والله حمستوووووني حييييييييل لأول يوم
الله يعينا بس
ههههههههههههههههههههههههههه What a small world
انا كنت بالسكشن حق الستدي سكلز ودخل علينا واحد متاخر وجلس يتريق عليه الدكتور … بس كان يمزح معك يالغلا 
اسم الدكتور الزعبي …
…
بالنسبة لي اول يوم كان غريب عجيب … كنت احس اني راح ارجع لبيتنا نهاية الدوام ( بيتنا في القصيم )
يعني ماحسيت بغربه او وحشه … الغربه مااشتغلت معي الا يوم بقى ع الاجازه حقت الحج اسبوع
اول يوم جيت دخلونا مبنى 54 و عطونا اوراقنا : البطاقة الجامعية والرقم حق صندوق البريد و وخلونا نزبط الرقم السري للايميل والنت …
وبعدها محاضره ارشادية … وبعدين مشونا بطابور وقالوا كل روميت مع روميته … وانا كنت مع خوي لي يدرس معي من المتوسطه … المهم وصلنا لصندوق "زي الي بالمسابقات اسحب واربح " قالوا لنا “انا وروميتي مستقبلا” اسحبوا غرفه … قلت لخويي اسحب انت ياشنب انا حظي وصلني الي الجامعه وخلاص … " خلص " سحب خويي وطلعت غرفه في عمارة 34 وكانت جديده وحنا اول من بيسكن فيها … المهم بعدها قالوا يالله ع الباص نوصلكم للمواقف الي عند العماير … المهم هنا انا جيت بركب الباص الكبير … وكانت اول مره اركب الباص هذا الي يسمونه "الحافلة " الاصفر … وازلق يالغالي لان نعلتي اكرمك الله وطى عليها الي وراي … واطيح على وجهي ويدخل العقال تحت كرسي السواق 
طبعا وصلت لمرحه الاحراج الغير محرج من شدة الاحراج << ^___^ … غير الي يضحكون وراي وقدامي 
المهم رجعونا ودخلت عمارة 33 بالغلط حسبتها 34 وادربي راسي لين وصلت للغرفه حقتي والقاها مفتوحه … استغربت قلت يمكن روميتي وصل قبلي "لانه ركب باص ثاني " واخش انا وشنطتي ولقيت اثنين منسدحين كل واحد بسريره وباين من شكلهم انهم اوريات مثلي
قلت ياشباب ترا هذي غرفتي انا وروميتي … جا واحد منهم قال : متاكد يالاخو … قلت : ايه
قلت : الظاهر انكم مخربطين الغرف … ( طبعا من حسن حظي انهم ماقالو لي جرب المفتاح … )
يمكن مع الروعه ارتبكوا … قال واحد منهم بنزل للسيارة اجيب الورقه حقت الغرفه اتاكد …
المهم واجلس مع روميته وكاني انا راعي المكان وهو الي غلطان << بجاحه
شوي ويدق علي روميتي … قالي : وينك ؟ قلت : بالغرفه … قال : اي غرفه انا بالغرفه الحين 
… !!
قلت متاكد … ؟ … قال : هه !! وش بلاك انت ؟
المهم عرفت هنا اني غلطان وصار وجهي صغيييييير
واطلع من الغرفه وقلت لراعيها ابشوف خويك وراه تاخر علينا !!
