مشكوريين والله حمستونا لليوم الأول
بس الله يستر
اذكر اول مادخلت الجامعة وانا مستانس اشوف البرج والزرع والتنظيم والكليات حسيت انني سويت انجاز كبير اني دخلت جامعة زي كذا
واستانست اكثر يوم اعطونا المفاتيح وقلولنا العماير الجديدة
بس اسوأ ماحدث لي يوم فتحت الغرفة (كومنت روم) وشفت حجم الغرفة والاثاث انصدمت صدمة (قعدت اسبوع احاول اقنعي نفسي) بس الحمدالله اني كنت مع روميت طيب واعرفه من زمان (خفف علي الصدمة شوي)
اول يوم دراسة كان دوامي ايرلي 8 صباح طلعت مستانس معاي دفاتر واقلام وفجاة اسمع صوت الساعة استغربت من صوت توقعتها كنيسة بالبداية (بس اليوم سبت؟) سالت واحد قلي برج ساعة (ازداد حماسي عندنا برج والله جامعة قوية)
شفت المدرسين الحمدالله كل واحد طلع احسن من الثاني (اكيد بتواجه مدرسين يحبطونك زي اللي يقلك انتم اسوا دفعة واللي يقول كيف دخلتوا الجامعة ) بس انت عليك تدخل من اذن وتطلع من اذن اذا جاك كلام زي كذا…
وجهي كآنْ كذآ آول يوم - > 
+ 
بعد آول مييجرٌ -> 
+ 
خخخخ
اول مرة اتذكر أحداث أول يوم… الي ما كان فيه نكبات قوية يعني على خفيف…
مشينا للجامعة -انا وابو رمت- الساعة ثنتين صباحا يوم الثلوث من الرياض وعندنا مقابلة في نفس اليوم .
طبعاً كنت ما أدل في الشرقية أبدا والمقابلة بعد كم ساعة ومواصلين وخايفين نضيع ونتاخر على اليوم التعريفي حق الجامعة .
المهم اننا وصلنا للجامعة بحمد الله الساعة 6 تقريبا وإلى الآن ما انسى فرحتي وفرحة ابو رمت يوم قرينا اللوحات الي في الطريق تقول إن جامعة الملك فهد باقي عليها كم كيلو
اذكر من زود الحماس رحت لبوابة ارامكو وعلمنا ان السيكورتي ان هذي مهيب الجامعة وعلمنا وين بوابة الجامعة
.
وتكينا في في مواقف 59 قرابة النص ساعة الين جاء الباص وخلصنا اجراءات السكن ثم قعدنا ندور بالسيارة في الحزام (كان عندي مشكلة في استيعاب طرق الجامعة) وطلعنا على مطعم مشوار بالصدفة وقلنا هذا الي العالم يسبونه!؟
بعد المحاضرة التعريفية تقريبا 2 الظهر قلنا خلنا نتغدى عند مشوار ولكن للأسف ما لقيناه …
سألنا لنا واحد من الي يمشون على الحزام وقال تلقون لفّة مشوار بعد الدبابة… 
<<<حنا انصدمنا دبابة في الجامعة…؟
بعد فترة طويلة من البحث إكتشفنا إنه كان يقصد بالدبابة الشاص الي في صندوقه رشاش
خذنا غدانا من مشوار ورجعنا لغرفتنا ويالله وصلناها !
تغدينا ونزلنا أغراضنا وتعرفنا على جيراننا الي قبال غرفتنا (اوريات من الرياض) .
بعد العصر جيراننا الأوريات راحوا للرياض لأن كان فيه مباراة للهلال مع النصر + مباريات دوري الأبطال
حنا قلنا بنقيل ونسحب على مباراة الهلال والنصر ونشوف دوري الابطال عند اهلنا على الرغم من أني هلالي والروميت نصراوي !
ريحنا في الغرفة بس ما قدرت انام وقبل المغرب مشينا للرياض …كنت مصدع ومستعجل عشان دوري الابطال وطريق الرياض السريع كله تحويلات .
مشينا شوي وقلت خلاص مسكنا الخط واسرعت شووي وللأسف كنّا ما بعد مسكنا الخط وأجيك مقلع وأتعدى الكبري الي يطلع على طريق الرياض !
خخخخ جاني أحباااااااط يوم دخلنا الدمام لإن المباريات بتفوتنا …
المهم بعد عك ومدري وشو …طلعنا على السريع مرة ثانية وقعدت أمشي 120 إلين قريت لوحة الرياض باقي عليه ثلاثمية ومدري كم بعدها مشيت المشي الطبيعي…
يوم وصلت البيت على بداية الشوط الثاني من المباراة الي ابيها-اعتقد البرشا- كنت تعبااااااااااااااااااااااااااااااان (24 ساعة مواااصل)
فسحبت على المباراة وسألت أخواني عن نتيجة مباراة الهلال -ما أذكر النتيجة لكن أكيد كان الهلال فايز كالعادة… 
-
بالنسبة لأول يوم دراسي كان جيد بس ضاق صدري من الانقلش كثيييييييييير لأني ما كنت أدري وش يقول المدرس بس حمد لله تحسن الوضع على نهاية السمستر<<<يقالي طمنتكم…
^^^^
ترا مهب انا جاره المذكور بالقصه اعلاه هع هع
وش قصة الميجر ذا ؟؟؟
وش قصة الميجر ذا ؟؟؟
إختبار شهري
الرياضيات عندك 2 والانقليزي عندك اختبار منتصف فصل ونهائي
وبالتوفيق
وكيف مستوى الصعوبة فيه ؟؟
وليه كل الشباب لهم تجارب سيئة معه ؟
^^^^^^
هذا الله يسلمك من التفلسف في الاسئلة !
ذاكر وإن شاء الله ما تصير مثلهم
لاحق على الهم 
ما اذكر الا في انه بعد ما عرفت ان المحاظرة التعريفية في " مبنى 10 " … اجيك كاشخ وكلي كبرياء وارفع راسي شوي لقيت " عمارة 10 " حقت السكن وقلت كويس والله قريب المبنى وادخل هناك انتظر قعدت ساعتين ولا فيه اي كائن حي لما سأإلت واحد مر عاد انا سألته ولا ما سألته الرجال انسدح ضحك