د.احسان الحق
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
دكتور جديد هذا اول ترم له في الجامعه
حبيب جدا يحب الطالب الي يشارك معاه
بس احسن احيانا يجيب المرض من كثر ما يسالك
التحضير يوميا بداية الكلاس
يرحب فيك في الاوفيس اور
يحاول يسوي الي عليه
من ناحية قريد
مدري انا معاه الحين
ما انصح به
يحضر حتى لو تجي متأخر ,
كوزاته متوسطه
شرحه تحس انك فاهم لكن في الاختبار والواجبات تحس انك مو فاهم
يعطيك المعلومات كيف صار ويصير والاختبار شي ثاني
اسلوبه ما يصلح لاختبارات البترول , محتاج شخص يعلمك كيف تحل مو يفهك كيف وليش
التحضير : في أول المحاضره يذكر اسماء الطلاب.
طريقة الشرح : سلايدات بوربوينت تكون مبسطه، وبعض الاحيان يشرح من الكتاب.
الكويزات : الكويزات ماتزيد عن 5 وكلها متفرقه في السمستر، تكون أسئلتها من الواجب في العاده ومن الكونسبت اللي في الكتاب.
الواجبات: المدرسين بشكل عام يعرفون ان الطلاب عندهم سلوشن مانول، عشان كذا معظم الاسئله تكون من خارج الكتاب وبعضها من الكتاب. مع ذلك تكون مشابهة جدا لأسئلة الكتاب.
الساعات المكتبيه: رايق حدّه، يقول لك حتى لو تبي تسولف، تعال ولا يهمك… وشرحه في الساعات المكتبيه كويس ولا يرد أي طلب اذا كان باستطاعته يسويه…
المياجر: كومون، واللي اذكره فيها، اسئلة الاختيار المتعدد تكون كلها كونسبت، وبعدين في مالايقل عن 4 أسئله حل مسائل حسابيه للماده وتكون متوسطة الصعوبه…
الفاينلات : كومون، وتكون أسهل من المياجر بكثيير وموصعبه يجيب فيها الشخص 100\100
القريد النهائي: المدرس أعطيه b
الصوت: واضح وماعنده مشكله مع الصوت.
إضافات :
* أول سمستر للدكتور يدرس فيه 101، كان يشتغل في شركة سامسونق لصناعة السفن في كوريا…
* المهم، شرحه رايق ويحب المشاركه ويهتم بالكونسبت أكثر من حل الاسئله… لاحظته يحل أمثله من الكتاب وقليل، واسئلة الكتاب مايحلها على السبوره للتوضيح أكثر…
* عشان ماأظلم المدرس، ممكن أسلوبه تغير السمستر هذا ممايعني تغيره بشكل أكيد السمستر 111 واللي بعده…
* إذا كان مستواك في الفهم داخل قاعة المحاضره كويس نزل عنده، بس اذا تحتاج شرح مفصل وكل شي، ماانصحك فيه…
* الماده بشكل عام تظهر بمظهر الصعوبه لأن فيها كونسبت كثير، فأنصح اللي بينزلها يكون مستعد انه يفهم صح ويقرأ الكتاب مهما كانت السلايدات كويسه… لأن الكتاب يوضح لك زوايا بشكل مرتب ومفهوم خصوصا للمياجر والفاينل…
فالكم الدرجات الكامله 
+ 
الدكتور ممتاز صراحة
يفهمك يفهمك
بس لازم تنزل الحصة قبل الظهر حتى لا تنعس لان الماد كونسبت اكثر يعني الكلام فيها واجد
طيب كيف وضعه في اللاب !!؟
التحضير: الدكتور يحفظ الأسامي ويحضر تقريبا بشكل يومي
الشرح: أنا أخذت معاه me 205. الدكتور شرحه جدا طيب للكونسبت وهي المادة أصلا أغلبها كونسبت وشوية حسابات. والدكتور كمان يعطيك أوراق وامثلة تحل عليها.
الكويزات: متوسطة وتعتمد على الكونسبت فيها حسابات كمان.
