودة, وكل مالها وتزيد, والبلا ان الهنود برضوا صاروا يلعبون بالوظايف لعب
لكن تعرف لازم كم وظيفة تطلع لكم واحد يترزق منها, مايصير يعني احنا نبي 50 موظف وكلهم بالواسطة, لازم 10 او 15 نوظفه من غير واسطه علشان نكون منصفين يعني ومحد يصيدنا 
عموما, الارزاق بيد الله سبحانه, وصدقوني يا اخوان (لكل مجتهد نصيب), شد حيلة وثق وتوكل بالله سبحانه
مو بس الخطة طالع عمرك
الدكاترة لهم دور كبير برضوا, دكاترة البترول الافضل
بارك الله فيك, الواقع الان ان الشركات تنظر الى المعدل اولا ثم المؤهلات والجامعة, لكن مع الاسف لازال بعض اللي يوظفون لديه عنصرية لخريجي جامعته
الظاهر انك فاهم موضوع غلط
انا ما انقص من اي احد حاشا لله
انت تخرجت من اي جامعة مو مهم, الاهم كيف انت استفدت من تجربتك بالجامعة وكيف تعبت على نفسك ونميت مهاراتك, لكن الجامعة لها دور كبير بانها تنمي مهاراتك وتزرع فيك روح التحدي, علشان كذا (اغلب) خريجي البترول يختلفون عن سعود وعبدالعزيز, هذا مايعني ان خريجي الجامعات هذي اقل من خريج البترول, لكن خريج البترول كانت عنده عوامل ساعدته على التميز, وخريج الجامعات الاخرى يقدر يتميز على خريج البترول لو عرف كيف يشتغل على نفسه ويطورها
اختصار كلامي, خريج اي جامعة ممكن يثبت نفسه لو تعب على نفسه, لكن اختياره للجامعة المناسبة راح يساعده كثير بوقت الدراسة على التنمية والتطوير
جامعة الملك سعود او اي جامعة اخرى ممكن تكون فيها كليات متميزة عن غيرها من الجامعات, لكن المعروف عن البترول ان كلية الهندسة فيها هي الاميز بالمملكة, ويميزها دكاترتها وابحاثها
اتمنى اتضحت لك الفكرة 
يعني ارامكو تحضر بجامعات غير البترول! معلومة طيبة
والله يوفق الجميع
مشكور
المميز يفرض نفسه, بغض النظر عن اي جامعة متخرج
ايوى كذا
حركوا المنتدى شوي
حلو نتبادل الخبرات والتجارب ونشوف ونعرف تفكير بعض 
من كلامك يالغالي باين انك مقتنع بقدراتك الشخصيه ولو انك بالبترول كان عديت وصرت اونر وتميزت(الخ) و لانك مقتنع انه الجامعه الي انت كنت فيها كانت افضل واصعب من البترول وانك انظلمت في بعض الشركات لانها فضلت خريج بترول ؟ ,
Yep
حاليا بعد ردك , بخاطري اروح جامعتك وادرس فيها سمستر بس علشان اثبت انه طالب البترول لو توديه القمر بيأدي وبينجز احسن من اي طالب ثاني وعلى فكره مانب اونر , بس الي يميز طلاب البترول انهم يحبون التحدي ومستعدين ينكرفون الين ما يثبت انه الافضل , ونورت المنتدى …
اتمنى انه مايحسب ردي على انه تعصب للبترول لكن كلامي او رايي راح يكون مبني على وقائع وحقائق ( : متعوب عليها 