وافقع الي غرفتي بـ 34 ولا من درى ولا من شاف
ولا عاد شفتهم (حقين عمارة 33 ) بعدها لا بالاوريا ولا بالجبل … الله يستر عليهم مدري وش صار بهم
وانااااام ذيك النومه الي ماقمت الا من ثاني يوم
انا الحمدلله اول يوم ماكنت لاا خايف ولاا شي…لأن الله رزقني بـ أ.بسام العبسي و أ.عبدالعزيز الأسود…
بصراحة رفعوا همتي حييل وحمسونا …
لكن فقط شيئين ضليت أتأمل فيهم…
أول ماطلعت من مبنى الماث واذا أشوف السيل الغثير اللي جاي من مبنى الاوريا…ألحين صج حسيت اني في جامعة…تشوف الاوادم تروح وتجي…
والمنظر الثاني هو لمن تشوف مدرسين الانقلش…حسيت روحي اني جالس في وسط "فلم امريكي 
"
…طبعا بعد مادخلنا كلااس الانقلش خوينا الله يذكره بالخير mr.Tom يتكلم ويهرج وانا ماادري عن الطبخة…
والقهر اذا شفت واحد من الطلااب ياخذ ويعطي معاه…ودك تتوطا في بطن الطالب^^…
عااد المدرس يقول لااتجي العصر الا وبطاقتك معاك…
ولسوء الحظ اني نسيتها…وما ذكرت الاا قبل لاايبدي الكلااس بشوي…
ياهوو غيمت الدنيا بوجهي…ضليت أدعي وأدعي…ياارب مايفتش يارب ما يسأل…خخ>>>لااتلوموني اوريا…
بالنهاية اكتشفت ان البطاقة اهي وقلتها في الكلااس…أحسن مافيها انك تحطها على قفل الباب ويصير لون القفل أحمر>>تحس بالتكنلوجيا…^^
::
عارف انه كان يهرج بس المشكله تعرف بعدنا فريش أوريا يعني خجولين 
وكل شي يأثر فينا هههههه
هههههه:D والله نفس الحال أول مره لاكن أشوف واحد يتكلم انجليزي بدون ما تطلع ترجمه تحت ههههههه
الحمد لله ماكنت معاي
كنت عامل فيها توم كروز في الكلاس وكل ما سئل الدكتور شي نطيت في حلقه وأنا من جنبها في الانجليزي ههههه
اسم الدكتور الزعبي …
يووهـ يا ايام الاوريـا , هذا الدكتور درسني ستدي سكلز قبل سنتين
يا حظ اللي بيدرس عندهـ , كانت ساعتين ولا اروع
الله يذكرهـ بالخير
, ترا أصدقاءك في الاوريا … هم اصدقاءك في الجامعـهـ ,
^^^^
صدقت يالغلا … واذكر انه قالنا قوموا وكل واحد يتعرف على زملائة بالفصل وخلانا نحفظ اسماء بعض … والصراحه طريقته هذي ساعدتني اني اكون صداقات مع جميع طلاب السكشن بلا استثنا
وصح لسانك يوم قلت أصدقاءك في الاوريا … هم اصدقاءك في الجامعـهـ
والاصح بعد … اصدقاءك في اول ترم من الاوريا
يؤؤؤؤؤؤؤؤؤه راحت عليها سنتين
كانت اول محاضره انجلش وادخل للمحاضره من بدري واجلس باول كرسي
المهم
بدى يتكلم ابو الشباب واخوكم فالله ماهو داري عن شي ويرتفع ضغطي
وتمنيت اني ما قعدت بالصف الاول
المهم
خرجنا واكلم ولد عمي قلتله وش سويتو(هو بسعود) قال الحمد لله الدراسه بعد سبوع
ويرتفع ضغطي زود
واروح للماث ويطلع عربي وافررررررررررررررح قلت يا لبيه بس قلب علينا وطاح فينا تحطيم
لكن مع الايام حبينا الاجانب وكرهنا العرب
الله يعين
وعدت السنه هذيك ع خير
^^^^
صدقت يالغلا … واذكر انه قالنا قوموا وكل واحد يتعرف على زملائة بالفصل وخلانا نحفظ اسماء بعض … والصراحه طريقته هذي ساعدتني اني اكون صداقات مع جميع طلاب السكشن بلا استثنا
