https://5.top4top.net/p_1307wdlbg1.png
بإذن الله لن يبقى مهندس سعودي عاطل في خلال أقل من سنة
الله يوفقنا جميعاً
لاتصدق كل مايقال
8 Likes
انترستنج
ما أقول إلا الحمدلله إني لحقت على عمري وقدمت على العسكرية…
4 Likes
التغريدة قبل سنة
قرار ممتاز
هههههههههههههههه
ولا صار شيء , وهيئة المهندسين متكين فيذا
م اقول الا الحمد لله عسكرناها وخلصنا وتزوجنا ولحقنا على اعمارنا
هذا مثل الكادر الهندسي حقهم لهم 40 سنه يلحقون وراه مثل السراب
تقول لي رفع نسبه التوطين في مهن الهندسه ماودي اقول كلمه قويه بصراحه
اقول خليه يشوف بس منصه مؤهل مهندسين سعوديين عاطلين خبرات فوق 5 سنوات الى 10 سنوات = )
اللي يتوقع يرفعون نسب توطين الهندسه او يسعودوها مثل اللي ينتظر الفيل يطير فوووق وسلامه فهمكم
2 Likes
انا عمري فوق ثلاثين وقدمت على الامن البيئي بالتقديم الاخير وكل الشروط كانت منطبقة علي الطول و الوزن والحالة الصحية لكن فرق معي العمر بكم شهر فقط ورفض السيستم اني اخذ رقم طلب
ما كنت اتوقع اني ابصير اقدم على العسكرية ويرفضوني هههههههههههههه
عجيبة هالحياة
التجنيد الموحد وزاره الدفاع يقبلون الى عمر 40 سنه
تابعهم كل فتره ينزلون دورات عسكريه
1 Like
كل عام وانت بخير
وكيل رقيب ؟ وش الرتبة بالله
اي نعم من رتبه جندي الى رقيب
وراح يحطونك بـ : انت وحظك
- القوات البرية الملكية السعودية
- قوات الدفاع الجوي الملكي السعودي
- القوات الجوية الملكية السعودية
- القوات البحرية الملكية السعودية
- قوة الصواريخ الاستراتيجية الملكية السعودية
- الإدارة العامة للخدمات الطبية للقوات المسلحة
1 Like
بعد اذن اخوي الغالي
بس انا السنة اللي راحت قدمت عليها بس يوم جاتني وزارة الدفاع ضباط سحبت عليها
طريقة التقديم انت تدخل موقعهم وتحط بياناتك تخصصك وجامعتك ومعدلك الخ
وعلى حسب تخصصك يشوفون الوظايف اللي تناسبك
انا قدمت بشهادة جامعة تخصص هندسة ميكانيكية
فتحو لي وظيفتين:- 1)فني صواريخ رتبة رقيب في قوة الصواريخ الاستراتيجية 2)مركز ومدرسة سلاح المهندسين بالقوات البرية رتبة رقيب
وانت ترتبها على حسب رغباتك وهم بعدين عاد يحطونك
المهم انهم حطو لي اوراق بموقعهم قالو لي حملها واطبعها وعبيها وخل العمدة الشرطة الخ يوقعون ويختمون عليها وبعدين تحجز موعد من موقعهم باقرب مركز تجنيد بالنسبة اليك وتروح له تكمل اجراءاتك طول ورن فحص مقابلة الخ وبعدها تطلع النتايج … بالنسبة لي انا من مكة كان اقرب مركز لي جدة وكنت بروح له بس زي ماقلت لك سحبت
اعرف واحد قدم عليها وهو تخصصه هندسة محركات ومركبات من جامعة في استراليا وما قبلوه في وزارة الدفاع وراح لهم قبلوه في قوة الصواريخ رتبة رقيب واول ما بدا الدورة بعد اسبوع جت كورونا وقالو لهم خلاص روحو ارجعو لاهلكم وبعدين نتواصل معكم ولحد الان ما رجع يكمل الدورة
