هذا الموضوع مخصص لمناقشة المقرر المذكور في العنوان
بنود تساعد في تقييم المقرر:
جودة المقرر بشكل عام
المواضيع التي يغطيها المقرر
الكتاب المستخدم للمقرر
الأسئلة والأمثلة المستخدمة في المقرر
مدى فائدته في الناحية التطبيقية
ولكم الحرية في تقييم المقرر باستحداث بنود أخرى ترونها مناسبه لتقييمه.
كما نرجو تحري الصدق والعدل في تقييم المقرر
وعدم الخلط بين تقييم الأستاذ وتقييم المقرر بذاته
ME 455 T222 First Batch
جودة المقرر بشكل عام: المقرر كان نسخه طبق الاصل من ME 444 ولكن باختلافات بسيطة باللاب، واللاب كان غير مفيد للطلاب اللي اخذوا ME 444
المواضيع التي يغطيها المقرر: المادة تختلف عن ME 444 من ناحية ان الدكاترة قرروا انها تكون متقدمة اكثر، بمعنى المشاريع البسيطة مثل قطاعة فواكه اوتوماتيكية وغيرها من اللي كانت تحصل قريد عالي ب 444 ما راح تحصل قريد مشابه. الافكار البسيطة اللي ممكن تحصل قريد عالي ب 455 هي اللي تكون بطلب او دعم جهة او دكتور وبشرط انها تنجز. اما الافكار الصعبة واللي تحصل قبول الدكتور هي اللي ممكن تحصل قريدات عاليه بسهولة.
الكتاب المستخدم للمقرر: لا يوجد، الدكتور كان يعطي محاضرات من فترة لفترة ويستعمل سلايدات توضح وتبرز افكار مميزة ممكن الطلاب يشتغلوا عليها كمشروع
الأسئلة والأمثلة المستخدمة في المقرر: بالنسبة للاب مع طارق حرير، بدأ الترم بلابات مكرره من 444 ولما شاف ان نسبة كبيرة من الطلاب اخذوا 444 الترم اللي قبله معاه، غير اللابات وجاب حتى التجربة اللي كانت فاينل لاب الترم الماضي كتجربة عادية بنص الترم. للاسف اللابات كانت اسوء حتى من 444 جزء من اللوم على اختيارات محاضر اللاب، وجزء على امكانيات المعمل بشكل عام.
مدى فائدته في الناحية التطبيقية: المادة ممتازة للي يحب يشتغل على مشروع متقدم ويبرز امكانياته.
إضافات:
اللاب انلغى من هذا المقرر بحكم ان المادة صارت ضمن تخصص دقيق، والقرار ذا ممتاز جدا بحكم ان اللابات كانت تضييع وقت وجهد وللاسف المحاضر تغير شوي عن الترم اللي قبله وصار يتصيد على الطلاب، اضافة لذلك كان متخبط بتنظيم اللاب عكس الترم السابق.
مره يقول فيه فاينل لاب ومره يقول فاينل بروجكت ومره يقول اختبار شفوي وبالاخير دمجها كلها وخلانا نشتري قطع ولضيق الوقت خلى كل شعبه تشتغل على نسخة من المشروع، احد الطلاب جزاه الله خير تكفل انه يشتري قطع لكامل الشعبتين و للاسف بعض القطع ما اشتغلت مع احد الشعبتين والمحاضر ما راعى هذا الشيء وخصم درجات. المشروع لا يناسب مجموعة كبيرة من الطلاب ولا يفيد بصراحة. والمفاجاة كانت انه نسي يقول لنا ان فيه اختبار شفوي وقام سوا لنا قروب تيمز باسبوع الفاينلات وخصص لكل طالب ربع ساعه يتصل عليه ويسأله اسئلة شفوية. وكان مستوى الاسئلة حسب موقف المحاضر منك، اذا انت من اللي شايل عليهم بيعطيك اسئلة غريبه واذا انت من اللي يشوفهم كويسين يسألك ايش هو void بالكود. طبعا للاسف المحاضر حتى بالدرجات والخ كان يحابي ناس على ناس وليس على اجتهادهم بالمعمل ولكن اللي يسولفون معاه ويعرفهم من قبل الكورس.
ذكرت اللي فوق احتياط لو رجع اللاب للمادة وللشباب حقين 444 لعله يفيدهم.
حنا وقتها اشتكينا للدكتور عمار وما قصر الله يسعده رفع الجميع الدرجات اللي خصمها المحاضر بغير حق.
من ناحية ال٧٠% اللي كانت بيد الدكتور عمار، فالدكتور الله يسعده خيرنا اذا نبي نخلي البوستر او نلغيه وكم عليه والريبورت كم عليه واخذ اقتراح مننا بعد ما شاف ان الكل مجمع عليه وهو انه يدمج الpropsal presentation مع الmidterm presentation ويكون وزنها ١٥٪ وتكون اونلاين ( نسجلها ونرسلها تيمز للدكتور) بدال حضوريا، وما قصر مدد التسليم اكثر من مره.
الدكتور بتقييم البوستر ممتاز اذا مشيت على توجيهه اما الريبورت فهو حقاني بتقييمه.
القريدات كانت ستاندرد ٩٥ اي بلص ، ٩٠ اي، والخ، الفواصل تتقرب
افرج الكورس كان ٣.٤٤ ( اقل من ٤٤٤ )والسبب كان ضغط من القسم بخفض افرج المقررات حسب كلام الدكاترة.
للاسف فيه طلاب (مجموعة) انتهى الترم وهم الظاهر ما سلموا لا الميدتيرم برزنتيشن ولا الفاينل بروجكت، واعتقد ذا الشيء كان له اثر سلبي على الكورس بالاترام اللي بعدها. فنصيحتي اللي ما يبي او ما يقدر ينجز مشروع لا يفكر بهذا الكورس.
معلومة قد تفيد المادة مع اللاب كانت تعادل CIE 412 وكان معنا طالب عادل المادتين ولكن بعد الغاء اللاب، قد يكون الموضوع اختلف.