“العلامة النهائية”: A
إضافات: لا تحاول تغيب في المادة لأنه اذا غبت حصة وحدة حتضطر تقرأ الكتاب. والكتاب طوييييييييل. فنصيحة مني: لا تغيب 
ادرس معه حاليا مادة الكروجن me 472
متفاني بالشرح وحريص على ايصال اكبر قدر من المعلومات بدون التقيد بالكتاب … يحب الكونسبت اكثر من المسائل …
التحضير غالبا يمرر ورقه توقيع ومرات يحضر بنفسه …
المياجر تكون شامله ويركز ع الكونسبت اكثر (اتكلم عن مادة الكروجن)
وغالبا يسوي مراجعه آخر محاضره قبل الميجر تكون مهمه جدا جدا لانه نص اللي يقوله بالمراجعه يجي بالاختبار
دعواتكم
ME 216
term 111
التحضير : يوميا اخر الكلاس حتى اخر يوم
طريقة الشرح : ممتازه ويعطي هاند اوت مره مفييد , وقبل المياجر كلاس مراجعه ايضا مفيد جدا , يركز عالطلاب اللي ورا ودايم يسالهم خاصه اللي مفهي بالجوال زيي 
الكويزات : كلها سهله الا واحد 
المياجر: كومن
الفاينلات : كومن
القريد النهائي: B+ الى A
الصوت:جيد
إضافات : الدكتور اخلاق وشرحه جيد , مهتم جدا دايم يسال الطلاب يقول وش تنصحوني اسوي عشان تفهمون اكثر , تصحيحه حقاني لكن بالفاينل قريد طلع لي فوق اللي توقعه
ينصح فيه
Me 216
دكتور ممتاز جدا ومن افضل الدكاتره اللي درسوني في الجامعه
شرح ممتاز ويدفك في القريد لا احد يفوت الدكتور هذا
ايه يا احسآن الحق
هذا الدكتور من افضل الدكاترة اللي درسوني
يحب يربط الاسلام بالعلم … و يعاملنا كمسلمين محترمين
باحد الكوزآت حط لنا الحل بالسبورة و قال صححوآ لانفسكم !
واخذها ورصد القريد نفسه … وقال المؤمن لا يكذب ]
اكثر دكتور حبيته بالجامعه … يحسسني بالتعامل الايماني الرائع
الله يوفقه وين ما يكون
التحضير :
يوميآ … كان اول يحضر بورقة بس لمن حس الطلاب يحضرون اخويآهم صآر يحضر بنفسه
طريقة الشرح :
اول كان يشرح ثيوري … و حس انه مب كويس
بعدين صار يجيب لنا اسئلة كتاب و قوة حل اسئلة
كان كل اسبوعين يسالنا عن طريقة شرحه … وهل يغير فيها شي
الكويزات :
زي الهومورك …
+
الموقف اللي فوق
المياجر:
يدف في التصحيح …
الفاينلات :
كومن
القريد النهائي:
A
الصوت:
واضح
إضافات :
دفنا بالفاينل قريد دفة قوية 
احب هالدكتور في الله
سلام عليكم
هل يركز على التاخير ولا؟
Term 121
التحضير :
زي ما قالوا الشباب التحضير عنده شديد. بس سوى حركة جديدة هذا الترم إنه يجيب أوراق تحل معاه بالفصل وتجيبها الحصة الجاية ويحضرك فيها.
إذا تبي دكتر يسلك بالتحضير لا تاخذ عنده.
طريقة الشرح :
والله على حسب الشخص. أنا بالنسبة لي كان شرحه رتيب شوي، وكنت أبي أنام بكل حصة حضرتها. بس واضح الدكتور إنه فاهم بالمادة. وأتذكر المرات اللي ما نمت فيها ( ) إني ما حتى كنت أحتاج الكتاب.
إذا تكره الشرح الرتيب لا تسجل عنده
الكويزات :
على حسب الchapter. مرات تجيك تاهفة ومرات تجي أنك لازم تذاكر زين قبلها. مو مرة نار.