وصح لسانك يوم قلت أصدقاءك في الاوريا … هم اصدقاءك في الجامعـهـ
والاصح بعد … اصدقاءك في اول ترم من الاوريا
طريقـتهـ كانتـ حلوهـ , الى الان اذا قابلتـهـ اسلمـ عليـهـ ويعرفني
متواضع واخلاق هالدكتور
أنا أول يوم كان مأساوي جدا لكن ببدأ لكم الأحداث بيوم الاثنين اللي كان يسبق الدراسة
المهم أنا كنت ناوي أجي للظهران يوم الخميس اللي يسبق الدراسة بس جيت يوم الثلوث
لانه اتصل علي روميتي اللي تعرفت عليه عن طريق موضوع ( اختر روميتك ببساطة !! ) وقال لي تعال ترى السكن بيروح علينا وانخرشت ذاك اليوم وكلمت ابوي وقالي بسويلك حجز على يوم الثلوث لانه اهلي كانوا خايفين علي إني أسافر بالسيارة وخلوني أشحنها عن طريق البسامي وأجي بالطيارة
حتى إني كنت ناوي أسلم على أصدقاي بيوم الاربعاء واسافر الخميس لكن هذا اللي صار
المهم وصلت للمطار الشرقية يوم الصبح وكانت خانقتني العبرة لأنه أول ما وصلت دقت أمي علي وسلمت علي
وتعرفون إنه بالشرقيه مالي أقارب تخيلوا منطقة كاملة ما تعرف فيها أحد وماكان معي سيارة لان سيارتي بتوصل الخميس نكمل استاجرت تكسي وعلى طول من المطار للجامعه وجاء التكسي وقلتله وقف ووقف عند الاشارة اللي بعد التفتيش -البوابة الرئيسية - وكان عندي خبر انه لازم اول ما تسجل لازم اروح عند مبنى 54 وكنت اشوف مبنى 54 بس ماني قادر اوصله لانه فيه شبك وانا الغبي حاولت انط من فوق الشبك اللي على الشارع اللي بجمب الاشاره وما كنت ادري انه لازم ادخل جوا الجامعه وفي طريق للمبنى ذا . المهم عفشي وشناطي ولابتوبي كلهن معي وانا واقف على الشارع وتورطت واجي ادق على روميتي اللي كنت متفق معه من امس وقايله تراني بجي من المطار وبقابلك عند الجامعة ودقيت عليه بعد اللطعة المحترمة تحت الشمس والرطوبة جاء
وسلمت عليه وكان ذاك اول يوم لي معه بالجامعه ورحنا مبنى 54 وضبطنا اوراقنا وطلعنا وعطونا سكن بعمارة 831
رحنا للعمارة وحنى بالطريق الا فيه بلكة واجي امشي عليها الا وتكرفس واطيح ذاك الطيحة اللي خلت كل اللي شافوني يضحكون علي وانشق ثوبي وكنت توي مفصله جدييييد واروح للغرفه مع روميتي وكل ركبي دم واديني جروح عاد جاء روميتي وقال يالله بروح اجيب شناطي من السيارة وبجيك راح هو وانا قعدت بالغرفة بعدين جيت بروح للحمام ويتقفل باب الغرفة علي وما كان معي مفتاح وقعدت انتظر لي جاء روميتي ويفتح الباب وحط اغراضه وقال يالله بمشي انا لانه عندي شغل مع اهلي قلتله براحتك وسألته متى بتجي قال الليلة - ركزوا الكلام هذا كل يوم الثلوث- وراح روميتي وأول ما ضمنت انه راح انسدحت على السرير والدموع اربع اربع وقعدت اقول بنفسي انا وش دخلني للجماعة ذي ووش لي بالمرمطة لو اني مسجل بسعود عند اهلي وكل اصدقاي هناك كان اصرفلي لكن انا غبي وجاء المغرب وانا ما معي لا سيارة وجوالي بيطفى والشاحن ما يركب لان الفيش شكله غريب ولعين
وكنت خايف اكلم لانه بطفى شاحن الجوال ورحت للتموينات اللي عند مياس حاليا وقالولي ما فيه فيش اللي كنت ابيه
وجاء بالليل احتري روميتي يجي ما جاء واحلى سحبة لاحلى عيووون