والله يوفقك وانا اخوك ويكتب لك الخير ويفتحها وجهك يارب العالمين
1 Like
منجدكم لتدخلوا عسكرية
طيب اللي درستوه خلاص راح ترموه في سلة المهملات
1 Like
راح اجاوبك بسؤال، ودور على جوابك من خلاله
انت ليه جايب الشهادة؟
هل عشان راتب ممتاز ودوام مريح وامان وظييفي؟
او
راتب ممكن يكون ضعيف بالبداية ودوام شاق ومافيه اي امان وظيفي
العسكرية راتب ممتاز اذا دخلت بشهادتك وراحة في الدوام وامان وظيفي واستقرار معيشي يعني خلاص تأمن حياتك ومستقبل عيالك مب مثل الشركات مهما كنت خارق، ربما يجي يوم ويقولون لك توكل على الله واتوقع في هذي الازمة صارت لناس كثير بوظائف مرموقه
وعموماً كل واحد يعرف مصلحة نفسه
اعقلها وتوكل
3 Likes
والله انا بصراحة ما دخلت الهندسة الا عشان احصل وظيفة فيها راتب ممتاز يعيشني حياة كريمة وبعد ما خلصت الهندسة ما لقيت وظيفة افضل من العسكرية كراتب وكراحة وكأمان وظيفي
وش تبيني اسوي اروح شركة اتمرمط ب5 الاف ولا 6 الاف لين اجيب خبرة بعد كم سنة؟ طيب لو جبت خبرة كم بيصير راتبي؟20 الف؟ تلقى الضابط خلال هذه السنوات ترقى نقيب وصار راتبه 21 الف وعنده وقت فراغ كبير بدوامه ممكن يفك بزنس وحتى لو مافك بزنس على الاقل مرتاح مقارنة معي وبنفس الوقت راتبه حلو
قل معي حتى لو شركة 8 الاف … ان شاءالله انها ارامكو اللي تعطيك اول راتب 13 الف
انا ضابط ملازم اول مهندس اول راتب لي 16800 وبعض القطاعات اعلى يوصل 17 الف و 20 الف
وش تبيني ادور في الشركات اللي مافيها الا الشقى والكرف ولا فيه امان وظيفي … بينما انا عسكري مستحيل احد يفصلني وبالنسبة للدوام مافيه اي تعب من 7 الى 12 والشركات من 7 الى 4
ويرحم امك لا تقلي الكلام القديم ان العسكرية نظامها وصخ وفيها اوامر واي واحد رتبته اعلى منك راح يتامر عليك… والله ان الشركات اوصخ على الاقل بالعسكرية ما يجيني اجنبي حاقد هندي الخ ويقعد يتامر علي ويستهزي بي انما يجيني واحد سعودي زيي ويكون ضابط معاه رتبة ملكية اكبر مني وتبي الصدق الاوامر هذه شي طبيعي بالحياة وبجميع الاعمال ماهي موجودة فقط بالعسكرية… الطبيب المقيم تجد الطبيب الاستشاري يتامر عليه انا امس جالس مع طبيب يدرس الزمالة يشتكي لي من باكستاني يظلمه في جدول المناوبات بالمستشفى واذا تاخر عن الدوام يجي ينافخ عليه وينقص تقييمه وهو في مستشفى حكومي والله … وكذلك الطبيب مع طاقم التمريض
والمعلم تجد مدير المدرسة يتحكم فيه وفي جدوله ويحط له حصص سابعة وحصص كثيرة يوم الخميس ويزعل منه وتجي مهاوشات وتتش ماهو طبيعي
الاوامر والتسلسل القيادي شي طبيعي بالحياة في العسكرية وغيرها