المياجر:
المياجر كومن بس والله ما راح أنسى حركة طيبة من الدكتور. كان حل لنا أسئلة الميجر الثاني والله أنها جت بالرقم حتى.
إذا تبي دكتور يساعد بحل المياجر خذ عنده
الفاينل :
ما نزل الدرجات لنا بس هي نفس حركة المياجر. لا ونص المادة مو عليك.
الصوت:
لهجته تنفهم بسهولة بس زي ما قلت مشكلتها فيها رتابة وبرودة شوي.
إضافات :
أنا حاط الدكتور فوق راسي، لأنه بين كل فترة وفترة يعطينا ورق (CPs) تخلينا نحل عن مواضيع الكتاب. والدكتور كان أهم شيء عنده فهم الطالب لدرجة إنه كان يخلي الحضور بالأوراق ذي زي ما قلت أول الموضوع. وتحس إنه لو ما كان فيه نظام التحضير الشديد كان بيرتاح نفسيا ً ويشرح على راحته.
أحسن شيء فيه اهتمامه بفهم الطلاب
القريد النهائي:
B
الترم :
101
الكورس :
Me - 215 … أتوقع تغيّر اختصار الكورس الآن
التحضير :
يومياً … ويحضّر حتى المتأخرين بأي وقت , ويحفظ أسماء الطلاب
طريقة الشرح :
عالسبورة وسلايدات على ما اذكر , ويحب يوصل المعلومة للكل , مرح وحبيب ولكن الشرح كامل المحاضرة ويحرجك بالسؤال … لو كنت مو مركز
الكويزات :
في رأيي إنها صعبة , أو بالذات هالمادة ماعرفت كيف أذاكر لها أبداً
المياجر:
ماتيريال المادة تحسبه قليل , وتذاكره يمكن ب 4 ساعات للميجر , ولا فيه زيادات لها
ولكن تتفاجأ ان الميجر صعب
الفاينلات :
صعب جداً
القريد النهائي:
أذكر إنه دفني دففففف … وكنت عالحافة جداً 
الصوت:
قوي ومسموع
إضافات :
المدرس حبيب , مرح , شباب , تحس عمره قريب لعمر الطالب ويتفاهم معك ويقدّر الوضع
لشرح بطل , لكن شرحه مايفيدك لإختبارات جامعتنا الحبيبة
# TERM 121 - ME216: Materials Science
التحضير :
ورقة تمر غالباً ، وبعض الأحيان ينآدي بالاسماء وبعض الاحيان عن طريق اوراق الـCP اللي يسويها اغلب الكلاسات وخصوصاً اللي تحتاج حلول “numerical problems” .
طريقة الشرح :
عن طريق السلآيدات ، يشرح الكونسبتس بشكل خيالي ويطبّق عليه اذا احتاج بشكل مجنُون يحمسّك مع الشرح ويدعو دائماً الى مكارم الأخلاق ، دكتور راقي جداً !
الكويزات :
اعتبر عددهم n ، ويسآوي 5 او 6 كويزات، ياخذ منها n-1 ( يحذف اسوء واحد )
+ اثنين من الـ n-quizzes كانت take-home quizzes !!
المياجر:
كومون - يدربك عليها بشكل خيالي .
الفاينلات :
كومون.
القريد النهائي:
A+
الصوت:
واضح
إضافات :
الدُكتور يشرح بذمة وضمير وماهمه القريدات فعلاً ، تصحيحه حلو ومتعاون مع الطلاب ويقدّر جداً ، ويكرر دائماً انه مو مهم تطلع بقريد مرة بطل المهم تطلع وانت فاهم ، يحببك جداً في المادة!
1 Like
+ 1
ببساطة …
شرررررح … حل مسائل … اخلااااااااق … راحة نفسية … تصحيح رائع
= ما تحس انك منزل المادة + قريد حلو
الله يوفقه هالدكتور … مثال للشخص المسلم الراقي
1 Like
ما ازيد على كلام الشباب
لكن نصيحة ظبط وضعك بالميجر الاول لانه يدف دف مو بصاحي بالتصحيح بهذا الميجر , يعني يمكن يعطيك 5 الى 6 درجات من الهوا
بالتوفيق للجميع مع هالمادة الغثيثة 
1 Like
me 216 - 131
التحضير : في نهاية كل كلاس .
