http://www2.kfupm.edu.sa/me/Zuhair.JPG
د.زهير قاسم
http://faculty.kfupm.edu.sa/ME/zuhair/index.htm
بنود التقييم :
التحضير :
طريقة الشرح :
الكويزات :
المياجر:
الفاينلات :
القريد النهائي:
الصوت:
إضافات :
بسم الله الرحمن الرحيم
زهير وماادراك ما زهير … قبل لا انزل معه me215 دورت اي شي عن هالمدرس فالمنتدى ولا لقيت
لكن بعد فصل 101 بعد مانزلتها معه قلت لازم احذر شباب المستقبل منه واعطيهم فكره عشان مايكلونها زينا
التحضير : اول الكلاس ولو جيت وهو يحضر وكان قايل اسمك ((لو اسمك الاول مثلا )) خلاص يعطيك ليييت
طريقة الشرح : يشرح عن طريق سلايداته وبالامانه كانت جيده وهو مجتهد في الشرح
ودائما يجيب معه وسائل للشرح مثل الذرات او قطع حديد والخ … يعني شرحه ممتاز
الكويزات : متوسطة ونادرا احد ياخذ فيها فل مارك … مشكته احيانا يحط اسئله غبيه يعني مو صعبه لكن فيها ترك او مثلا احد الاسئله الي اذكرها قالنا ارسم القراف حق قوى التجاذب بين الجزيئات !! وطبعا هالقراف مايقدر احد يرسمه الا الي حافظ الفيقر الي كان موجود لها في الكتاب (وزيادتا هالقراف ماله دخل في me215)
المياجر: كان هو الكوردنيتر للمادة في 101 وكانت المياجر متوسطه ومعقوله لكن مو هنا المشكله المشكله كانت في تصحيحه … يعني احس انه يفرح اذا لقى عن الطالب غلط او اي شي ممكن يكون غلط
اخويانا الي كانو مع ظفرالله خان كان الواحد اذا غلط فيهم في سؤال ينقصه من 1 الي 4 درجات عليها
وتجي لنفس الغلط وتلقا زهير معطيك على السؤال كله 0 … يعني ينقصك كثير على الغلط
الفاينلات : الفاينل كان سهل الي متوسط لكن مشكلة تصحيحه مره ثانيه تحوسك
القريد النهائي: B
الصوت: ممتاز
إضافات : المدرس اخلاق لكن ماانصح فيه بتاتا البته خصوصا لمادة سهله وممتعه زي me215
** فيه مشكلة التاخير بتصحيح الكوزات و المياجر
المياجر يجلس يصححها شهر … عاااادي وفي الاخير تصحيح شين … ( بعض الشباب يزعم انه يصححها مرتين )
^
^
^
يعطيك العافية على المشاركة يالرقمي
محتاجين كثير لهالمعلومات عن الدكتور وما حصلناها من قبل
ما أضيف على كلام أخوي الرقمي إلا شغلات بسيطة
مع أن المدرس يحرجك بأخلاقه الرائعة … لكن مع ذلك يحرجك بشرحه المتواضع
ولا أنفي اجتهاده المتفاني في محاولة إيصال المعلومة لكنه بعض الأحيان لا يوفق
يعني فيه بعض المدرسين عارف أنه من جنبها … لكنه ما يحاول ولا يجتهد ولا يكترث … بعكس هذا المدرس
فيه شغلة مهمة : يجي واحد ويقول ليه ما تسألوا دامكم ما فهمتوا … أقول له صحيح ان الدكتور دايم يقول بعد شرح أي نقطة فاهمين ؟؟ اللي مو فاهم يسأل ترى مو عيب !؟
فلمن نسأل يعيد نفس الشرح !! وبعض الأحيان يكون جوابه في وادي وسؤالك في وادي !!
لأنه بعض الأحيان ما يسمع السؤال صح فيجاوب على سؤال في باله وما تدري وش يقول
فأنت في النهاية علشان لا تضيع وقت الطلاب تضطر للتسليك وهز الرأس والإيماء بأنك فاهم
التحضير عنده قلق
السلايدات اللي حاطها ويشرح عليها بعض الاحيان ما تكفي … لكن عموما لو تروح له للمكتب وضعك يمشي
ما عنده مرونه في المواعيد : يعني لو الفصل يبغى يؤجل اختبار قصير أو واجب أو يحاول يخلي يوم الراحة لما قبل الإجازة فما فيه أمل
واجباته ممتازة : هذي ميزة تحسب له … لكن بعض الأحيان تبلش بطولها وما يكون عندك وقت لحلها
في شغلة ثانية : ما يحب يشوف أحد يسرح في حصته أو يسوي أي شيء وقت الشرح
أي واحد يطالع الجوال … يقرأ ورقة … ينام … يحل واجب … ينسى الموضوع تراه يقطع الحصة ويلتفتلك وينبهك !!
بشكل عام المدرس
متفاني في شرحه ومجتهد لكنه لا يوفق في بعض الأحيان
صارم وشديد ودقيق لكنه يرى في ذلك مصلحة للطالب
أخلاقه ممتاااااااااااازة جدا حتى لو رسبك في المادة راح تسامحه بسبب أخلاقه
لو استقبلت من أمري ما استدبرت … فلن أدرس معه : رغبة مني بالأفضل شرحا والأكثر مرونة
وأحب أوجه له رسالة وأقول له بارك الله فيك على أمانتك وإخلاصك وتفانيك