. انا ولله الحمد سويت مقابله مع ارامكو وسويت مع سابك وكنت في نقاش مع مسؤولين التوظيف في الشركتين , الي في ارامكو وضح لي ان عندهم عجز كبير هالسنه لانه كثير من الشياب تقاعدوا وعندهم حاجة كبيره للموظفين وهالفتره يسوون مقابلات بمكتب التوظيف الي بالظهران وقالي بالحرف الواحد ( اي طالب في البترول فوق 2.5 يعتبر كنز بالنسبه لنا ), اضف على هذا يوم رحت اسوي مقابله في سابك هذاك اليوم كان فيه 13 طالب 8 منهم من البترول والان سابك تسوي مقابلات في يوم المهنه ومسويه شراكه مع البترول , هذي بعض الاشياء الي تاكد كلامي . الان نجي للاهم وليه البترول لها هالمكانه البترول ياعزيزي اخر احصائيه من صحيفة التايمز جت في المركز 94 على مستوى العالم هذا غير انه مايدخلها الا نخبة طلاب المملكه لانهم يشرطون معدل تراكمي عالي , واغلب الطلاب الي يحققون ميداليات اولمبيه للرياضيات والفيزياء …الخ يكون من البترول وغير انطباع الجامعات الاخرى عن طلاب البترول في تجربة تبادل الطلاب واعرف شخص درس ترم في ام اي تي والان يطلبونه يكمل عندهم الماجستير كمنحه لانه مو اي طالب يجيب اي او اي بلس عندهم. وفوق هذا كله دكاترة البترول على مستوى عالي جدا واخر احصائيه ذكرها خالد السلطان بحفل التخرج انه 80% من براءات الاختراع على مستوى المملكه مسجله للبترول وتمثل 70% من براءات الاختراع على مستوى العرب.
في الختام اتمنى مايفهم ردي على انه تحيز للبترول لكن هذا من باب اعطاء كل ذي حق حقه اكيد ماننكر ان الجامعات الاخرى على مستوى عالي وانه فيه كفاءات سعوديه لكن اصابع اليدين ماهم سوا يضل فيه اول وثاني وثالث
دمتـــــــــــــم بـــــــــــــــــــود
كنت متوقع ردك هذا
ولو درست بجامعتي راح تبدع وتكون اونر لو كانت عندك هالعزيمة ما شاء الله
نعم اغلبكم مجتهد ومميز, ولكن ليس الجميع
المنتدى منور بوجودك ياغالي مشكور
ميكانيكي وهلالي بعد, يابعد تسبدي انت
أبداً كلامك ما فيه تحيز او تعصب, نعم طلاب البترول طلاب متميزين ومكافحين, وهذا مو من طموحهم فقط, بل لأنهم في جامعة متميزة تصقل مواهبهم فيها
لكن خلينا نوقف شوي على خريج البترول اللي معدله 2.5 مثل ما قال لك موظف ارامكو (وعلى فكرة انا اعرف ناس معدلهم اقل من خريجي البترول ودخل ارامكو), هل من الانصاف انه يفضله على خريج جامعة من الجامعات الخارجية (خلينا نقول المتوسطة مو شرط تكون من التوب 100 يعني) ومعدله فوق الـ 3؟
أنا هذا قصدي من هالموضوع, ليه التحيز هذا!!؟ 
انا ماني ضد ان خريجي البترول يحصلون على فرص اكبر بالوظايف اذا انه متخرج بمعدل طيب وعنده مؤهلات غير انه خريج من هالجامعة, لكن مثل النقطة اعلاه هذا اللي مالقيت له جواب!
انتوا كويسين وحنا كويسين
خلاص صفر الحكم انتهت المباراة
خطتهم قوية هذا المقصد
مع احترامي الشديد لك يا صاحب الموضوع، لكن موضوعك قد ينظر له على انه استفزازي من قبل فئتين:
- طلاب وخريجي الجامعات الاخرى (غير جامعة البترول).
- خريجي البترول اللي تخرجو ولا حصلو وظايف، او حصلوها بعد عناء طويل.
“بل لان بيئة الجامعة من اصعب البيئات الدراسية في العالم”
لا يا اخ, ليست من اصعب البييئات الدراسية في العالم. صعبه مقارنة بالجامعات السعوديه الاخرى في مجال الهندسة. بس العالم دي I don’t think it even comes close.