طريقة الشرح : يشرح الكونسبت و بعدها يحل كذا مثال.
الكويزات :متوسطة.
المياجر: متوسطة.
الفاينلات : فاينل 131 كان صعب نوعا ما.
القريد النهائي: a
الصوت: واضح جدا
إضافات :
* من أفضل المدرسين اللي كنت عندهم…
*أغلب الطلاب يعتمد على شرح الكلاسات في الكويزات …
*يعطي أمثلة من واقع الحياة اليومية …
* يهتم بالكونسبت كثير…
1 Like
والله ما ورطنا الا المدح اللي فوق
بس عشان ما أظلمه يمكن كويس في 216 او 322 لكن…
في ME 472 “Corrosion Engineering” فهو الأسوء على الاطلاق
سأترك حكمي عليه و رأيي فيه و سأذكر لكم كل التفاصيل لتحكموا عليه:
1- لا يوجد مصدر رئيسي للمذاكرة فهو يقول ذاكر كل شيء و ركز على النوتز
2- يقول اكتب نوت معاي ولكن يخربش شويتين على السبورة و يبدأ يشرح نطقاً و المفروض انك تسجل كل شيء و تفهم كل شيء في نفس الوقت.
3- خطه على السبورة مثل الطلاسم لا يمكن قراءتها ولا فهمها.
4- لا يملك خطة في الشرح فيبدأ اينما اراد و ينتهي اينما اراد من دون ما يخطط لها قبل المحاضرة.
5- ينزل سلايدات يشرح منها لكن يقول ما بأنزلها لكم , سجلوا منها في النوت ما قلته و شرحته"الا سلايدات تشابتر 4 للأمانة ذكرتها".
6- مطلوب منك شغل جبار طوال السمستر كأنك منزل انجليش 214 + مذاكرة للمادة و بحث عن مصادر الواحد يقدر يجمع منها اي معلومة يستفيد منها.
7- هناك ( هومورك كل اسبوعين تقريباً - CP وهي اوراق مراجعة يوزعها تقريبا كل اسبوع و يطلب منك تكملها في خارج المحاضرة - بروجكت يتكون من بحث كامل تقوم به انت و قروب تكتبونه في ريبورت و تقدمونه بريسنتيشن و يهلككم بالبروجريس ريبورت).
8- يغير الميجر متى ما يبغى و بدون اذن احد.
9- يحفظك المادة بالتكرار وليس بالفهم و المنطق.
10- بطيئ جدا في تصحيح الكوزات, ولما ينشر السلوشن يكتب علي اغلب الفقرات “اقرأ من النوت”.
11- القريد النهائي على حسب كلام اللي قبلنا خسسسسسسف.(غالبا ما يعطي اي بلس لاي احد + يعطي اف لبعض الطلاب) مع العلم انها مادة اختيارية.
بإختصار ندمت الندم الشديد على اني نزلت المادة هذه عشانها مادة من خارج التخصص و ندمت الندم الاشد عشاني نزلت عند هذا الدكتور.
- ملاحظة: المادة هذه ليست سوى نقطة في بحر الكوروجن وانك اخذتها فلا يعني انك فهمت الكوروجن لانها تحتاج الى سنوات من الدراسة ,هذا الكورس ابدا لا انصح فيه الا من اراد التعمق فيه بالدراسات العليا والا فانه لا يغني ولا يسمن من جوع.
-ملاحظة: ما كتبت اللي كتبته الا عشاني احب الخير لغيري وما ابغى احد يتورط فيه مثلي لكن للمعلومية فيه كم واحد عاجبه الكورس مدري الدكتور و شادين حيلهم معاه “اتوقع لانهم منزلين معاه سينيور بروجكت”.
- لي رجعة بعد القريد النهائي ان شاء الله.
1 Like
Points 2,3 and 4 was the same in 216. But he’s still good
1 Like