يعني واحد مثلاً…جاي بأمان الله…يصرف احد المكافئات لأحد الأشهر…
وأعطى الموظف الشيك ومع البطاقة الجامعية…
ولكن تفاجأ من الموظف بأنه يعيد الشيك له…ويطلب منه معلومات شخصية عنه ويكتبها في خلف الشيك…وفعلا الأخ نفذ الطلب وكتب بعض المعلومات…وسلم الشيك…وأيضا مره أخرى…رجع له الشيك طالبا فيه الموظف كتابة معلومات اكثر وأدق…والطالب أكثر من المعلومات…وقدم الشيك مره ثالثه…ولكن نفس الشي من الموظف…طالبه بمعلومات ادق وأكثر…لدرجة انه الطالب مل منه…وسأله عن المعلومات اللي يريدها…وجاوبه الموظف:وبكل برود مدري…
اكتب معلومات تقنعني …
وانتهى به المطاف…لأن كتب اسم الحي واسم الشارع ورقم البيت(وليس التليفون)هذا غير أرقام التليفونات الثابته والمتحركه…وووووو الخ…
هل لهذه الدرجه المعلومات هذه مهمه لإستلام المكافأه؟؟
ليش كل يوم عن يوم تزيد الصعوبة والتعقيد في بعض المؤسسات والبنوك؟؟
يعني معقوله مايقدر الموظف من الرقم الجامعي يجيب كافة معلومات الطالب؟؟
هل لازم اكتب قصة حياتي خلف الشيك…عشان يقتنع حضرته بأني طالب ومواطن وأسكن في هذه البلد؟؟…(والله اخاف يخلص المكان الفاضي خلف الشيك…ويطالبني بإضافة ورقة وعليها القصة كاملة…وربما أألف له كتاب عن قصة حياتي التعيسه…|3|
أنا صراحة وبالنسبة لي…دايما اصرف المكافأة في فرع الدمام…لعدم الإزدحام وعدم التعقيد…
فعلا هذا البنك من اسوأالبنوك على وجه الأرض ولن اذكر سلبياته لأنها على ماأعتقد معروفه لدى جميع الطلاب…
لكن انا حبيت اعرف ليش ادارة الجامعة اصلاً تخلينا نطر التعامل مع هذا البنك , ليه مايكون لكل طالب حساب خاص فيه تنزل عليه المكافئة مباشرة دون الرجوع الى الموظفين وانتظار الدور اذا كان يوجد زحمة وفي ايام الأجازه اذا كنت من بره الشرقية تتعب عشان يجيك الشيك هذا اذا جاك اصلا ومن المعروف انه النسبة الأكبر من الطلاب من خارج الشرقية
انا متأكد انه هذا الموضوع مر على ادارة الجامعة من قبل بس ماأعرف ليش الا الأن مانفذ هذا المشروع (والله مشروع ممتاز جدا وبريحنا كلنا).
ياسيدي هما بس طالبات جامعة الملك فيصل
كذلك جامعة ام القرى وجامعة الملك عبدالعزيزومادري اذا في جامعات اخرى
عشان كده انا ماأعتقد انه ادارة الجامعه مامر عليها موضوع بهذي الأهمية وبهذي الفائدة
بس الأدارة (على ماأعتقد)انها رافضه الموضوع من اساسه بدون الخوض في فوائده , ليش؟ الله اعلم
أخي عبدالله…
أتمنى من المسؤولين أخذ هذا الموضوع على محمل الجديه…وإذا كانت هناك طريقة لتوصيل هذه الرسالة إلى أحد المسؤولين بهذا الشأن…فاليتفضل به مشكوراً…
نجن بأذن الله لازم نقنع ادارة الجامعه ان المكافأه تنزل في حساب الطالب على طول لان النظام هذا مطبق في سعود وما ادري عن بقية الجامعات
هي المسأله من الكماليات وليست من الضروريات ولكن اذا كان تطبيقها سهل فزيادة الخير بركه
انا المعلومات اللي لازم اكتبها على ظهر الشيك حافظها حفظ على لايجيني واحد لسانه طويل ويتفلسف علي لكن للاسف كل ما اروح اصرف الشيك يطلبوا معلومه جديده ويقوللي الموظف ( انت اول مره في حياتك تصرف شيك؟!)
الاخوة الاحباب
تبعا لكلام عميد شؤون عميد الطلاب والذي سمعته منه اثناء لقاء مفتوح مع الطلاب الفصل الماضي وقد اكد لي اكثر من واحد هذا الكلام
الجامعة ليست عاجزة عن هذه العملية ولكن مربض الفرس ان عددا من الطلاب لا يكلف نفسه عناء صرف الشيك و بالتالي تعود قيمته الى صندوق الطلاب. وحسب الكلام ان هذه المبالغ المرتجعة من اكبر الروافد لصندوق الطلاب (العشرة ما تسوي شي جنبها) واذكك انه اعطانا الارقام ولكني نسيتها ولن اذكر تخمينا
وكما تعلمون ان صندوق الطلاب وان كان البعض غير راض عنه الا انه يقدم خدمات جليله ومن اهمها السكن الجدبد الذي يمول من ميزانية الصندوق
ادري ان في ناس بيقولو احنا مالنا ومال السكن الجديد طالما لن نستفيد منه، اقول: بلاشي الواحد يفكر تحت رجوله بس ياخي فكر في الجامعة والامة ككل
نتمنى من العمادة الخروج بآلية تحقق رغبة جميع الاطراف، وبالمناسبة اللي يمديه يصبر على الشيل 3 او 4 ايام يجرب الايداع عن طريق الصراف ترا جدا ممتاز وانا عن نفسي نادرا ما اصرف الشيك مباشرة ، حتى لو كنت تتعامل مع غير بنك الرياض يمكنك تودع الشيك في الصراف على الاقل انا متأكد من الراجحي والاهلي
اذا فكرنا بهذا التفكير صدقني ياأخ (نفس تواقة) عمرنا ماراح نطور , يعني مانقدر نقدم خدمات للجامعة الا بهذي الطريقة الخطأ,كل شي بالتخطيط السليم ينحل,
نبني الجامعة على فلوس هي اصلا ماهي من حق الجامعة يعني كأنو الجامعة تستنى هذي الأخطاء من الطلاب (الي ينسو شيكاتهم اقصد)عشان تقدم خدمات للطلاب
في رأي (ورأيي يحتمل الخطأ والصواب) انه هذي الطريقة فيها نوع من الأستغلالية للطلاب والي لايمكن انها تصدر من ادارة جامعتنا.