وجاء يوم الاربعاء وما جاء احد واكلي وغداي وعشاي كله كيك شريته من الجمعيه ذيك اللي عند مياس لانها كانت توها فاتحة على دفعتي 28 وراح الاربعاء و انا مقابل اربع حيطان لحالي وما اعرف احد وجاء الخميس الا ويدقون علي البسامي ويقولون لي وصلت سيارتك واستانس وعلى اقرب تكسي وعلى البسامي واخذ سيارتي واروح استاجر شقه من الشقق اللي عند الراشد واطلب ذاك الاكل واناظر ذاك التلفزيون -كنت صدق محروم - واطلب بروستد ومقبلات وصحن مشاوي وكوكتيل كل ذا لي لحالي واكلته كله من الجوع والروميت ساحب علي آآآآآه بس
ويجي يوم الجمعه واسلم الشقة واروح للجامعه علما اني الخميس رحت للجامعة بسبب المحاظرة التعريفة اللي مالها داعي بس كنت مجبور اني احظر لانهم قالوا ما نعطيك ستيكر للسيارة الا اذا حظرت وفيه تسجيل حظور
وانا مصدق عبالي صادقين لكن نصيح يا شباب اذا قالوا لكم محاظرة تعريفية لا تحظرون لانه ما فيه لا حظور ولا شيء نصب بنصب المهم وجاء الجمعه بالليل الساعة 10 وانام يوم قمت نص الليل لقيت روميتي جاء ونايم وبعدين كملت نوم وقمت الساعة 6 الصبح لانه عندي ماث الساعه 7 و 8 عندي انجليش ويوم قمت رحت اقوم روميتي انا ووجهي واقوله قم يالله عندك دوام ولا والله لو واحد غيري كان تفل عليه لكن وش اسوي خبل انا ووجهي وداومت وتعرفت على واحد بالكلاس اللي يعطيه عافية ومن اول يوم رحت انا وياه للراشد وافطرنا بمطعم الف ليلة وليلة وانتهت السالفة
وعلى فكرة اللي بيسالني عن روميتي ذا تزاعلت انا وياه ورممت مع واحد ثاني وانهت السالفة
ادري انها طويلة لكن فضازة يا حبايبي
.
آبۉ ريمـــآ … = (
ۉقصصم ًـآ ڪآن يۉم مأســآۉي ض1 ~
ۉ رۉميتڪ ذآ يــًـبــيــلـــه ۉشسمه … ^^ ’
ليش يقولوا الدوام طوييييل
هي 6 ساعات نفس حقت المدرسة …من 7 الين 1م
^^^^
مين قال من 7 الى 1
الانجلش يكون يا من 8 الى 10 ومن 1 الى 3
او
من 10 الى 12 ومن 3 الى 5
وطبعا في الاوقات الثانيهـ يكون فيه بقية المواد
انا دوامي كان من 8 الى 5 قبل سنتين ما عدا يوم الاربعاء
والله اول يوم سالفتي سالفة يوم التسجيل والاجراءات
اخذت سيارة نسيبي ورحت انا وابو رمت
ويقالنا واسطة نعرف واحد في ادارة الاسكان ونروح ندورله
عند ادارة اسكان الطلاب خخخخخخخخ
وندخل ما فيه حد
ويجونك طلاب كبار يطالعون فينا ويضحكون
وجا واحد منهم قالنا ان التسجيل في مبنى 54 … قلناله عارفين << مسوين ثقة
بس جينا ندور واحد هنا
قال كلهم موجودين هناك … عاد احنا كفكفناها ورحنا
وجيت ابي افتح السيارة واحاول احاول احاول … والله ما فتحت
واتصل على ابو نسب … قال اووووووه نسيت لا اعطيك الرموت … والشمس صاكه روسنا صك
قالي فيه طريقه وحده بس لازم تتشمر وتكفكف ثوبك … لازم تفتح الشنطه بالمفتاح وتنقز وتسفط المرتبة وتدخل سباحي تفتح البيبان
قلت ايييييييييييوه زانت
والله يحلف ابو رمت انه هو اللي ينقز << هيااااط … باقي نستحي من بعض وقتها
ونفتح الباب ونركب وعلى مبنى 54
كان ممل لكن مر بسرعة .!