انا درست وتخرجت من البترول وحالياً ادرس في امريكا وعلى وشك تخرج ان شاء الله …
بصراحة انا ما ألوم جهات التوظيف لو صارت متحيزة لخريجين او جامعات معينة، أنا أشوف العالم هنا و الكثير منهم يدرسون في جامعات “الله بالخير” لكن بالمقابل اعرف ناس في كليات متميزة في الجامعة وهم متميزين لكنهم قلة. الغالبية العظمى تحصلهم متكدسين في جامعات معينة وشغلهم كله اختبارات سابقة واحفظ و أمش. لدرجة اني اعرف ناس تخصصهم تسويق ويدرسون هندسة و شغلهم كله شيلني واشيلك ويتخرجون في الاخير. والله اني اعرف ناس لهم 3 سنوات واللي له سنتين لغتهم اقل من المستوى المطلوب (لغته مثل الخريج العادي من البترول وهذا يعتبر ضعف لانه في بيئة افضل لتعلم اللغة) و تحصله ما يشارك ابدا في الكلاس لكنه يحفظ من الاختبارات القديمة.
اعطيكم مثال على الجامعات اللي " الله بالخير" ، توجد جامعة قريبه من مدينتي، بعض الكلاسات فيها نسبة السعوديين فيها 100%… هذا مثال على جامعة تجارية بحته 100%
تجربتي في العمل قد تعطيكم تصور عن خريجين البترول … أنا اعمل في جهة حكوميه، اداراتي فيها عدد كبير من الموظفين وكلهم ماجستير ودكتوراه، السواد الاعظم من الاشخاص المتميزين في العمل واللي تعتمد عليهم الادارة كثير و الذين يشار لهم بالبنان هم اشخاص تخرجوا من البترول.
كلامي هذا لا يعني ان خريجي البترول جميعهم متميزين لكن سوق العمل لا يحب المخاطرة ، كون الطالب متخرج من جامعة يعرفها الجميع يعطي الشركة ارتياح اكثير وضمان للمتقدم المتخرج من جامعة معروفة اكثر من غيره…
دكاترة البترول أفضل اختلف معك تخصص الهندسة الكيميائية في جامعة الملك سعود فقط عندهم حول 13 براءة اختراع ومن أكفى الدكاترة وحاصلين على وسام الملك عبدالعزيز ومن الناس الاوائل الذين عملوا بحوث على راس الخير ولهم الفضل بعد الله في استغلال تلك الاراضي الغنية
الصراحة كل شخص مدح في الجامعة وهو من خريجيها شهادته لا يعتد بها لو نتكلم بشكل موضوعي ومحايد لأن أي انسان طبيعي راح يكون عنده شيء من التحيز للجامعة اللي تخرج منها واللي أمضى فيها خمس سنوات من عمره تقريباً وخصوصا لو كان معدله لا بأس به. ولذلك المفترض ان المديح والإطراء يكون من شخص محايد وبناءً على معطيات كاملة قد لا تتوفر للجميع.
هذا لا يقلل من قيمة جامعة الفهد وهي غنية عن التعريف لكن في نفس الوقت لايكون اسم الجامعة هو المعيار ولا حتى المعدل بل الانتاجية في سوق العمل وهذي تتطلب مقومات معيّنة من ضمنها وربما من أهمها المعدل لكننا نعلم أن فيه أشخاص يتخرجون بمعدلات عالية ويجدون صعوبة في التوظيف بسبب عدم امتلاكهم مقومات أخرى مطلوبة حتى تكون منتج في سوق العمل (مثل مهارات العمل الجماعي والتواصل والقدرة على العمل دون توجيه…الخ).
في كل الأحوال، الميدان ياحميدان وكل واحد يثبت نفسه في مكان عمله.