وعلى العموم نحتاج انه طلاب اكثلر يتكلمو في هذا الموضوع عشان نوصل لحل يرضي جميع الأطراف(ترى الموضوع يستاهل ).
انا رحت اصرف شيك والله كأني مقدم على قرض اسمي وصندوق البريد والرمز البريدي ووين ساكن ورقم السجل المدني والتوقيع لاحوووول ولاقوة الا بالله حتى لازم بترتيب معين
اليوم رحت اخذت بقية الشيكات القديمة والله ياخوان كأني قاعد اسرق
في موظف عند الشباك((شاب)) قلت له ابغى شيكاتي القديمة وراح بالفعل يجيبها بعدين جا الموظف الثاني ((كبير شوي في السن)) عند طلاب يطلبون شيكاتهم القديمة قل لهم تجون بعد 4 أيام ليييش عااااد اربع ايام والشيكات عندك؟؟؟؟؟؟؟؟؟؟؟
المهم ماكمل كلامه الا وشيكاتي القديمة طلعت مسكين الموظف المعقد ذاك أحسه في موقف صعب
وطبعا الطلاب قدام عيونهم شايفين شيكاتي طالعة ومادري عاد طالبوا في شيكاتهم والا لأ
المهم هذا مثال على البروقراطية المقيته الموجودة في بعض الامكان في الجامعة
اخ فيصل: نفس الشئ حصل معاي … انا كنت اجمع 3 شيكات مع بعض و اصرفها لكن بعد المماطله من المسؤولين … صرت اخذ الشيك من الساعه 8 الصبح … اول واحد على الدريشه … كأني اطر فلوس ما اخذ حقي من عندهم …
يا حبايب
من غير مضاربة
كلنا نتمنى تسهيل الاجراءات في وجه الطالب المسكين،
ترى موجود فعلا من زملائنا اللي ما ياخذو شيكاتهم لأنه ابن فلان او علان وما يبغا يوقف في السرا عشان الف ناقصة عشرة
ارجع واقول صندوق الطلاب على علاته بيقدم خدمات طيبه،
كاقتراح ايجابي لو تكون الية بحيث انه يتطلب فتح حساب في بنك الرياض وتعبئة استمارة معينة لدى المحاسبة للراغبين في التحويل المباشر
حيستفيد الطالب الحريص واللي ما رضي يصف بالسرا عشان يستلم الشيك اتوقع انه كمان ما حيرضى يروح يفتح حساب في بنك الرياض ويعبي استمارة في المحاسبة …
و لا احد يحسب من كلامي اني متحيز لفكرة العمادة لكنى حبيت اطرح اللي اعرفه عن الموضوع
واتمنى فعلا اننا نفتك من زحمة بنك الرياض وقلق موظفيه
وسلامتكم
فتح حساب ببنك الرياض اعتبره خطير و خاصه اذا عرفنا ان البنك معطي قرض (اعتقد لروسيا … ما اذكر بالضبط) و اللي ماخذ القرض ماهو قادر يسدد و نعرف ان الحكومه هي المسؤوله عن البنك … فاذا رفعت الحكومه يدها عن البنك … فاعرف انك ياصاحب الحساب بالبنك … راح تضيع فلوسك بسبب اعلان افلاس البنك
اي شخص يقدر يفتح حساب عند اي بنك يضمن ان فلوسه راح تكون بالحفظ و الصون
هذا شيك رسمي … و الشيك الرسمي يتم التأكد من هويه حامله بموجب بطاقه تعريف سواء بطاقه الجامعه او بطاقه الاحوال و اي معلومات زياده يطلبونها منا انا اعتبرها استخفاف في مصداقيتنا او مصداقيه بطاقه الجامعه او على الاقل تعسف بدون مبرر الغرض منه تأخير صرف الشيك اكبر وقت ممكن مما يعني زياده العوائد من بقاء المبلغ في حساب البنك …
و اي واحد من المسؤولين في الجامعه يعرف انه كل ما بقت الشيكات في البنك كلما استفاد البنك …
و الي وده يتأكد يسأل عن الوقت الي بين نزول الفلوس في حساب المكافأت في بنك الرياض و توزيع الشيكات …
و اتحدى اي واحد يقدر يفسر لي ليه ما تنزل لنا الشيكات في نفس اليوم الي تنزل فيه الفلوس في حساب المكافأت في البنك و مين المستفيد من السيوله هذي خلال هذي المده …
اذا كانوا يحسبون اننا اغبياء لهذي الدرجه فهذي مصيبه والله … و اذا كانوا عارفين اننا ما حنا اغبياء لهذي الدرجه اذن هم يضحكون على مين
------------------------
و اللبيب بالإشارة يفهم مرة ثانيه
).