كيف ؟! ما أدري .
اول يوم بالجامعه رحت استلمت البطاقة الجامعية والصراف
وقابلت لي هناك واحد سولفت معاه شوين وسالفة تجر سالفة
وبالحلقة الاخيرة رمتنا مع بعض … رحنا غرفتنا (من حظنا كانت عماير )
طبعا انتم الحين ما عندكم الا عماير ما هو دفعتنا يا حظي اسطبلات وبدون نت 
طبعا انا وروميتي العزيز اجتماعين جدا من اول يوم تعرفنا على اللي في الدور كل ابوهم …
ورتبنا امورنا وتجمعنا يمكن 10 او زود وسواليف وطلبنا لنا دومينوز طبعا قطة…
وخذ سواليف بعد الاكل وتنكيت الين الساعة 2 الليل …
وبالاخير تصدق عاد نمنا وبكذا انتهى اليوم الاول
انتظروني السنة الجاية واعلمكم وش صار باليوم الثاني
ومن الدكتور نرفع للاس <<<يبغى يشوقكم
^^^^^^^^^^^^^
ما شاء الله
حمااااااااااااس
ياكرههم جيراني
كل واحد اخس من الثاني
مافي الا واحد والا اثنين اللي تسمي عليهم اما البقيه … اعوذ بالله
على فكرة انا ورميتي كنا الاوريات الوحيدين بين الجيران … ييمكن هذا السبب
اول يوم لي بالجامعة اليوم التعريفي
كنت مريض عندي صديد وكان يروح للقلب (له يومين) والضفط مررررررتفع
واصلا ماكملت اليوم التعريفي ، ماحضرت الا نصف المحاضرة التعريفية حقت التوجيه والارشاد … وكنت افقد الوعي وارجع اصحصح
حتى شافني دكتور الله يجزااه الف الف الف الف الف خير
جاء اخذ الظرف حقي الابيض ، وقالي تعال بس تصوّر عشان صورتك حقت البطاقة الجامعية وروّح ، وانا راح اكمل لك كل شي
الصراحة/
انا فارقت أهلي من هنا وسافرت على الشرقية لوحدي وحسيت بمرارة الفراق والغربة لوحدي وخصوصا اني مريض ، ولقيت هالدكتور الطيّب من جهة اللي عاملني مثل ولده 
ومن هذاك اليوم وانا كل ماأشوفه أحب على رااسه
واتذكر المعروووف اللي سواه لي … يوم انه قدمني على كل الطلاب وقت التصوير وخلاني اروح المستشفى وهو كمّل كل الاوراق عنّي
نسيت ماأقول للأوريات الجدد
إن أحسن شي بتشوفوه هو مبادرة طلاب الجبل من جيران أو جماعة المسجد لمساعدتكم و عرض خدماتهم لعيوونكم
يآ لبى أول يوووم
جيت الجامعه الإثنين مع الشبآب …
كآن موعدي الثلآثآء و اخوياي الأثنين
رحت معهم و ما اخذت اورآقي …
قلت بشوف الأوضآع كيف …
لاني بكرا بيجي روميتي اللي متوآعد معه و بنروح سوآ
المهم و يجيني إتصآل من ابوي قآل دق على فلآن و إسكن معه
فلآن هذآ يقآل انه ولد عمي الللي ما قد شفته أبد
طبعآ ما اقدر اقول لآبوي لآ
قلت سم
و الله و يجيني و نخلص اورآقنآ , و يوم جآء سحب الأورآق فـ السكن و ارقام الغرف
أقول له إسحب , يقول لا انت إسحب
و نتعآزم و طولنآ … قفلت مع الموظف و سحب لنآ هو … و طلعنآ فـ عمآره 31 الدور الأرضي جمب بآب العمآره
موقع إسترآتيجي
و رحنآ السكن و انبسطنآ
و تقضينآ اليوم اللي بعده تلفزيون ثلآجه و شغلآت …
و كلهآ اسبوع أعرف نص العمآره
زبده الكلام … اول يوم ممتــــع جدآ ^^