اما من ناحية التطوير وتقلي العسكرية تدفنك والشركات تطورك… ياعزيزي العسكرية بالذات في وزارة الدفاع اول ما تتوظف لازم تاهيل علمي باللغة الانجليزية وفي تخصص معين بالعسكرية سواء للضباط او الافراد … الشركات على العكس باستثناء الشركات الكبيرة اللي نادرا تلقى فرصة فيها… ما ودهم يصرفون عليك ريال واحد في دورة او في غيره … هم اساسا خايفين يوظفون الناس عندهم ويعلمونهم عمل الشركة خلال اشهر يعطونهم فيها راتب خايفين انهم بعدها يروحون شركة ثانية وانهم خسرو عليهم فلوس وما استمرو معهم وانت تبيهم يعطونك دورة
اما اذا قصدك خبرة عملية … وانك انت كمهندس تعتبر ثروة وتحب تخصصك وفرطت بنفسك يوم دخلت العسكرية
اقلك بكل اختصار تخصص ما يوكلك عيش لعنبوه من تخصص والله مستعد اضحي فيه ولا عندي اي مشكلة
1 Like
اخوي و حبيبي مهران
مقدر وضعك و وضع الكثيرين و انا معكم في نفس القارب
لكن بالنهاية كل واحد و ظروفه
حتى العسكرية فيه ناس ما يقدرون يدخلونها باسباب صحية او اسريه او الفيتامين حقه ضعيف هههههههه
بالنهاية كل واحد بينام عالجنب اللي يريحه و العسكرية مو فاتحه الباب لكل من هب و دب عشان اقول اتركو عنكم القطاع الخاص
و تعالو للعسكرية .
اتمنى نكون فالمنتدى متفائلين حتى لو الوضع سيء نفكر كيف نكون يد وحده كيف نساعد بعض
مو نجلس نتهاوش مثل ما اشوف في بعض المواضيع جامعتي احسن من جامعتك
نقاشات تذكرني فايام الابتدائي سيارة ابوي احسن من سيارة ابوك
بينما لو ننظر للجنسية الهندية كمثال اختلافات بالدين واللغه هذا مسلم و ذاك مسيحي و بوذي لكن تجدهم يد وحده و يضبطون بعضهم
بينما اجد بعض السعوديين للاسف يختلفون على اشياء تافهه سواء هنا فالمنتدى او في الشركات
العسكرية مفتوحة للجميع ما تحتاج فيتامين الا لرتبة ضابط او في حال كان عندك مشاكل صحية فقط
والله يلعن ابو الهندسة
2 Likes
بالتوفيق للجميع …
وقبل كل شيء انت اختار المجال اللي تحبه والوظيفة اللي ترتاح لها وهذا شيء راجع لك سواء مدني او عسكري او اي شيء اخر … رغبتك وراحتك هي رقم 1 .
بالنسبة للعسكرية جدا ممتازة بالاخص اذا الكلية الامنية ضابط …
كل شيء له مميزات وله عيوب مثلا عيوب العسكرية .
عدم السفر للخارج … عدم الزواج من اجنبية … عدم اختيار المكان … تقاعد سيء
بالمقابل راتب عالي وامان وظيفي وهيبة وراحة .
العكسرية القبول ليس بالامر السهل بالاخص الضباط لانهم يقبلوا كل سنة عدد قليل ( معروف لمن ) في ظل عدد ضخم جدا من المتقدمين بالاضافة لعدد من الشروط وانت وحظك لو انت قصير انسى لو انت نحيف او سمين زيادة انسى … فهي حظ وتوفيق من الله … العدد الضخم للجنود فقط ومعروف ايش وضعهم والذل .
طبعا بلا شك راتب العسكري اعلى بكثير من الحكومي المدني او الشركات .
السبب ان اغلب الراتب البدلات وربما بعد التقاعد لايبقى الا الاساسي .
نعم راتب النقيب يوصل 21 الف …
حتى راتب موظف الشركات يوصل بسهولة اذا كان superintendent او Manager راتب جدا عالي .
بالتوفيق للجميع يارب والعسكرية خيار ممتاز وخدمة للدين والوطن …